ပြည်တွင်းမှာစက်သုံးဆီကို ထုတ်လုပ်ပြီးဈေးကွက်အတွင်း ဖြန့်ဖြုးရောင်းချနေမှုဟာ တစ်နိုင်ငံလုံးသုံးစွဲမှုရဲ့ (၇)ရာခိုင်နှုန်းခန့်သာရှိတယ်လို့ရေနံနှင့်ရေနံထွက်ပစ္စည်းဆိုင်ရာလုပ်ငန်းများထိန်းသိမ်းကြီးကြပ်ရေးကော်မတီထံကသိရပါတယ်။ပြည်တွင်းစက်သုံးဆီထုတ်လုပ်နေတာတွေနဲ့ပတ်သက်ပြီး အောက်တိုဘာလ(၁၁)ရက်က လျှပ်စစ်နှင့်စွမ်းအင်ဝန်ကြီးဌာနရုံးမှာ ပြုလုပ်ခဲ့တဲ့လျှပ်စစ်နှင့်စွမ်းအင်ဝန်ကြီးဌာန ရဲ့ လစဉ်ပုံမှန်ပြုလုပ်တဲ့သတင်းစာရှင်းလင်းပွဲကနေသိရတာဖြစ်ပါတယ်။

တစ်နိုင်ငံလုံးသုံးစွဲဖို့ရာအတွက် လိုအပ်တဲ့ စက်သုံးဆီတွေကို ပြည်တွင်းထုတ်လုပ်မှုကနေ (၇)ရာခိုင်နှုန်းခန့်သာဖြည့်ဆည်းပေးနိုင်ပြီး ကျန်လိုအပ်နေတဲ့စက်သုံးဆီတွေကို ပြည်ပနိုင်ငံတွေကတင်သွင်း နေရတာပါ။ပြည်ပနိုင်ငံတွေကနေတင်သွင်းတဲ့အထဲမှာ အိမ်နီချင်းနိုင်ငံအချို့ကနေ နယ်စပ်မှ တစ်ဆင့်တင်သွင်းမှုဟာ(၆)ရာခိုင်နှုန်းခန့်ရှိပြီး အများစုကိုတော့ စင်ကာပူနိုင်ငံကနေတင်သွင်းနေရတယ်လို့ရေနံနှင့်ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်းကြီးကြပ် ရေးကော်မတီ ဒုတိယဥက္ကဌ ဦးသန့်စင်ကပြောပါတယ်။

မြန်မာနိုင်ငံအနေနဲ့ ပြည်တွင်းမှာ နှစ်စဉ်စက်သုံးဆီဂါလံနှစ်သန်းနီးပါးကို ထုတ်လုပ်နေတာဖြစ်ပြီး လုံလောက်မှု မရှိတဲ့အပြင် စက်သုံးဆီဈေးနှုန်းတွေမြင့်တက်နေမှုကိုလည်းထိန်းချုပ်ဖို့ရာအတွက် ပြည်တွင်းထုတ်လုပ်မှုကို မြင့်တင်နိုင်ဖို့ဆောင်ရွက်နေတယ်လို့ သိရပါတယ်။ ဒါ့အပြင်ပြည်တွင်းမှာစက်သုံးဆီဈေးနှုန်း တွေမြင့်တက်နေတာနဲ့ ပတ်သက်ပြီး မြန်မာနိုင်ငံကသုံးစွဲနေတဲ့စက်သုံးဆီအများစုဟာ စင်ကာပူနိုင်ငံက တင်သွင်း နေရတာကြောင့်စင်ကာပူနိုင်ငံရဲ့ဈေးနှုန်းအပြင် ပြည်တွင်းနိုင်ငံခြား ငွေလှဲလှယ်နှုန်းတွေ အပေါ် မူတည်ပြီး အပြောင်းအလဲတွေဖြစ်ပေါ်နေတာလို့ ရေနံနှင့်ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်း ကြီးကြပ် ရေးကော်မတီ ဒုတိယဥက္ကဋ္ဌ ဦးသန့်စင်ကပြောပါတယ်။

ပြည်တွင်းစက်သုံးဆီဈေးကွက်ကို ထိန်းညှိဖို့ရာအတွက် ပြည်ပလုပ်ငန်းရှင်တွေကို ပြည်တွင်းမှာလာ ရောက်ရင်းနှီးမြုပ်နှံကြဖို့ ပြီးခဲ့တဲ့၂၀၁၇ ဧပြီလထဲက ခွင့်ပြုခဲ့ပေမယ့် လက်ရှိအချိန်ထိလာရောက်လုပ် ကိုင်ကြခြင်းမရှိသေးပဲ လေ့လာနေဆဲ ဖြစ်တယ်လို့အကြောင်းပြန်ထားတယ်လို့သိရပါတယ်။

 

 

Related News