မြန်မာနဲ့နော်ဝေ နှစ်နိုင်ငံပူးပေါင်းပြီး ဘေးအန္တရာယ်ရှိ စွန့်ပစ်ပစ္စည်းစီမံအုပ်ချုပ်မှုဆိုင်ရာစီမံကိန်းကို (3)နှစ်တာစီမံကိန်းအဖြစ်လုပ်ဆောင် နေတာဖြစ်ပါတယ်။ဒီစီမံကိန်းအတွက် လက်ရှိမှာတော့ ဘေးအန္တရာယ်ရှိစွန့်ပစ်ပစ္စည်းစီမံအုပ်ချုပ်မှု ပင်မအစီအစဉ် မူကြမ်းရေးဆွဲပြီးပြီလို့နိုဝင်ဘာလ(၈)ရက်ကမန္တလေးမြို့ ဟိုတယ် မှာဘယ် ပြုလုပ်ခဲ့တဲ့ ဆွေးနွေးပွဲကသိရပါတယ်။ဒီစီမံကိန်းကိုနော်ဝေပတ်ဝန်းကျင်အေဂျင်စီ SINTEF(စင်းတက်ဖ်)အကူအညီနဲ့ ပြည်တွင်းက ဘေးအန္တရာယ်ရှိ စွန့်ပစ်ပစ္စည်းများဆိုင်ရာ ဥပဒေရေးရာ ပြဋ္ဌာန်းချက်တွေအပေါ် အခြေခံလေ့လာမှုနဲ့ နည်းပညာဆိုင်ရာအခြေခံလေ့လာမှုတွေကို ဆောင်ရွက်နေတာဖြစ်ပါတယ်။လေ့လာချက်တွေအရ  ဘေးအန္တရာယ်ရှိ စွန့်ပစ်ပစ္စည်း စီမံအုပ်ချုပ်မှုအတွက် လွှမ်းခြုံရေးဆွဲထားတဲ့ ပင်မအစီအစဉ်မူကြမ်းကို လက်ရှိမှာတော့ ရေးဆွဲပြီးဖြစ်တယ်လို့ သိရပါတယ်။ ဒီမူကြမ်းနဲ့ပတ်သတ်ပြီး ပထမအကြိမ်ဆွေးနွေးပွဲကိုနေပြည်တော်မှာပြုလုပ်ခဲ့ပြီး ဒုတိယအကြိမ်ဆွေးနွေးပွဲကိုတော့အခုမန္တလေးမြို့မှာပြုလုပ်တာဖြစ်ပါတယ်။ 

မြန်မာနိုင်ငံက လုပ်ငန်းတွေ၊ စင်တာတွေက ဘေးအန္တရာယ်ရှိ စွန့်ပစ်ပစ္စည်းထွက်ရှိနေမှုတွေကို သိမ်းဆည်းဖြေရှင်းရာမှာ တိကျတဲ့ စီမံခန့်ခွဲမှုတွေ အားနည်းနေသေးတယ်လို့သိရပါတယ်။ ဘေးအန္တရာယ်ရှိစွန့်ပစ်ပစ္စည်း တွေက ပတ်ဝန်းကျင်နဲ့ အခြားဆက်စပ်ထိခိုက်မှုတွေဖြစ်ပေါ်စေတာကြောင့်စနစ်တကျ စီမံခန့်ခွဲဖို့လိုအပ်နေတယ်လိုိ့သိရပါတယ်။ ဘေးအန္တရာယ်ရှိစွန့်ပစ်ပစ္စည်းတွေကို စနစ်တကျစီမံခန့်ခွဲဆောင်ရွက်မယ်ဆိုရင်တော့ ကောင်းမွန်တဲ့ပတ်ဝန်းကျင် ကိုရရှိမှာဖြစ်တယ်လို့ SINTEF(စင်းတက်ဖ်)မှာ ပညာရှင်ကပြောပါတယ်။မြန်မာနိုင်ငံက ပြီးခဲ့တဲ့ (၂၀၁၅ )ခုနှစ်က ဘာဆယ်ကွန်ဗင်းရှင်းအဖွဲ့ဝင်နိုင်ငံဖြစ်ခဲ့ပြီး ဒီဘာဆယ်ကွန်ဗန်းရှင်းရဲ့ ပြဋ္ဌာန်းချက်တွေကိုလိုက်နာဆောင်ရွက်တဲ့အနေနဲ့ သဘာဝပတ်ဝန်းကျင်အပေါ်ထိန်းသိမ်းကာကွယ်ဖို့အတွက် အခုလိုဘေးအန္တရာယ်ရှိစွန့်ပစ်ပစ္စည်း စီမံအုပ်ချုပ်မှုဆိုင်ရာ စီမံကိန်းကိုလုပ်ဆောင်တာဖြစ်တယ်လို့သိရပါတယ်။

 

 

 

Related News