နိုင်ငံတော်အဆင့် စားသောက်ကုန်ဘေးကင်းလုံခြုံရေးဆိုင်ရာဆွေးနွေးပွဲကို နိုဝင်ဘာလ(၉)ရက်က ရန်ကုန်မြို့ UMFCCI မှာကျင်းပပြုလုပ်ခဲ့တာဖြစ်ပါတယ်။ ဒီဆွေးနွေးပွဲကို မြန်မာနိုင်ငံရဲ့ပို့ကုန်တိုးမြှင့်လာစေရေး၊ ရင်းနှီးမြှုပ်နှံမှုတွေနဲ့ အလုပ်အကိုင်အခွင့်အလမ်းများ တိုးပွားလာစေရေး၊ လယ်ယာသားငါးကဏ္ဍနှင့် စားသောက်ကုန်ကဏ္ဍတို့မှတဆင့် ပြည်ပတင်ပို့သူတွေရဲ့စက်ရုံအလုပ်ရုံတွေမှာလိုအပ်တဲ့စားသောက်ကုန် ဘေးကင်းလုံခြုံရေးဆိုင်ရာအလေ့အထများရရှိလာစေရေး စတဲ့ရည်ရွယ်ချက်တွေနဲ့ ကျင်းပပြုလုပ်နေတာ ဖြစ်တယ်လို့ သိရပါတယ်။

ဆွေးနွေးပွဲမှာ စားသောက်ကုန်ထုတ်လုပ်မှုကုန်ပစ္စည်းများဆိုင်ရာဘေးအန္တရာယ်ကင်းရှင်းစေရေး၊ စိုက်ပျိုးရေးနဲ့ မွေးမြူရေး အခြေခံကုန်ကြမ်းများဘေးအန္တရာယ်ကင်းရှင်းစေရေး၊ စားသောက်ကုန်များကို စံချိန်စံညွှန်းနဲ့အညီ ထုတ်လုပ်နိုင်စေရေးနဲ့ စားသောက်ကုန်ဘေးကင်းစေရေးအတွက် ထုတ်လုပ်ရောင်းချ သူများကို ဗဟုသုတတိုးတက်လာစေရေး စတဲ့အကြောင်းအရာတွေကို တင်ပြဆွေးနွေးခဲ့ကြတာဖြစ်ပါတယ်။နိုင်ငံတော်အဆင့် စားသောက်ကုန်ဘေးကင်းလုံခြုံရေးဆိုင်ရာဆွေးနွေးပွဲကို စီးပွားရေးလုပ်ငန်းရှင်တွေနဲ့ အများပြည်သူတွေရဲ့စားသောက်ကုန်ဘေးကင်းလုံခြုံစေရေးတို့အတွက် မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်နဲ့ International Finance Corporation (IFC) တို့ပူးပေါင်းပြုလုပ်တာဖြစ်တယ်လို့ သိရပါတယ်။ 

 

 

Related News