အသက်မွေးဝမ်းကျောင်းကျွမ်းကျင်မှု အတတ်ပညာ ဖွံ့ဖြိုးမှုအစီအစဉ် (VSDP)က ဧည့်ဝန်ဆောင်မှုလုပ်ငန်းသင်တန်းဆင်းပွဲနှင့် သင်တန်းဆင်းများအတွက် အလုပ်အကိုင်ပြပွဲကို အောက်တိုဘာ(၉)ရက်က Wyndham (၀န်ဒGrand Yangon Royal Lake Hotel မှာပြုလုပ်ခဲ့ပါတယ်။Swisscontact အသက်မွေးဝမ်းကျောင်းကျွမ်းကျင်မှု အတတ်ပညာ ဖွံ့ဖြိုးမှုအစီအစဉ် (VSDP) သင်တန်းကျောင်းမှာ အိပ်ခန်းဆောင် ထိန်းသိမ်းသူ၊ အစားအသောက် တည်ခင်းဧည့်ခံသူ၊ ခရီးဦးကြိုဆိုသူနဲ့ အစားအသောက်ချက်ပြုတ်ရန်ပြင်ဆင်ပေးသူ အစရှိတဲ့ ဧည့်ဝန်ဆောင်မှုနဲ့ ပတ်သက်တဲ့ အလုပ်အကိုင်လေးမျိုးအတွက် သင်တန်းများပို့ချပေးနေတာဖြစ်ပါတယ်။သင်တန်းများပို့ချရာမှာ ဆင့်ကဲပြန့်ပွားပညာပေးပုံစံဖြင့် နိုင်ငံတကာအတွေ့အကြုံရှိ  ကျွမ်းကျင်ဆရာများက တစ်ဆင့် ဟိုတယ်အတွင်း ကြီးကြပ်ရေးမှူး အဆင့်ရှိ ၀န်ထမ်းများကို ဧည့်ဝန်ဆောင်မှုသင်တန်းနည်းပြများဖြစ်လာအောင် ဆရာအတတ်သင် သင်တန်းတွေကို အခမဲ့ သင်ကြားပေး နေတာဖြစ်တယ်လို့သိရပါတယ်။

သင်တန်းကာလကတော့ (၇)ပတ်ကြာမြင့်မှာဖြစ်ပြီး  သင်တန်းသားများကို လိုအပ်တဲ့ ကျွမ်းကျင်မှုများရရှိလာစေဖို့ လက်တွေ့ဦးစားပေးတဲ့လုပ်ငန်းခွင် လေ့ကျင်မှုဖြင့် မိတ်ဖက်ဟိုတယ်တွေမှာ ပို့ချပေးမှာဖြစ်တယ်လို့သိရပါတယ်။ 
ဧည့်ဝန်ဆောင်မှုလုပ်ငန်းသင်တန်းဆင်းပွဲ မှာ တော့ သင်တန်းသား သင်တန်းသူပေါင်း  (၁၆၀)ကို သင်တန်းဆင်းလက်မှတ်ပေး အပ်ခဲ့ပါတယ်လို့သိရပါတယ်။Swisscontact အသက်မွေးဝမ်းကျောင်းကျွမ်းကျင်မှု အတတ်ပညာ ဖွံ့ဖြိုးမှုအစီအစဉ် (VSDP) သင်တန်းကျောင်းကို (၂၀၁၅)ခုနှစ်က စတင်တည်ထောင်ခဲ့တာဖြစ်ပြီး ဧည့်ဝန်ဆောင်မှုလုပ်ငန်း သင်တန်းပြီးဆုံးသူတွေကိုလည်း ဒေသအတွင်းရှိ ဟိုတယ်များနဲ့ စားသောက်ဆိုင်တွေမှာ အလုပ်အကိုင်ရရှိနိုင်စေဖို့ ချိတ်ဆက်ပေးတာတွေကိုလည်း လုပ်ဆောင်ပေးနေတယ်လို့သိရပါတယ်။

 

 

Related News