သဘာဝနည်းအတိုင်း စိုက်ပျိုးထားတဲ့ အော်ဂဲနစ်သီးနှံတွေကိုစိုက်ပျိုးတဲ့တောင်သူတွေ အရင်ကထက် ပိုမိုများပြားလာပေမယ့် ဈေးကွက်နေရာရရှိရေးအပိုင်းမှာ အခက်အခဲရှိနေတဲ့အတွက် ဈေးကွက်နေရာပိုပြီးရရှိလာအောင် ကြိုးစားဆောင်ရွက်နေ တယ်လို့ သိရပါတယ်။ မှော်ဘီမြို့နယ်အတွင်းမှာရှိတဲ့ စိမ်းလန်းခြံဟာ အော်ဂဲနစ်ဟင်းသီးဟင်းရွက်သီးနှံတွေကို(၂၀၁၄)ခုနှစ်ကစတင်စိုက်ပျိုးခဲ့တာ ဖြစ်ပြီး စတင်စိုက်ပျိုးစဉ်က တောင်သူဦးရေ(၅)ဦးနဲ့မြေ(၉)ဧကအပေါ်မှာ စိုက်ပျိုးခဲ့တာဖြစ်ပါတယ်။အခုအချိန်မှာတော့  အော်ဂဲနစ်စိုက်ပျိုးတဲ့နည်းစနစ်ကိုစိတ်ဝင်စားလာတဲ့တောင်သူဦးရေပိုမိုများပြားလာလို့လက်ရှိမှာတောင်သူဦးရေဟာ(၁၀၀)ကျော်အထိရှိနေပါပြီ။ ဒီခြံမှာမုန့်ညှင်း၊ ကိုက်လန်၊ ကန်စွန်း၊ ချဉ်ပေါင်စတဲ့ဟင်းသီးဟင်းရွက်အမျိုးအစား(၁၁)မျိုးကိုအဓိကထား စိုက်ပျိုးနေပါတယ်။

လက်ရှိမှာတော့အော်ဂဲနစ်ဟင်းသီးဟင်းရွက်သီးနှံတွေကို ပြည်တွင်းမှာသာမကပဲပြည်ပနိုင်ငံတွေ ဖြစ်တဲ့ စင်ကာပူ၊ ရုရုားစတဲ့ နိုင်ငံတွေကို ပါစမ်းသပ်တင်ပို့နေပြီးဈေးကွက်နေရာပိုပြီးရရှိအောင်ကြိုးစားဆောင်ရွက်နေတယ်လို့ စိမ်းလန်းစိုက်ပျိုး ထုတ်လုပ်ရေးသမ၀ါယမအသင်းလီမိတက်ရဲ့မန်နေဂျာကိုသူရိန်ထွန်းက ပြောပါတယ်။မှော်ဘီမြို့နယ်အတွင်း အခုလိုပဲအော်ဂဲနစ်သီးနှံစိုက်ပျိုးတဲ့ ခြံလေးခြံခန့်ရှိပြီး စိမ်းလန်းခြံဟာ စိုက်ပျိုးတဲ့ဧကအများဆုံး ဖြစ်ပါတယ်။ အော်ဂဲနစ်စိုက်ပျိုးရေးစနစ်ဆိုတာဟာ သဘာဝနည်းတွေနဲ့ ထုတ်လုပ်ထားတဲ့မြေသြဇာတွေ၊ ပိုးသတ်ဆေး တွေကိုသာ အသုံးပြုစိုက်ပျိုးတဲ့ နည်းစနစ်တစ်ခုဖြစ်ပြီးဓာတုပိုးသတ်ဆေး၊ ဓာတုပေါင်းသတ်ဆေး၊ အပင်ကြီးထွားစေတဲ့ ဟော်မုန်း၊ဗီဇပြုပြင်ထားတဲ့မျိုးများကိုအသုးံမပြုထားတဲ့နည်းစနစ်တစ်ခုဖြစ်ပါတယ်။

လက်ရှိမှာတော့ ဒီဟင်းသီးဟင်းရွက်နဲ့ အသီးအနှံတွေကို တောင်သူတွေစိတ်ဝင်စားမှုများလာအောင်ကြိုးစားဆောင်ရွက်နေတယ်လို့ မှော်ဘီမြို့နယ်မြို့နယ်ဦးစီးမှူး ဦးထွန်းလွင်က ပြောပါတယ်။ဒါ့အပြင်အော်ဂဲနစ်သီးနှံတွေကိုစိုက်ပျိုးရာမှာစိုက်ပျိုးရေးဆိုင်ရာအလေ့အကျင့်ကောင်းတွေဖြစ်တဲ့(GAP)နည်းစနစ်နဲ့စိုက်ပျိုးနိုင်ဖို့ စိုက်ပျိုးရေးဦးစီးဌာနအနေနဲ့ တောင်သူတွေကိုအသိပညာပေးထားပါတယ်။အခုနောက်ပိုင်းတော့စားသုးံသူတွေအနေနဲ့အော်ဂဲနစ်ဟင်းသီးဟင်းရွက်အသီးအနှံဆိုပြီးခွဲခြားစားသုးံတာတွေရှိလာတယ်လို့စိုက်ပျိုးရေးဦးစီးဌာနညောင်နှစ်ပင်ဥယျာဉ်ခြံ ခြံဦးစီးမှူးဦးအောင်ဌေးကပြောပါတယ်။

အော်ဂဲနစ်ဟင်းသီးဟင်းရွက်အသီးအနှံတွေကိုစိုက်ပျိုးရာမှာအရင်က စိုက်ပျိုးရမယ့် နည်းစနစ်တွေကိုမသိရှိတဲ့အတွက်  အခက်အခဲတွေရှိခဲ့ပြီး အခုအချိန်မှာတော့ အရင်ကထက် သီးနှံအထွက်တိုးလာတယ်လို့ တောင်သူကိုဖိုးဖြူကလည်း အခုလိုပြောပါတယ်။အခုလက်ရှိမှာတော့ အော်ဂဲနစ်ဟင်းသီးဟင်းရွက်သီးနှံတွေကို စိုက်ပျိုးနိုင်ဖို့အတွက် ပညာပေးဆောင်ရွက်ရာမှာ(NGO)တွေ ကလည်း တောင်သူတွေနဲ့ ပူးပေါင်းဆောင်ရွက်တာတွေရှိလာပြီး အော်ဂဲနစ်ဟင်းသီးဟင်းရွက်အသီးအနှံတွေကို သီးသန့် စိုက်ပျိုးရောင်းချတဲ့ ဈေးတွေရှိလာတယ်လို့သိရပါတယ်။

 

 

Related News