ကိုရီးယား နိုင်ငံ KOICA နဲ့ပူးပေါင်းဆောင်ရွက်တဲ့ ကျေးရွာသစ်လှုပ်ရှားမှုစီမံကိန်း SMU အရ မန္တလေးတိုင်းဒေသကြီး၊ ပုသိမ်ကြီးမြို့နယ်၊ ဘန့်တင်ကျေးရွာမှာ ဆောင်ရွက်ပြီးစီးတဲ့ ကွန်ကရစ် လမ်း၊ တံတားနဲ့ အဆောက်အဦးတွေ ဖွင့်လှစ်တဲ့ အခမ်းအနားကို နိုဝင်ဘာလ (၁၀) ရက်က ပြုလုပ်ခဲ့ တာ ဖြစ်ပါတယ်။ကျေးရွာသစ်လှုပ်ရှားမှုစီမံကိန်း SMU ကို စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန၊ စိုက်ပျိုး ရေးဦး စီးဌာန နဲ့ ကိုရီးယားအပြည်ပြည်ဆိုင်ရာပူး ပေါင်းဆောင်ရွက်ရေးအေဂျင်စီ KOICA တို့ ပူးပေါင်း ပြီး ၂၀၁၆ ခုနှစ် ကစတင်ခဲ့တာ ဖြစ်တယ်လို့ သိရပါတယ်။ ဒီစီမံကိန်းကို တိုင်းဒေသကြီး နဲ့ ပြည် နယ် (၉) ခု မှာရှိတဲ့ မြို့နယ် (၂၅) မြို့နယ်ကကျေးရွာ (၁၀၀) မှာ ဆောင်ရွက်နေတယ်လို့ ဆိုပါတယ်။

စီမံကိန်းကာလအတွင်း ကျေးရွာဖွံဖြိုးရေးလုပ်ငန်းတွေအတွက် ကျေးရွာတစ်ရွာကို (၁)နှစ် ကို အမေ ရီကန် ဒေါ်လာ(၂)သောင်း ထောက်ပံ့ ပေးတယ်လို့သိရပါတယ်။ဒီစီမံကိန်းအရ ဘန့်တင်ကျေးရွာမှာ စီမံကိန်းကာလ(၃) နှစ် အတွင်းမှာ ကွန်ကရစ်လမ်းခင်းတာ၊ သောက်ရေသုံးရေသန့်ရဖို့ အတွက် ရေစင်တည်ဆောက်ပြီး အိမ်တိုင်ရာရောက် ရေပေးဝေတဲ့စနစ်တွေ၊ တံတား တည်ဆောက်တာ စတဲ့ ကျေးရွာဖွံ့ဖြိုးရေး လုပ်ငန်းတွေကို ဆောင်ရွက်ခဲ့တယ်လို့ သိရပါတယ်။ဒါ့အပြင် ဒီစီမံကိန်းမှာ ဒေသခံတွေက ကျေးရွာဝင်ငွေ တိုးပွားရေး၊ စွမ်းဆောင်ရည်မြှင့်တင်ရေး နဲ့ လူနေမှုဖွံ့ဖြိုးတိုးတက်ရေးတွေကို ကိုယ်တိုင် ပါဝင်ဆောင်ရွက်ခဲ့ကြတယ်လို့သိရပါတယ်။

ဘန့်တင်ကျေးရွာဟာ ယခင်က ကျေးရွာဖွံဖြိုးမှုအားနည်းပေမယ့် ကျေးရွာသစ်လှုပ်ရှားမှုစီမံကိန်း(SMU)ဆောင်ရွက်နေတဲ့ နောက်ပိုင်း ဖွံ့ဖြိုး တိုးတက်မှုတွေရှိလာတယ်လို့ ဒေသခံတစ်ဦးကပြောပါတယ်။ ကျေးရွာသစ်လှုပ်ရှားမှုစီမံကိန်း SMU ကို မန္တလေးတိုင်းဒေသကြီးအတွင်း ကျေးရွာ (၁၀) ရွာမှာ ဆောင်ရွက်နေပြီး ဘန့်တင် ကျေးရွာက ပြီးခဲ့တဲ့နှစ်အတွင်း ကျေးရွာဖွံ့ဖြိုးရေးလုပ်ငန်းတွေဆောင်ရွက်ခဲ့ရာ တစ်နိုင်ငံလုံးတတိယဆုနဲ့ မန္တလေးတိုင်း ဒေသကြီး မှာ ပထမဆုရရှိခဲ့တယ်လို့သိရပါတယ်။

 

 

Related News