အမျိုးသားသွေးဌာနရဲ့ သွေးစီမံခန့်ခွဲမှု ဆော့ဝဲခြောက်ကြိမ်မြောက် အဆင့်မြှင်တင်မှုအတွက်သတင်းစာရှင်းလင်းပွဲကို နိုဝင်ဘာလ (၁၀)ရက်က အမျိုးသားသွေးဌာန(ရန်ကုန်)မှာပြုလုပ်ခဲ့ပါတယ်။
အမျိုးသားသွေးဌာနမှာ နေ့စဉ်လာရောက်သွေးလှူဒါန်းမှုတွေရှိနေပြီး ရရှိတဲ့သွေးပိုင်ရှင်တွေရဲ့ အချက်အလက်တွေလုံခြုံ စိတ်ချ နိုင်သလို အမှားအယွင်းကင်းစွာ သွေးပြန်လည်ထုတ်ပေးနိုင်ဖို့အတွက် အခုလို ဆော့ဝဲကို အဆင့်မြှင့်တင်ခဲ့တာလို့ သိရပါတယ်။ အဆိုပါစနစ်ဟာ သွေးလှူဒါန်းသူတွေ လာရောက်လှူဒါန်းတဲ့အခါအချက်အလက်တွေဖြည့်ပြီးရင် လက်ဗွေစနစ်နဲ့ လာလှူသူရဲ့ အချက်အလက်တွေကိုသိမ်းယူထားမှာဖြစ်တာကြောင့် နောက်တစ်ကြိမ်သွေးလာလှူချိန်မှာလည်းလှူဒါန်းသူရဲ့ အချက်အလက် တွေကို အလွယ်တကူရှာဖွေနိုင်မှာဖြစ်တယ်လို့သိရပါတယ်။

ဒါ့ကြောင့် အချက်အလက်မှားယွင်းမှုတွေမရှိနိုင်သလို နိုင်ငံတကာ သွေးလှူဘဏ်များရဲ့စံနှုန်းနဲ့လည်း ကိုက်ညီတယ်လို့သိရပါတယ်။ ဒ့ါအပြင်ဒီဆော့ဝဲကို တာဝန်ရှိသူမဟုတ်ဘဲ တခြားသူတွေ ၀င်ရောက်ကြည့်ရှုခဲ့ရင်လည်း ပြန်လည်ခြေရာခံနိုင်ပြီး စစ်ဆေးနိုင်တယ်လို့သိရပါတယ်။ဒီဆော့ဝဲကို အမျိုးသားသွေးဌာနက တာဝန်ရှိသူတွေနဲ့ ပြည်တွင်းက ဆော့ဝဲရေးဆွဲသူတွေက ပူးပေါင်းကာ (၆)ကြိမ်မြောက်အဖြစ်အဆင့်မြှင့်တင်ရေးဆွဲခဲ့တာ ဖြစ်ပါတယ်။ဒီဆော့ဝဲကို အမျိုးသားသွေးဌာန(ရန်ကုန်)မှာ (၂၀၀၄)ခုနှစ်ကစတင်အသုံးပြုနေတာဖြစ်ပါတယ်။နိုဝင်ဘာ (၁၄)ရက်မှာတော့ ရန်ကုန်မြို့ရှိ ဆေးရုံ (၈)ခုမှာ အဆိုပါဆော့ဝဲကိုအသုံးပြုသွားမှာဖြစ်ပြီး တိုင်းဒေသကြီးနဲ့ပြည်နယ်တွေက ဆေးရုံတွေမှာလည်း ဆက်လက်အသုံးပြုသွားမယ်လို့သိရပါတယ်။  အမျိုးသားသွေးဌာန(ရန်ကုန်)မှာတစ်လကို  သွေးလှူဒါန်းသူ(၇၀၀၀)ခန့် ရှိတယ်လို့သိရပါတယ်။

 

 

Related News