ချင်းလူမျိုးစု တစ်ခုဖြစ်တဲ့ခူမီးမျိုးနွယ်စုတွေရဲ့ ဖိုရမ်ကိုတော့ရန်ကုန်မြို့ ကမာရွတ်မြို့နယ်မှာရှိတဲ့ ဆုံဆည်း ဧဒင်မှာ ပြုလုပ်ခဲ့ပါ တယ်။ အခုဖိုရမ်ဟာ ဒုတိယအကြိမ်ဖြစ်ပြီး နိုဝင်ဘာ (၈)ရက်ကနေ (၁၀)ရက်အထိ သုံးရက်ကြာပြုလုပ်တာဖြစ်ပါတယ်။ဒုတိယအကြိမ် ခူမီးမျိုးနွယ်စု ဖိုရမ်ကိုတော့ ချင်းပြည်နယ်၊ရခိုင်ပြည်နယ် နဲ့ ရန်ကုန်တိုင်းမှာရှိတဲ့ ဇုန်နယ် (၇)  ခုက ကိုယ်စားလှယ် (၆၇)ဦးက ပါဝင်ဆွေးနွေးခဲ့ကြတာဖြစ်ပါတယ်။အခုဖိုရမ်မှာတော့ နိုင်ငံရေး ၊လုံခြုံရေး နဲ့မျိုးနွယ်စုအရေး ၊စီးပွားရေး ၊ဖွံ့ဖြိုးရေး ၊မြေယာ နဲ့သဘာဝပတ်ဝန်း ကျင်ထိန်းသိမ်းရေး ၊ကျန်းမာရေး နဲ့ပညာရေး ၊တိုက်ပွဲရှောင်ပြည်သူ နဲ့ဒုက္ခသည်များအရေး ၊အမျိုးသမီး ၊လူငယ် ၊သက်ကြီးရွယ်အို နဲ့ကလေးသူငယ် အရေးကိစ္စတွေကို ထည့်သွင်းဆွေးနွေးခဲ့ကြတယ်လို့သိရပါ တယ်။

ယခင် ပထမအကြိမ် ဖိုရမ်ကိုတော့ (၂၀၁၄)ခုနှစ်က ပြုလုပ်ခဲ့တာဖြစ်ပါတယ်။ခူမီးမျိုးနွယ်စုတွေရဲ့ ဖိုရမ်ကို တော့ လေးနှစ်တစ်ကြိမ်ကျင်းပဖို့ လျာထားတယ်လို့လည်းသိရပါတယ်။အခုသုံးရက်တာ ဖိုရမ်ကနေ ဘုံသဘောထား (၁၈)ခု၊ဆက်လက်တင်ပြရမယ့် လုပ်ငန်းစဉ်(၃၀) နဲ့ ခူမီးမျိုးနွယ်စု အဖွဲ့အစည်းတွေ အတွင်းဆောင်ရွက်ရမယ့် လုပ်ငန်းစဉ်(၃၅)ခုကို ရရှိခဲ့တယ်လို့သိရပါတယ်။ ဖိုရမ်က သဘောတူညီချက် တွေအနက် ပလက်ဝမြို့နယ်အတွင်း ဒေသခံတွေရဲ့ လုံခြုံရေးကို ထိရောက်စွာကာကွယ်ဆောင်ရွက်ပေးဖို့ အပါအ၀င် မီးဇာကျေးရွာကို မြို့အဆင့်တိုးမြှင့်ဖွဲ့စည်းနိုင်ရေး အစိုးရကိုဆက်လက်တင်ပြသွား မယ်လို့သိရပါတယ်။ခူမီးမျိုးနွယ်စုတွေဟာ ချင်းပြည်နယ် ပလက်ဝမြို့နယ်မှာ အများစုနေထိုင်နေကြတယ် လို့သိရပါတယ်။ ပလက်ဝမြို့နယ်မှာတော့ အိမ်ခြေ တစ်သောင်းကိုးထောင်ကျော် ၊အိမ်ထောင်စု နှစ်သောင်းကျော်ရှိပြီး လူဦးရေအားဖြင့် ကိုးသောင်းကိုးထောင်ကျော် ရှိပါတယ်။

 

 

 

Related News