မြန်မာ-ဘင်္ဂလားဒေ့ရှ် နှစ်နိုင်ငံသဘောတူညီချက်နဲ့ပထမဆုံးအကြိမ် ပြန်လည် ၀င်ရောက် လာမယ့်ရခိုင်ပြည်နယ်က နေရပ်စွန့်ခွာ သူတွေ ပြန်လည်လက်ခံရေးအတွက် မြန်မာဘက်က အဆင်သင့်ဖြစ်နေပြီလို့ နေရပ်စွန့်ခွာသူများ ပြန်လည် လက်ခံရေးနှင့် ပြန်လည်နေရာချထားရေးကော်မတီဥက္ကဋ္ဌ ဒေါက်တာဝင်းမြတ်အေးကပြောပါတယ်။  နေရပ်စွန့်ခွာသူတွေပြန်လည်လက်ခံရေးနဲ့ပတ်သက်ပြီး ဆောင်ရွက်ထားမှုအပေါ် နိုဝင်ဘာ(၁၁) ရက်က ရန်ကုန်မြို့မှာ သတင်းစာရှင်းလင်းပွဲပြုလုပ်ခဲ့ပါတယ်။အခုလ(၁၅)ရက်ဝန်းကျင်မှာ နေရပ်စွန့်ခွာသူ (၂၂၀၀)ကျော်ဟာ ပထမအကြိမ်အဖြစ် ပြန်လည်ဝင်ရောက်လာမှာဖြစ်ပါတယ်။

ရေလမ်းဝင်ပေါက် ငါးခူရစခန်း ကိုဝင်ရောက်လာမှာဖြစ်ပြီး မြန်မာဘက်ကတော့ တစ်ရက်ကို လူ(၁၅၀)ဦးနှုန်းနဲ့ ပြန်လည်လက်ခံဖို့ ဘင်္ဂလားဒေ့ရ်ှဘက်ကို အဆိုပြုထားတာဖြစ်ပါ တယ်။နိုဝင်ဘာလလယ်လို့ဘင်္ဂလာဒဒေ့ရ်ှဘက်က ပြောထားပေမယ့် နေ့ရက်နဲ့အချိန်အတိအကျကိုတော့ ပြန်လည်အကြောင်းမပြန် သေးဘူးလို့သိရပါတယ်။ဒါပေမယ့် မြန်မာနိုင်ငံဘက်ကတော့ပြန်လည်လက်ခံရေးအတွက် အဆင်သင့်ဖြစ်အောင် ဆောင်ရွက် ထားပြီးဖြစ်တယ်လို့ သိရပါတယ်။    ပြန်လည်ဝင်ရောက်မယ့်သူတွေကို အကြမ်းဖက်စာရင်းမှာပါမပါနဲ့အမှန်တကယ်နေထိုင်ဖူးသူ ဟုတ်မဟုတ် စစ်ဆေး လက်ခံကာ ဆန္ဒရှိပါက နိုင်ငံသား စိစစ်မှုလုပ်ငန်းစဉ် ခံယူနိုင်ဖို့ NV ကဒ်တွေ ထုတ်ပေးမှာဖြစ်ပြီး NV ကဒ်ကိုင်ဆောင်ပါက မောင်တော မြို့နယ်အတွင်း လွတ်လပ်စွာသွားလာခွင့်ရှိမယ်လို့သိရပါတယ်။

ဝင်ရောက်လာမယ့်နေရပ်စွန့်ခွာသူတွေကိုတော့ ငါးခူးရစခန်းက တဆင့်လှဖိုးခေါင် ကြားစခန်းမှာ ယာယီထားရှိကာ ပြန်လည်ရေးဆွဲထားတဲ့ကျေးရွာစီမံကိန်း နေရာ(၄၂)ခုမှာ နေရာချထား ပေးမယ်လို့သိရပါတယ်။ နေရပ်စွန့်ခွာသူတွေပြန်လည်လက်ခံနိုင်ဖို့ မြန်မာနိုင်ငံဘက်က(၂၀၁၈)ဇန်န၀ါရီ(၂၃) ရက်ကတည်းက ရေလမ်း ၀င်ပေါက်အဖြစ် ငါးခူရနဲ့ ကုန်းလမ်းဝင်ပေါက်အဖြစ် တောင်ပြိုကိုသတ်မှတ်ပြီး ပြန်လည်လက်ခံရေး စခန်းတွေဖွင့်ထားတာဖြစ်ပါတယ်။ ၂၀၁၈ ဖေဖော်ဝါရီတုန်းက ဘင်္ဂလားဒေ့ရ်ှဘက်ကပေးပို့ထားတဲ့နေရပ်စွန့်ခွာ သူ(၈၀၃၂)ဦးရဲ့ စာရင်းတွေကို ပြန်လည် စိစစ်ပြီးနောက် လူ(၅၀၀၀)ရဲ့စာရင်းတွေကို မြန်မာနိုင်ငံဘက်က ဘင်္ဂလားဒေ့ရ်ှဘက် ကိုပြန်လည် ပေးပို့ခဲ့ပါတယ်။

ဒီထဲက လူဦးရေ(၂၂၀၀)ကျော်က ပထမအသုတ်အနေနဲ့အခုလအတွင်း ပြန်လည် ၀င်ရောက်လာမှာဖြစ်ပြီး နောက်ထပ် လူဦးရေ (၂၁၀၀)နီးပါးက ဒုတိယအသုတ်အနေနဲ့ ကုန်းလမ်း ၀င်ရောက်ကာ ပြန်လည်လက်ခံဖို့နှစ်နိုင်ငံ ပူးတွဲလုပ်ငန်း အဖွဲ့ အစည်းအဝေးမှာ ဆွေးနွေးထားတာဖြစ်ပါတယ်။မောင်တောခရိုင်ဟာ ဧရိယာ (၁၃၆၅)စတုရန်းမိုင် ကျယ်ဝန်းပြီး ဘင်္ဂလားဒေ့ရ်ှနိုင်ငံနဲ့ကုန်းမိုင် (၁၂၀) ကျော်နဲ့ရေမိုင် (နတ်မြစ်)အတွင်း (၃၉)မိုင်ဆက်စပ်မှုရှိနေတာဖြစ်ပါတယ်။ အကြမ်းဖက်ဖြစ်စဉ်မတိုင်ခင် စာရင်းတွေအရ မောင်တော ခရိုင်မှာကျေးရွာ ပေါင်း(၇၂၀)၊အိမ်ထောင်စု တစ်သိန်းကျော် ၊ လူဦးရေ ရှစ်သိန်းကျော်ရှိတယ်လို့ သိရပါတယ်။    

 

 

 

 

Related News