ပြည်တွင်းကထွက်တဲ့ ကုန်ကြမ်းပစ္စည်းတွေကိုသာအသုးံပြုပြီးချုပ်လုပ်နေတဲ့ ပြည်တွင်းဖြစ်အိတ်တွေဟာ တရုတ်နိုင်ငံက ထွက်ရှိတဲ့ အိတ်တွေနဲ့ ဈေးကွက်ယှဉ်ပြိုင်နေရတာ အဓိကအခက်အခဲဖြစ်နေပါတယ်။ မမြင့်မြင့်စိန်ဟာရွေပေါက္ကံမြို့သစ်မှာနေထိုင်သူဖြစ်ပြီးအိတ်ချုပ်တဲ့လုပ်ငန်းနဲ့အသက်မွေးဝမ်းကြောင်းပြုနေသူ တစ်ဦးပါ။ သူချုပ်လုပ်တာ ကတော့ ပြည်တွင်းဖြစ်အိတ်လေးတွေဖြစ်ပြီး ဒီအိတ်လေးတွေကိုပြန်လည် ရောင်းချကာ အသက်မွေးနေသူ ဖြစ်ပါတယ်။ ဒီအိတ်တွေကိုသူ့အနေနဲ့(၂၀၁၅)ခုနှစ်လောက်မှာစတင် ချုပ်လုပ်ခဲ့တာဖြစ်ပြီး နဂိုစက်ချုပ်တတ်ခဲ့တဲ့ အတွေ့အကြုံ တွေကနေ ပြည်တွင်းဖြစ်အိတ်လေးတွေ ချုပ်ဖို့တွန်းအားဖြစ်လာခဲ့ပါတယ်။

ဒါပေမယ့်စတင်ချုပ်တဲ့အချိန်မှာ အိတ်ချုပ်တဲ့  အတွေ့အကြုံနည်းနေသေးတာကြောင့် အခက်အခဲတွေရှိခဲ့တယ်လို့ မမြင့်မြင့်စိန်က ပြောပါတယ်။ အိတ်တစ်လုံးဖြစ်ဖို့ကလည်သာသား၊ ဇစ်တွေလိုအပ်ပြီးလည်သာသားကိုလိုသလို ပုံစံညှပ်ကာစက်နဲ့ သေချာချုပ်လုပ် ရပါတယ်။ ဒီလည်သာသားတွေကိုလိုအပ်တဲ့လက်မအရွယ်အစားတိုင်းတာပြီး ချုပ်လုပ်ရပါတယ်။ ဒါပေမယ့်ဒီလိုတိုင်းတာတဲ့ အခါမှာ လွဲချော်သွားလို့ပျက်စီးတဲ့အိတ်လေးတွေရှိခဲ့တယ်လို့ သိရပါတယ်။ ပြည်တွင်းဈေးကွက်မှာ နေရာယူလာတဲ့ အိတ်တွေဖြစ်ဖို့ လည်သာသားတစ်ကိုက်ကို ငွေကျပ်(၂၅၀၀)နဲ့ ၀ယ်ယူရပြီးလက်ခနဲ့ ပေါင်းပါက အိတ်တစ်လုးံအတွက်တွက်ချေ ကိုက်မှုက (၅၀၀)ကျပ်သာ ကျန်ရှိပါတယ်။

ဒီအိတ်လေးတွေကိုဆိုင်တွေမှာ ရောင်းချရင်အိတ်တစ်လုးံကို(၃၀၀)ကျပ်သာ ကျန်ရှိ တဲ့အတွက် အမြတ်ရရှိမူနည်းတာကြောင့် အိတ်တွေကို တွက်ချေကိုက်ပြီး အမြတ် ရရှိမှုများတဲ့ ဘုရားပွဲဈေးတွေမှာပဲ အများဆုးံရောင်းချနေတယ်လို့ ပြည်တွင်းဖြစ်အိတ် ညှပ်သူကိုဇော်ထွန်းဦးက ပြောပါတယ်။ပြည်တွင်းဈေးကွက်ထဲကို အိတ်တွေနဲ့ပတ်သက်ပြီးချိတ်လက်ရာအဆင်တွေ၊ လည်သာသားတွေ၊ ချည်သားအိတ်လေးတွေ အများဆုံး ၀င်ရောက်နေပြီး လက်ရှိမှာဈေးကွက်ထဲမှာ လူကြိုက်များနေတာက လည်သာသားနဲ့ ပြုလုပ်ထားတဲ့ ဖန်စီအိတ် တွေ များနေပါတယ်။ ဒီအိတ်တွေကို မိန်းကလေးတွေကြိုက်နှစ်သက်နေပြီး ဘုရားသွားတဲ့အခါတွေ၊ ပွဲနေပွဲထိုင်တွေမှာပါ အသုံးပြုနေပါတယ်။

ဒီအိတ်တွေဟာဈေးနှုန်းအားဖြင့်အင်မတန်သင့်တင့်ပြီး ပေါ့ပါးတာကြောင့် လူတန်းစားမရွေး ၀ယ်ယူ အသုးံပြု နိင်တယ်လို့ သိရပါတယ်။ ဒါပေမယ့်ပြည်တွင်းကအိတ်တွေဟာ တရုတ်နိင်ငံက ထွက်ရှိလာတဲ့ အိတ်တွေနဲ့ ဈေးကွက်ယှဉ်ပြိုင် နေရပါတယ်။ တရုတ်အိတ်တွေဟာ(၂၀၀၅)ခုနှစ်လောက်မှာမြန်မာနိင်ငံကို စတင်ဝင်ရောက် လာပြီးဈေးကွက် ထိုးဖောက်လာတာပါ။ပြည်တွင်းကချုပ်တဲ့ အိတ်လေးတွေဟာဒီဇိုင်းပုံစံလိုအပ်ချက်တွေရှိနေတဲ့အတွက်ဈေးနှုန်းချိုသာပေမယ့်တရုတ်အိတ် တွေကိုဈေးကွက်အရမယှဉ်ပြိုင်နိင်သေးပါဘူး။ အဲဒါကြောင့်ဈေးကွက်ထဲမှာတရုတ်အိတ်တွေဟာ ဟန်းမိတ်အိတ်တွေထက် အရောင်းသွက်နေပါတယ်။ ဒါပေမယ့်ဟန်းမိတ်အိတ်တွေကိုနယ်ဒေသတွေက အလုးံရေများများမှာ ယူတာတွေရှိနေပြီး မိန်းကလေးကိုင် အလှအိတ်တွေ၊ချည်သားအိတ်တွေကို ပုံမှန်မှာယူတာတွေရှိနေလို့ လာရောက်ဝယ်ယူနေရတယ်လို့ တစ်ဆင့်ပြန်လည် ရောင်းချသူ ကိုသက်နိုင်က အခုလိုပြောပါတယ်။ပြည်တွင်းဈေးကွက်မှာနေရာယူလာတဲ့ ပြည်တွင်းဖြစ်အိတ်လေးတွေအရောင်းသွက်ဖို့က အိတ်ကိုစတင်ချုပ်လုပ်ဖန်တီးသူတို့ရဲ့ မျှော်လင့်ချက်ဖြစ်ပြီး ဈေးကွက်အဆက်အသွယ်ကောင်းဖို့က အဓိကဖြစ်နေတယ်လို့ သိရပါတယ်။

 

 

Related News