ဗိုလ်တထောင်ကျိုက်ဒေးအပ် ဆံတော်ဦးစေတီတော်ကို ယခုနှစ်ပွင့်လင်းရာသီမှာ နိုင်ငံခြားသားများဝင်ရောက်မှုဟာ(၂၀၁၇)ခုနှစ်ပွင့်လင်းရာသီနဲ့ ယှဉ်ရင်အနည်းငယ်ကျဆင်းသွားတယ်လို့ သိရပါတယ်။ ဗိုလ်တထောင်စေတီတော်မှာ နိုင်ငံခြားသားဝင်ရောက်မှုဟာ (၂၀၁၇)ခုနှစ်နဲ့ နှိုင်းယှဉ်ရင် ဇန်န၀ါရီလကနေ သြဂုတ်လအထိ (၂၀၁၈)ခုနှစ်မှာ ပိုမိုဝင်ရောက်ခဲ့ပေမယ့် စက်တင်ဘာလကစပြီး နိုင်ငံခြားသားဝင်ရောက်မှု ထောင်ဂဏန်းခန့် လျော့ကျသွားခဲ့ တယ်လို့ သိရပါတယ်။

(၂၀၁၇)ခုနှစ် အောက်တိုဘာလမှာ နိုင်ငံခြားသားဝင်ရောက်မှု(၁၈၀၁၀)ဦးရှိခဲ့ပြီး(၂၀၁၈)ခုနှစ် အောက်တိုဘာလမှာတော့ (၁၇၁၇၆)ဦးသာရှိတယ်လို့ သိရပါတယ်။ဗိုလ်တထောင်ကျိုက်ဒေးအပ်ဆံတော်ဦးစေတီတော်ကို ထိုင်း၊ တရုတ်၊ ဂျပန်နဲ့ ဥရောပလူမျိုးများ အများအပြားလာရောက်ကြပြီး (၅၀)ရာခိုင်နှုန်းမှာ ထိုင်းလူမျိုးများဖြစ်တယ်လို့ သိရပါတယ်။ ထိုင်းလူမျိုးများအနေနဲ့ မြတ်စွာဘုရားရဲ့ ဆံတော်အစစ်ကို လာရောက်ဖူးမျှော်ခြင်းနဲ့၊ ဘိုးဘိုးကြီးကို လာရောက်ပွဲထိုးကြ တာဖြစ်တယ်လို့ သိရပါတယ်။

နိုင်ငံခြားသားများအတွက် ဧည့်ဝင်ကြေးကိုတော့ တစ်ဦး ခြောက်ထောင်ကျပ် ကောက်ခံနေပြီး ဝန်ဆောင်မှုများအဖြစ် ကင်မရာကင်းလွတ်ခွင့်၊ သန့်စင်ခန်းအခမဲ့၊ ရေသန့်ဗူး၊ စနိုးတာဝါများအခမဲ့ပေးဝေပြီး လုံချည်များလည်း ငှားရမ်းပေးမှုတွေ ရှိတယ်လို့ သိရပါတယ်။ရန်ကုန်မှာ ရွှတိဂုံစေတီတော်ကိုနိုင်ငံခြားသားဝင်ရောက်မှုမှာအများဆုံးဖြစ်ပြီး ဗိုလ်တထောင်ကျိုက်ဒေးအပ် ဆံတော်ဦး စေတီတော် ကတော့ နိုင်ငံခြားသားဝင်ရောက်မှု ဒုတိယအများဆုံးဖြစ်တယ်လို့ သိရပါတယ်။ ပွင့်လင်းရာသီတွေမှာတော့ စနေ၊ တနင်္ဂနွေလိုရက်မျိုးမှာ နိုင်ငံခြားသားတစ်ရက်ကို တစ်ထောင်ကျော် လာရောက်တယ်လို့ သိရပါတယ်။

 

 

 

Related News