စစ်ကိုင်းပညာရေးတက္ကသိုလ်(၂၆)နှစ်ပြည့်အထိမ်းအမှတ်အဖြစ် သုတေသနစာတမ်းဖတ်ပွဲကို နိုင်ဝင်ဘာလ (၁၂)ရက်နေ့က စစ်ကိုင်းပညာရေးတက္ကသိုလ်ဘွဲ့နှင်းသဘင်ခန်းမမှာကျင်းပနေပါတယ်။ စစ်ကိုင်းပညာရေးတက္ကသိုလ်ကို (၁၉၉၂)ခုနှစ်ကမန္တလေးမြို့မှာမန္တလေးပညာရေးတက္ကသိုလ်အနေနဲ့မှာစတင်ဖွင့်လှစ်ခဲ့ပြီး (၂၀၀၀)ပြည့်နှစ်မှာတော့ စစ်ကိုင်းမြို့မှာ စစ်ကိုင်းပညာရေးတက္ကသိုလ်အဖြစ်ပြောင်းလဲ ဖွင့်လှစ်ခဲ့တာဖြစ်တယ်လို့ သိရပါတယ်။စစ်ကိုင်းပညာရေးတက္ကသိုလ်(၂၆)နှစ်ပြည့် အထိမ်းအမှတ်အဖြစ် သုတေသနစာတမ်းဖတ်ပွဲကို ဒုတိယအကြိမ်မြောက် ပြုလုပ်ခဲ့ တာဖြစ်ပါတယ်။အခြေခံပညာနဲ့အဆင့်မြင့်ပညာရေးမှာ ပညာရေးကဏ္ဍမြှင့်တင်ဖို့ဆောင်ရွက်နေတဲ့ကာလဖြစ်သလို အဆင့်မြင့် ပညာရေးမှာ သင်ကြားရေး သာမက သုတေသနလုပ်ငန်းတွေဖွံ့ဖြိုးလာစေဖို့၊ အလေ့အထဖြစ်စေဖို့ စတဲ့ရည်ရွယ်ချက်တွေကို ပြည့်မီအောင် အခုလိုသုတေသနတွေကိုဆောင်ရွက်တာဖြစ်တယ်လို့စစ် ကိုင်းပညာရေးတက္ကသိုလ် ပါမောက္ခချုပ်ဒေါက်တာ စောပြုံးနိုင်က ပြောပါတယ်။

ဒီသုတေသနစာတမ်းဖတ်ပွဲမှာ ဝိဇ္ဇသိပ္ပံဘာသာရပ်၊ သိပ္ပံဘာသာရပ်တို့နဲ့ ပတ်သက်တဲ့ သုတေသနစာတမ်းများ၊ ပညာရေးနဲ့ ပတ်သက် တဲ့သုတေသနစာတမ်းများစတဲ့  စာတမ်းအစောင်ရေ စုစုပေါင်း(၉၀)ကျော်ပါဝင်တယ်လို့သိရပါတယ်။ ပညာရေး ဝန်ကြီးဌာနအောက်မှရှိတဲ့ တိုင်းဒေသကြီးနဲ့ပြည်နယ် အသီးသီးကတက္ကသိုလ်၊ဒီဂရီကောလိပ်တွေကစာတမ်းရှင်တွေအပါအ၀င် ရန်ကုန်၊မန္တလေး၊မြစ်ကြီးနား၊စစ်ကိုင်း၊ပုသိမ်၊မော်လမြိုင်၊ပြည်စတဲ့ တက္ကသိုလ်တွေက စာတမ်းရှင်တွေလည်း ဖတ်ကြားခဲ့တယ် လို့ သိရပါတယ်။စစ်ကိုင်းပညာရေးတက္ကသိုလ်ကနေ BEdဘွဲ့, မဟာပညာရေးဘွဲ့ MEdဘွဲ့, MPhil ဘွဲ့ဒီဂရီ, PGDMA ဒီပလိုမာဘွဲ့တွေကို ပေးအပ်နေပြီးလာမယ့်(၅)နှစ်ဝန်းကျင်မှာ ပညာရေးပါရဂူဘွဲ့ကိုပါပေးအပ်သွားမယ်လို့သိရပါတယ်။

 

 

Related News