ဒုတိယအကြိမ် အမျိုးသားလွှတ်တော် ဒသမပုံမှန်အစည်းအဝေးကို နိုဝင်ဘာ ၁၂ရက်မှာ နေပြည်တော်ရှိ အမျိုးသားလွှတ်တော်မှာစတင်ကျင်းပခဲ့ပါတယ်။ အစည်းအဝေးပထမနေ့မှာ ကတိသစ္စာမပြုရသေးတဲ့ တပ်မတော်သားကိုယ်စားလှယ်(၈)ဦးနဲ့ ရွေးကောက်ခံကိုယ်စားလှယ်(၁)ဦးတို့က ကတိသစ္စာပြုခြင်းနဲ့ ကတိသစ္စာပြုလွှာပေါ်မှာ လက်မှတ်ရေးထိုးခြင်းတွေကို ဆောင်ရွက်ခဲ့ပါတယ်။

အဲ့ဒီနောက်မှာတော့ အမျိုးသားလွှတ်တော်ဥက္ကဋ္ဌက အဖွင့်နှုတ်ခွန်းဆက် စကား ပြောကြားခဲ့ပြီး ကိုယ်စားလှယ်တွေအနေနဲ့ ပြည်သူတွေရဲ့ လိုလားချက်တွေ၊ အခက်အခဲတွေကို ဆောင်ရွက်ပေးနိုင်ဖို့အတွက် လွှတ်တော်အတွင်းမှာ မေးခွန်းမေးမြန်းခြင်း၊ အဆိုတင်သွင်းခြင်းနဲ့ ဥပဒေပြုခြင်းတွေကို ချမှတ်ပေးထားတဲ့ နည်းဥပဒေ၊ စည်းမျဉ်းစည်းကမ်းတွေနဲ့ အညီ ဆောင်ရွက်သွားဖို့ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းကမှာကြားခဲ့ပါတယ်။

ဒုတိယအကြိမ် အမျိုးသားလွှတ်တော် ဒသမပုံမှန်အစည်းအဝေး ပထမနေ့ အစည်းအဝေးအစီအစဉ်အတွင်းမှာတော့ လွှတ်တော်ကိုယ်စားလှယ်တွေက ကြယ်ပွင့်ပြမေးခွန်း ၅ ခုကို မေးမြန်းခဲ့ပြီး ဥပဒေကြမ်း ၂ ခုကို ဆွေးနွေးခဲ့ကြတယ်လို့ သိရပါတယ်။

 

 

Related News