မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေးဗဟိုအဖွဲ့ရဲ့ တိုင်းဒေသကြီးအဆင့် အမျိုးသား မူးယစ်ဆေးဝါးထိန်းချုပ်ရေး မူဝါဒရှင်းလင်းဆွေးနွေးပွဲကို နိုဝင်ဘာလ(၁၃)ရက်က မန္တလေးကွန်ဗင်းရှင်းစင်တာမှာ ပြုလုပ်ခဲ့ပါတယ်။ မူးယစ်ဆေးဝါးကြောင့် ဖြစ်ပေါ်လာတဲ့ ကျန်းမာရေး၊ လူမှုရေးနဲ့ စီးပွားရေးဆိုင်ရာ အန္တရာယ်တွေကို အနိမ့်ဆုံး အဆင့်အထိလျှော့ချပြီး လုံခြုံပြီး ကျန်းမာတဲ့ လူ့အသိုင်းအ၀ိုင်းတစ်ခု တည်ဆောက်နိုင်ရေးအတွက် ရည်မှန်းကာ အမျိုးသား မူးယစ်ဆေးဝါးထိန်းချုပ်ရေး မူဝါဒသစ်ကို ရေးဆွဲထားတယ်လို့ သိရပါ တယ်။

မြန်မာနိုင်ငံအနေနဲ့ ရင်ဆိုင်နေရတဲ့ မူးယစ်ဆေးဝါးဆိုင်ရာ စိန်ခေါ်မှုတွေဟာ များပြားပြီး ဘိန်းဖြူထုတ်လုပ်မှု၊ ၊ စိတ်ကြွရူးသွပ်ဆေးဝါးတွေ ထုတ်လုပ်မှုနဲ့ သယ်ဆောင်ရောင်းဝယ်မှုတွေ မြင့်တက်လာပြီး အစပျိုး ဓာတုပစ္စည်းတွေ တရားမ၀င် ၀င်ရောက်မှုစတဲ့ အန္တရာယ်တွေ မြင့်တက်လာတာကြောင့် အခုလို အမျိုးသား မူးယစ်ဆေးဝါး ထိန်းချုပ်ရေး မူဝါဒသစ်ကို ရေးဆွဲရတာ ဖြစ်တယ်လို့ သိရပါတယ်။ အခုပြုလုပ်တဲ့ ရှင်းလင်းဆွေးနွေးပွဲကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ အန္တရာယ် တားဆီးကာကွယ်ရေး ဗဟိုအဖွဲ့ နဲ့ ကုလသမဂ္ဂမူးယစ်ဆေးဝါးနှင့် မှုခင်းဆိုင်ရာရုံး(UNODC) တို့ ပူးပေါင်းပြီး ပြုလုပ်တာ ဖြစ်တယ်လို့သိရပါတယ်။

ဒီရှင်းလင်းဆွေးနွေးပွဲမှာ အမျိုးသားမူးယစ်ဆေးဝါး ထိန်း ချုပ်ရေးမူဝါဒနဲ့ ပတ်သက်ပြီး ထုတ်လုပ်မှုလျှော့ချရေးနဲ့ အစားထိုးဖွံ့ဖြိုးရေးကဏ္ဍ၊ သုံးစွဲမှုလျှော့ချရေးနဲ့ နောက်ဆက်တွဲ အန္တရာယ်လျှော့ချရေးကဏ္ဍ၊ နိုင်ငံတကာ ပူးပေါင်းဆောင်ရွက်ရေးကဏ္ဍ၊ သုတေသနလုပ်ငန်း တိုးမြှင့်ရေးကဏ္ဍ၊ လူ့အခွင့်အရေး ပြဌာန်းချက်တွေနဲ့အညီ ဖြစ်စေရေး စတဲ့ ကဏ္ဍအလိုက် ရှင်းလင်းဆွေးနွေးခဲ့ကြ တယ်လို့ သိရပါတယ်။ အမျိုးသား မူးယစ်ဆေးဝါးထိန်းချုပ်ရေး မူဝါဒ ရှင်းလင်းတာတွေကို ရှမ်းပြည်နယ်၊ ကယားပြည်နယ်၊ မွန်ပြည်နယ်၊ ကရင်ပြည်နယ်၊ ချင်းပြည်နယ်၊ ပဲခူးနဲ့ ရန်ကုန်တိုင်းဒေသကြီးတွေမှာ ပြုလုပ်ခဲ့ပြီးဖြစ်တယ်လို့ သိရပါတယ်။.

 

 

Related News