အစိုးရရုံးစိုက်ရာနေပြည်တော်နဲ့ အနီးတစ်ဝိုက်မှာ ရပ်ရွာအခြေပြုခရီးသွားလုပ်ငန်း (CBT)တွေ ဖော်ဆောင်နိုင်ရေးတင်ပြ သွားမယ်လို့ မြန်မာနိုင်ငံခရီးသွား လုပ်ငန်းရှင်များအသင်း (နေပြည်တော်ဇုန်)မှသိရပါတယ်။ နေပြည်တော်ကိုပြည်တွင်းပြည်ပခရီးသွားတွေပိုမိုလာရောက်ရေးအတွက် ခရီးသွားလုပ်ငန်းတွေမြှင့်တင်ဖို့ မြန်မာနိုင်ငံခရီးသွားလုပ်ငန်းရှင်များအသင်း (နေပြည်တော်ဇုန်)ကို ဖွဲ့စည်းခဲ့တာပါ။ မြန်မာနိုင်ငံခရီးသွားလုပ်ငန်းရှင်များအသင်း (နေပြည်တော်ဇုန်)အနေနဲ့ နေပြည်တော်မှာ နိုင်ငံခြားသားခရီးသွားတွေ ကြိုက်နှစ်သက်ပြီး လာရောက်လည်ပတ်လို့ရမယ့် ကျေးရွာတွေကို ရပ်ရွာအခြေပြုခရီးသွားလုပ်ငန်း (CBT)တွေအဖြစ် ဖော်ဆောင်နိုင်ရေးအတွက် လေ့လာမှုတွေပြုလုပ်ပြီး သက်ဆိုင်ရာ တာဝန်ရှိသူတွေထံတင်ပြသွားမယ်လို့ သိရပါတယ်။

မြန်မာနိုင်ငံခရီးသွားလုပ်ငန်းရှင်များအသင်း (နေပြည်တော်ဇုန်)ကို အဖွဲ့ဝင်(၁၄)ဦးနဲ့ စတင်ဖွဲ့စည်းခဲ့တာဖြစ်ပြီး အတည်ပြုခြင်းအခမ်းအနားကို နိုဝင်ဘာလ(၁၃)ရက်က နေပြည်တော်ရှိ Grand Amara Hotel မှာ ပြုလုပ်ခဲ့ပါတယ်။ နေပြည်တော်မှာပြည်တွင်းပြည်ပခရီးသွားတွေလာရောက်လည်ပတ်ဖို့အတွက် နေရာအများအပြားရှိပါတယ်။ အဆိုပါနေရာတွေထဲမှာပြည်တွင်းခရီးသွားတွေ လာရောက် လည်ပတ်မှုများပြားတဲ့ ဗုဒ္ဓဂါယာ(နေပြည်တော်)၊ ရေပူစမ်းအပန်းဖြေနေရာတွေ၊ ဆာဖာရီဥယျာဉ်၊ အမျိုးသား အထိမ်းအမှတ်ဥယျာဉ်တွေ အပါအ၀င်လည်ပတ်စရာတွေအများကြီးရှိတယ်လို့ မြန်မာနိုင်ငံခရီးသွား လုပ်ငန်းရှင်များအသင်း (နေပြည်တော်ဇုန်)ယာယီဥက္ကဋ္ဌ ဦးသိန်းထွေးက ပြောပါတယ်။နေပြည်တော်မှာ နိုင်ငံတော်အဆင့်အခမ်းအနားတွေပြုလုပ်နိုင်တဲ့နေရာတွေအပါအ၀င် နိုင်ငံတော်ဧည့်ဂေဟာ အဖြစ်ဖော်ဆောင်ထားတဲ့ ဟိုတယ်၁၀လုံးအပါအ၀င် ကြပ်သုံးပွင့်အဆင့်ကနေ ကြယ်ငါးပွင့်အဆင့်ရှိတဲ့ ဟိုတယ်အလုံးပေါင်း၆၀ကျော်အထိရှိတယ်လို့ သိရပါတယ်။

 

 

 

Related News