မြန်မာနိုင်ငံရုပ်ရှင်အစည်းအရုံးဝင်းအတွင်းတည်ဆောက်ထားတဲ့ ရုပ်ရှင်သမိုင်းပြတိုက်ကို ပြတိုက်အတွက်ပစ္စည်းများ နေရာချထားနိုင်ဖို့် လုပ်ဆောင်နေပြီး (၅၀)ရာခိုင်နှုန်းထိပြီးစီးနေပြီလို့ သိရပါတယ်။မြန်မာနိုင်ငံရုပ်ရှင်သမိုင်းပြတိုက်ကို (၁၉၉၈)ခုနှစ်ကစတင်ဖွင့်လှစ်ခဲ့တာဖြစ်ပါတယ်။ အခုပြင်ဆင်မှုဟာ ပထမဆုံးအကြိမ်အကြီးစားပြင်ဆင်မှုဖြစ်ပြီး အပြင်ပိုင်းကြံ့ခိုင်မှုကို အရင်ဆုံးပြင်ဆင်ခဲ့တာဖြစ်ပါတယ်။ အခုလက်ရှိမှာ ပြတိုက်ပစ္စည်းများနေရာချထားနိုင်ဖို့ ဆက်လက်လုပ်ဆောင်နေတယ်လို့သိရပါတယ်။

ရုပ်ရှင်သမိုင်းပြတိုက်မှာ ပြသမယ့်ပြခန်း(၆)ခန်းဖြစ်တဲ့ ငွေရတုပြခန်း၊ရွှေရတုပြခန်း၊စိန်ရတုပြခန်း၊ရုပ်ရှင် နှစ်တစ်ရာပြည့်အကြိုပြခန်း၊စက်မှုပြခန်းနဲ့ ရုပ်ရှင်ထူးချွန်ဆုပြခန်းဆိုပြီး အခန်းခွဲပြသသွားမှာဖြစ်ပြီး ရုပ်ရှင်အနုပညာရှင်များ၊အတတ်ပညာရှင်များက မိမိအပိုင်းအလိုက် တာဝန်ယူဆောင်ရွက်နေတယ်လို့သိရပါတယ်။ပြတိုက်ပြန်လည်ပြုပြင်မှုအတွက် ကုန်ကျစရိတ်ကိုတော့ ခေတ်အဆက်ဆက်ရုပ်ရှင်အစည်းအရုံးဥက္ကဋ္ဌတွေ လက်ထပ်က ပြတိုက်ပြုပြင်ဖို့ ရန်ပုံငွေရှာခဲ့ကြတာဖြစ်ပြီး အဲ့ဒီရန်ပုံငွေတွေနဲ့ပြင်ဆင်နေတာဖြစ်တယ်လို့ သိရပါတယ်။

ပြတိုက်ပညာရှင်တွေရဲ့ အကြံပေးမှုတွေနဲ့အတူ ပြတိုက်ပစ္စည်းများကို စနစ်တကျထားရှိကာ အဆင့်မြှင့် တင်နိုင်ဖို့ ပြခန်း(၆)ခန်းအတွက် တစ်ခန်းကို ငွေကျပ်သိန်း (၅၀)စီအကုန်ကျခံဆောင်ရွက်သွားမှာ ဖြစ်တယ်လို့သိရပါတယ်။မြန်မာနိုင်ငံရုပ်ရှင်သမိုင်းပြတိုက်ကိုတော့ (၁၉၉၅)ခုနှစ်ရုပ်ရှင်စိန်ရတုပွဲကျင်းပစဉ်က ပြတိုက်အတွက်ပစ္စည်းတွေကို တစ်နိုင်ငံလုံးက ရုပ်ရှင်ပညာရှင်တွေနဲ့ ရုပ်ရှင်ချစ်သူတွေကလှူဒါန်းခဲ့ကာ ရုပ်ရှင်ပြတိုက်ကို (၁၉၉၈)ခုနှစ်မှာ ဖွင့်လှစ်နိုင်ခဲ့တာဖြစ်တယ်လို့သိရပါတယ်။ ရုပ်ရှင်သမိုင်းပြတိုက်ရဲ့ အပြင်ပိုင်းကြံ့ခိုင်မှု ပြင်ဆင်မှုအတွက် သိန်း(၆၀၀)၀န်းကျင်အထိကုန်ကျခံပြင်ဆင်ခဲ့တာဖြစ်တယ်လို့သိရပါတယ်။

 

 

 

Related News