လူထုမိတ်ဆွေအကျိုးပြုယာဉ်လိုင်းမှ YBS (93) ယာဉ်လိုင်းဟာ မတ်လ(၉)ရက်က စတင်ပြီး ဒညင်းကုန်းလက်ကား ဈေးသစ်ကြီးကနေ ရန်ကုန်ဘူတာကြီးအထိ  စတင်ပြေးဆွဲပေးခဲ့တာပါ။ နိုဝင်ဘာ(၁၂)ရက်မှာတော့ ရန်ကုန်အနောက်ပိုင်း တက္ကသိုလ်ကနေ ရန်ကုန်ဘူတာကြီးအထိ စတင်ပြေးဆွဲပေးနေပြီဖြစ်ပါတယ်။ လူထုမိတ်ဆွေအကျိုးပြုယာဉ်လိုင်းမှ YBS(93)ယာဉ်လိုင်း ယာဉ်လမ်းကြောင်းစတင်ချိန်ကတည်းက ရန်ကုန်အနောက်ပိုင်းတက္ကသိုလ်ကနေ ရန်ကုန်ဘူတာကြီးအထိ ပြေးဆွဲပေးဖို့ လမ်းကြောင်းတင်ခဲ့ပေမယ့် ရန်ကုန်အနောက်ပိုင်းတက္ကသိုလ်မှာ မြေနေရာအခက်အခဲတွေကြောင့် ဒညင်းကုန်းလက်ကားဈေးသစ်ကြီးမှသာ ဂိတ်ရင်းအနေနဲ့ထားပြီးပြေးဆွဲပေးခဲ့ရတယ်လို့ သိရပါတယ်။

လက်ရှိမှာနိုဝင်ဘာ(၁၂)ရက်ကစတင်ပြီး YBS(93)ယာဉ်လိုင်းဟာ ရန်ကုန်အနောက်ပိုင်းတက္ကသိုလ်နဲ့ ဒညင်းကုန်းလက်ကားဈေးသစ်ကြီးမှာဂိတ်(၂)ခုထားပြီး ပြေးဆွဲပေးနေပြီလို့သိရပါတယ်။ ရန်ကုန်အနောက်ပိုင်းတက္ကသိုလ်ကို ကျောင်းတက်၊ ကျောင်းဆင်းချိန်တွေမှာ  ယာဉ်အားလုံးဝင်ရောက်ပြေးဆွဲပေးပြီး ကျောင်းသား၊ကျောင်းသူတွေ စီးနင်းမှုမရှိတော့တဲ့အချိန်မျိုးမှသာ ဒညင်းကုန်းလက်ကားဈေးသစ်ကြီးမှာ ဂိတ်ပြန်ထိုးတယ်လို့သိရပါတယ်။ပြေးဆွဲတဲ့ လမ်းကြောင်းအနေနဲ့ ရန်ကုန်အနောက်ပိုင်းတက္ကသိုလ်၊ ဒညင်းကုန်းလက်ကား ဈေးသစ်ကြီးကနေ  ခရေပင်လမ်းခွဲ၊ အမှတ်(၃)လမ်းဆုံ၊ မြောက်ဥက္ကလာပအ၀ိုင်း၊ ဝေဇယန္တာလမ်း၊ သုဝဏ္ဏလမ်းဆုံ၊ ABC ၊ ပုစွန်တောင်ဈေး၊ ဗိုလ်တထောင်၊ ပန်းဆိုးတန်းနဲ့ ရန်ကုန်ဘူတာကြီးအထိ ပြေးဆွဲပေးနေတာ ဖြစ်ပါတယ်။

အရင်ကရန်ကုန်အနောက်ပိုင်းတက္ကသိုလ်မှာ ကျောင်းတက်ရောက်ကြရတဲ့ ကျောင်းသား၊ ကျောင်းသူတွေ၊ ဆရာ၊ ဆရာမတွေဟာ နေရာစုံက လာရောက်စီးနင်းကြရတဲ့အတွက် ကား(၂)ဆင့်(၃)ဆင့်တွေစီးနေရတာကြောင့်အဆင်ပြေမှုမရှိခဲ့ဘူးလို့ပြောပါတယ်။ ဒီယာဉ်လိုင်း ရန်ကုန်အနောက်ပိုင်းတက္ကသိုလ်ကို ၀င်ရောက်ပြေးဆွဲလာတဲ့အတွက် အရင်လိုစောင့်ဆိုင်းရတာမျိုးတွေမရှိပဲ အဆင်ပြေမှုရှိသွားပြီလို့ပြောပါတယ်။လက်ရှိ လူထုမိတ်ဆွေအကျိုးပြုမော်တော်ယာဉ်လိုင်းမှာ YBS(78)နဲ့ (93)၊ (94)၊ (32)၊ (97) ဆိုပြီး ယာဉ်လိုင်း(၅)လိုင်း ပြေးဆွဲပေးနေပြီး ယာဉ်လိုင်းတစ်လိုင်းကို ယာဉ်အစီးရေ(၅၀)နဲ့ပြေးဆွဲပေးနေတယ်လို့သိရပါတယ်။ဒါပေမယ့်ယာဉ်လမ်းကြောင်းရှည်တဲ့ YBS(97)ယာဉ်လိုင်းမှာတော့ ယာဉ်စီးရေ(65)စီးနဲ့ပြေးဆွဲပေးနေပြီး နောက်ပိုင်းမှာ YBS(93)ယာဉ်လိုင်းကိုလည်း ယာဉ်စီးရေ(၅)စီးထပ်မံဖြည့်တင်းပြေးဆွဲပေးသွားမယ်လို့သိရပါတယ်။ ဒီယာဉ်လိုင်းတွေမှာ သံဃာတော်နဲ့ သီလရှင်များ၊ သက်ကြီးရွယ်အိုများ၊ ကျန်းမာရေးမကောင်းသူ၊ မသန်စွမ်းသူ၊ ကိုယ်ဝန်ဆောင်မိခင်များ၊ မူလတန်း၊ အလယ်တန်းကျောင်းသား ကျောင်းသူများ အခမဲ့စီးနင်းနိုင်တယ်လို့ သိရပါတယ်။

 

 

Related News