နေပြည်တော် ပြည်သူ့ဆေးရုံကြီး ကုတင် (၁၀၀၀)မှာ ဆီးချိုရောဂါပညာပေးကုသဌာနနှင့် အထူးကုပြင်ပလူနာဌာန(၂)တို့ကို နိုဝင်ဘာလ(၁၃)ရက်ကဖွင့်ပွဲအခမ်းအနားနဲ့ဖွင့်လှစ်ခဲ့တယ်လို့ သိရပါတယ်။ပြည်တွင်းမှာဆီးချိုရောဂါခံစားရတဲ့ ဝေဒနာရှင်တွေဟာ တစ်နှစ်ထက်တစ်နှစ် ပိုမိုများပြားလာနေပြီးဆီးချိုရောဂါသည်တွေ များပြားလာတာနဲ့ အမျှ ဆီးချိုရောဂါနဲ့ ပတ်သက်တဲ့ ပညာပေးမှုတွေ၊ အရည်အသွေးပြည့်ဝတဲ့ ကျန်းမာရေးစောင့်ရှောက်မှုတွေ ပေးဖို့ လိုအပ်လာပါတယ်။ ပြည်သူတွေအနေနဲ့ ဆီးချိုရောဂါဖြစ်စေနိုင်တဲ့ အချက်တွေကို သိရှိပြီး ရှောင်ရှားသင့်တာတွေ ရှောင်ရှားနိုင်စေဖို့ ရည်ရွယ်ချက်နဲ့ ဆီးချိုပညာပေးကုသဌာနကို ဖွင့်လှစ်ခဲ့ရခြင်းဖြစ်တယ်လို့ နေပြည်တော်ပြည်သူ့ဆေးရုံကြီး ကုတင်(၁၀၀၀)မှ ဆေးရုံအုပ်ကြီး ဒေါက်တာပပက ပြောကြားပါတယ်။

ဆီးချိုရောဂါပညာပေးကုသဌာနနှင့် အတူ အထူးကုပြင်ပလူနာဌာန(၂)ကိုလည်း ဖွင့်လှစ်ခဲ့ပြီးအထူးကုပြင်ပလူနာဌာန(၂)ကို လူနာတွေအနေနဲ့ သန့်ရှင်းကျယ်ဝန်းတဲ့ နေရာမှာကုသမှုခံယူနိုင်ဖို့နဲ့ လူနာတွေကိုလာ ရောက်ကုသတဲ့ဆရာဝန်တွေ အေးအေး ဆေးဆေးနဲ့ ကြည့်ရှုကုသနိုင်ဖို့အတွက် ဖွင့်လှစ်ခဲ့ရခြင်း ဖြစ်တယ်လို့သိရပါတယ်။ ဆီးချိုရောဂါပညာပေးကုသဌာနနှင့် အထူးကု ပြင်ပလူနာဌာန(၂) ဖွင့် ဖွင့်ပွဲအခမ်းအနားကို ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးနဲ့ တာဝန်ရှိသူများ တက်ရောက်ခဲ့ကြပါတယ်။ဆီးချိုရောဂါပညာပေးကုသဌာနကို ရန်ကုန်၊ မန္တလေးမှာဖွင့်လှစ်ထားတာ သုံးခုရှိပြီးယခု နေပြည်တော် ပြည်သူ့ဆေးရုံကြီး ကုတင် (၁၀၀၀)မှာဖွင့်လှစ်ခဲ့တာဟာ လေးခုမြောက်ဖြစ်တယ်လို့ သိရပါတယ်။

 

 

Related News