အသေးစားနှင့် အလတ်စားလုပ်ငန်းများနဲ့ ပတ်သက်တဲ့ သတင်းအချက်အလက်များကို အလွယ်တကူ ရှာဖွေလေ့လာနိုင်မယ့် Website မိတ်ဆက်ပွဲကို နိုဝင်ဘာလ (၁၅)ရက်က ရန်ကုန်မြို့ရှိ နိုဗိုတယ်ဟိုတယ်မှာ ကျင်းပခဲ့ပါတယ်။ ဒီ Website ကိုတော့ www.myanmarsme.gov.mm ဆိုပြီး ၀င်ရောက်နိုင်မှာဖြစ်ပြီး ပင်မစာမျက်နှာ၊ မူဝါဒဆိုင်ရာများ၊ ၀န်ဆောင်မှုများ၊ စာရင်းအင်း၊ အွန်လိုင်းမှတ်ပုံတင်လျှောက်ထားခြင်းများပါဝင်မှာဖြစ်တယ်လို့ သိရပါတယ်။ SME မူဝါဒနှင့်ဥပဒေနဲ့ ပတ်သက်တာတွေအပြင် SME ၀န်ဆောင်မှုကဏ္ဍမှာ  နည်းပညာနှင့် ပတ်သက်ပြီး အသိပညာမျှဝေခြင်းများ၊ ပြည်တွင်းပြည်ပဈေးကွက်ချဲ့ထွင်ခြင်း၊ စီးပွားရေးဆိုင်ရာချိတ်ဆက်ခြင်းများ၊ SME ဌာနများသို့ ချိတ်ဆက်ရန်လိပ်စာများ၊ ဖုန်းနံပတ်များ အပြည့်အစုံထည့်သွင်းထားလို့ သိရှိလိုတာတွေကို မေးမြန်းနိုင်မှာဖြစ်တယ်လို့ သိရပါတယ်။ ဒါ့အပြင် ဒီ Website ကနေ အာဆီယံ SME စင်တာနဲ့လည်း ချိတ်ဆက်ထားတာကြောင့် အာဆီယံနိုင်ငံက ပရိုဂရမ်တွေမှာ ပူးပေါင်းပါဝင်နိုင်သလို အာဆီယံနိုင်ငံတွေနဲ့လည်း ချိတ်ဆက်နိုင်မှာ ဖြစ်တယ်လို့ သိရပါတယ်။Website အတွက်(၆)လကြာ အချိန်ယူဆောင်ရွက်ခဲ့တာဖြစ်ပြီး လုပ်ငန်းရှင်များမေးတဲ့ မေးခွန်းတွေကို ချက်ချင်းပြန်ဖြေဖို့ အွန်လိုင်းပေးချေမှုတွေရရှိနိုင်ဖို့အတွက် Website  ကို အဆင့်မြှင့်တင်သွားမယ်လို့ သိရပါတယ်။ 

 

 

Related News