သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာနက အများပြည်သူများ ကြည့်ရှုနိုင်ရန် အတွက် တိုင်းရင်းသားရိုးရာ ယဉ်ကျေးမှု ယိမ်းအကများ၊ တေးသံသာများ၊ မျက်လှည့် အစီအစဉ်များ၊ ပဒေသာယိမ်းအကများ၊ အာဆီယံနိုင်ငံများမှ အကများ၊ အငြိမ့်အစီအစဉ်များကို အမျိုးသားအထိမ်းအမှတ် ဥယျာဉ်(နေပြည်တော်)မှာ အခမဲ့ဖျော်ဖြေတင်ဆက်သွားမယ်လို့ သိရပါတယ်။အမျိုးသားအထိမ်းအမှတ်ဥယျာဉ်(နေပြည်တော်)ကို ၂၀၀၈ ခုနှစ်၊ ဖေဖော်ဝါရီ(၁၁)ရက်မှာ စတင်ဖွင့်လှစ်ခဲ့တာဖြစ်ပါတယ်။

ပြည်ထောင်စုသမ္မတမြန်မာနိုင်ငံတော်၊ တိုင်းဒေသကြီးနှင့်ပြည်နယ်များ၏ ပကတိအချိုးအစားကို ရယူ၍ သက်ဆိုင်ရာတိုင်းဒေသကြီးနှင့် ပြည်နယ်များရှိ စေတီပုထိုးများ၊ အထိမ်းအမှတ်အဆောက်အဦများ၊ ရေမြေတော တောင်သဘာဝများ၊ တိုင်းရင်းသားသွေးချင်းများ၏ ရိုးရာ နေအိမ်များ၊ ဓလေ့ထုံးစံဝတ်စားဆင်ယင်မှုများ၊ ရိုးရာအစားအစာများဖြင့် စိတ်ဝင်စားဖွယ်ဖြစ်စေရန် တည်ဆောက်ပြသထားလျက်ရှိပါတယ်။

အဆိုပါ အမျိုးသားအထိမ်းအမှတ်ဥယျာဉ်(နေပြည်တော်)သို့ လာရောက်လည်ပတ်ကြည့်ရှုကြမယ့် ပြည်သူများ ကြည်နူးပျော်ရွှင်စွာ အပန်းဖြေနိုင် စေရန်အတွက် ၂၀၁၈ ခုနှစ်၊ နိုဝင်ဘာလ ၁၇ရက်(စနေနေ့)နံနက် ၁၀း၀၀ နာရီမှ မွန်းလွဲ ၁၅း၀၀ နာရီအထိ သာသနာရေးနှင့်ယဉ်ကျေးမှုဝန်ကြီးဌာန၊ အနုပညာဦးစီးဌာနမှ အနုပညာရှင်များက တိုင်းရင်းသားရိုးရာယဉ်ကျေးမှု ယိမ်းအကများ၊ တေးသံသာများ၊ မျက်လှည့် အစီအစဉ်များ၊ ပဒေသာယိမ်းအကများ၊ အငြိမ့်အစီအစဉ်နဲ့ ဟာသတစ်ခန်းရပ်များနဲ့ ဖျော်ဖြေတင်ဆက်သွားမှာဖြစ်တာကြောင့် မည်သူမဆို အခမဲ့ဝင်ရောက်ကြည့်ရှုနိုင်တယ်လို့ သတင်းရရှိပါတယ်။

 

 

Related News