မြန်မာနိုင်ငံရေနှင့်ရေဆိုး၊ အခြေခံအဆောက်အအုံကဏ္ဍစီးပွားရေးအခွင့်အလမ်းနဲ့ပတ်သက်ပြီးဆွေးနွေးတဲ့ အစီအစဉ်ကို နိုင်ဝင်ဘာလ(၁၆)ရက်ကမန္တလေးမြို့(MRCCI)မှာပြုလုပ်ခဲ့တာဖြစ်ပါတယ်။ ဒီအစီအစဉ်ကိုဂျာမန်-မြန်မာစီပွားရေးလုပ်ငန်းရှင်အသင်းကဦးဆောင်ပြုလုပ်တာဖြစ်ပြီးမြန်မာနိုင်ငံ ရေနှင့်ရေဆိုး၊ အခြေခံ အဆောက်အအုံတွေနဲ့ ပတ်သက်ကာစာတမ်းပြုစုမှာဖြစ်တယ်လို့ သိရပါတယ်။ ဆွေးနွေးပွဲမှာမန္တလေးမြို့ရေပေးဝေစနစ်၊ ရေဆိုးစွန့်ပစ်အခြေအနေ၊ ဖြေရှင်းနည်းစနစ်၊ရေဆိုးထုတ်စက်ရုံနဲ့ပတ်သက်တဲ့အကြောင်းတွေကို တင်ပြဆွေးနွေးခဲ့ကြပါတယ်။ မန္တလေးမြို့မှာရေသန့်ရရှိဖို့ကိုပိုက်လိုင်းစနစ်နဲ့မန္တလေးမြို့နယ်(၄)မြို့နယ်ရဲ့(၇၀)ရာခိုင်နှုန်းဖြန့်ဖြူးပေးနေသလိုဆက်လက်ပြီး တော့လည်း လုပ်ငန်းတွေအကောင်အထည်ဖော်ဆောင်ရွက်နေတယ်လို့ သိရပါတယ်။ယခုနှစ်နိုဝင်ဘာလအတွင်းဂျာမန်စီးပွားရေးလုပ်ငန်းရှင်တွေ၊ကုမ္ပဏီ(၈)ခုနဲ့အစိုးရအဖွဲ့အစည်းတွေကတာဝန်ရှိတဲ့ကိုယ်စားလှယ်တွေကရေနှင့်ရေဆိုး၊အခြေခံအေဆောက်အုံနဲ့ပတ်သက်ပြီးနေပြည်တော်၊ရန်ကုန်၊မန္တလေး၊မိတ္ထီလာကရေပေးဝေရေးနဲ့ ရေဆိုးနဲ့ သက်ဆိုင်တဲ့ လုပ်ငန်းခွင်တွေကိုလေ့လာသွားမယ်လို့သိရပါတယ်။ ဒါ့အပြင်ရေနှင့်ရေဆိုးအခြေခံအဆောက်အုံတွေနဲ့ ပတ်သက် တဲ့ စီးပွားရေးအခွင့်အလမ်းတွေကိုလည်း လေ့လာဆွေးနွေးကြမယ်လို့လည်း သိရပါတယ်။ဒီဆွေးနွေးပွဲကိုရေနဲ့ရေဆိုးကဏ္ဍမှာပါဝင်တဲ့ ကုမ္ပဏီတွေ၊အင်ဂျင်နီယာတွေ၊ စီးပွားရေးလုပ်ငန်းရှင်တွေ၊ ရင်းနှီးမြှုပ်နှံသူတွေနဲ့ အကြံပေးပုဂ္ဂိုလ်တွေ တက်ရောက်ကြပါတယ်။  

 

 

Related News