ဂျပန်ရိုးရာစက္ကူခေါက်နည်း အခမဲ့သင်ကြားပေးမှုကို နိုဝင်ဘာလ (၁၆)ရက်က မန္တလေးမြို့ မြန်မာ-ဂျပန် စင်တာရုံးမှာ ပြုလုပ်ခဲ့တာဖြစ်ပါတယ်။ ဂျပန်ရိုးရာစက္ကူခေါက်နည်းကို မြန်မာ - ဂျပန်စင်တာစီးပွားရေး လုပ်ငန်းရှင်များ အသင်း(MABA) နဲ့ဂျပန်နိုင်ငံအိုကလာယားမား တက္ကသိုလ်(OJEIC)တို့က ပူးပေါင်းပြုလုပ်တာ ဖြစ်ပါတယ်။

အခုလို ဂျပန်ရိုးရာစက္ကူခေါက်နည်းတွေကိုအခမဲ့ သင်ကြားပေးတာ ဟာ မြန်မာ - ဂျပန် ယဉ်ကျေးမူတွေ ဖလှယ်နိုင်ဖို့နဲ့ မန္တလေးမြို့မှာရှိတဲ့ ကျောင်းသား၊ကျောင်းသူတွေ လူငယ်တွေကို ဂျပန်လူမျိုး တွေရဲ့ ရိုးရာတစ်ခု ဖြစ်တဲ့ စက္ကူခေါက်နည်းနဲ့ပတ်သက်တာတွေကိုပိုမိုသိရှိစေဖို့အတွက် သင်ကြားပေးတာဖြစ်တယ်လို့ သိရပါတယ်။ ဂျပန်ရိုးရာစက္ကူခေါက်နည်းကို ပထမအကြိမ် မန္တလေးမှာသင်ကြားပေးခဲ့တာဖြစ်ပြီး  ဂျပန်ရိုးရာစက္ကူခေါက်နည်းကို ကျောင်းသား၊ ကျောင်းသူတွေ လူငယ်တွေနဲ့ စက္ကူခေါက်နည်းကိုစိတ်ဝင်စားသူတွေ လာရောက်သင်ယူခဲ့ကြပါတယ်။

ဒီ ဂျပန်ရိုးရာစက္ကူခေါက်နည်းမှာ ပန်းပုံစံခေါက်နည်း၊ ကြိုးကြာခေါက်နည်းနဲ့ ဗူးပုံစံအမျိုးမျိုးခေါက်နည်းစတဲ့ စက္ကူခေါက်နည်း အမျိုးအစားများစွာကို သင်ကြားပေးခဲ့တာဖြစ်တယ်လို့ သိရပါတယ်။မြန်မာဂျပန်စင်တာစီးပွားရေးလုပ်ငန်းရှင်များအသင်း(MABA) နဲ့ဂျပန်နိုင်ငံအိုကလာယားမား တက္ကသိုလ်(OJEIC)တို့အနေနဲ့ နောက်ပိုင်းမှာလည်းဂျပန်ရိုးရာနဲ့ပတ်သက်တာတွေကို ဆက်လက်သင်ကြားပေးသွားမယ်လို့ သိရပါတယ်။

 

 

 

Related News