ပြည်တွင်းကို တရားမ၀င်တင်သွင်းနေတဲ့ ကုန်ပစ္စည်းတွေကြောင့်  SME လုပ်ငန်းတွေထိခိုက်မှုတွေ ရှိနေတယ် လို့သိရပါတယ်။ ဒါ့ကြောင့် SME လုပ်ငန်းတွေဖွံ့ဖြိုးတိုးတက်ရေးအတွက် အစိုးရနဲ့စီးပွားရေးလုပ်ငန်းရှင်တွေ အားစိုက်လုပ်ကိုင်နေကြသလို ပြည်တွင်းဈေးကွက်ကို နယ်စပ်ဒေသတွေကနေ တရားမ၀င်တင်သွင်းနေတဲ့ ကုန်ပစ္စည်းတွေဖမ်းဆီးမှုကိုလည်း တိုးမြှင့်လုပ်ဆောင်နေကြတာပါ။

တရားမ၀င်တင်သွင်းလာတဲ့ ကုန်ပစ္စည်းတွေ ဖမ်းဆီးမှု အနေနဲ့ တစ်လအတွင်း စုစုပေါင်းတန်ဖိုး ငွေကျပ်တစ်ဘီလီယံကျော် ဖမ်းဆီးရမိခဲ့တယ်လို့ နိုဝင်ဘာ(၁၇) ရက်က (UMFCCI)မှာပြုလုပ်တဲ့ (၂၁)ကြိမ်မြောက် ဒုတိယသမ္မတ ဦးမြင့်ဆွေနဲ့ ပုဂ္ဂလိကကဏ္ဍဖွံ့ဖြိုးတိုးတက်ရေး ကော်မတီ၊ ပုဂ္ဂလိကလုပ်ငန်းရှင်များ ပုံမှန်တွေ့ဆုံပွဲမှာဒုတိယသမ္မတ ဦးမြင့်ဆွေက ပြောကြားခဲ့တာဖြစ်ပါတယ်။

မှောင်ခိုတင်သွင်းတဲ့ဒေသတွေမှာ မရမ်းချောင်၊ ရေပူစတဲ့စစ်ဆေးရေးဂိတ်တွေထားရှိလုပ်ဆောင်နေသလို တောလမ်း တွေ၊ မှောင်ခိုဝင်နိုင်တဲ့ဒေသတွေမှာအဖွဲ့စုံနဲ့ဖမ်းဆီးနေတယ်လို့ပြောပါတယ်။ ဖမ်းဆီးအရေးယူ ဆောင်ရွက်မှုတွေကို တရားမ၀င်၊မှောင်ခိုတင်သွင်းနိုင်တဲ့ တိုင်းဒေသကြီး၊ပြည်နယ်(၉)ခုမှာ ၀န်ကြီးတွေခေါင်း ဆောင်ပြီး အဖွဲ့တွေဖွဲ့စည်း ဖမ်းဆီးနေတယ်လို့ဆိုပါတယ်။  ပြီးခဲ့တဲ့ အောက်တိုဘာလ တစ်လအတွင်း  တရားမ၀င်တင်သွင်းတဲ့ကုန်ပစ္စည်းတွေ ဖမ်းဆီးမှု(၅၉)ကြိမ် ရှိခဲ့ပြီး စုစုပေါင်း တန်ဖိုး ငွေကျပ် တစ်ဘီလီယံကျော် ရှိခဲ့တယ်လို့ ဒုတိယသမ္မတက ပြောပါတယ်။


ဒီလိုတရားမ၀င်ကုန်ပစ္စည်းတွေနဲ့ပတ်သက်လို့ဖမ်းဆီးရမိရေး သတင်းပေးတွေ၊သတင်းပေးပို့တာတွေ လိုအပ်တယ်လို့ ပြောပါတယ်။  စီးပွားရေးလုပ်ငန်းရှင်တွေအနေနဲ့တရားမ၀င်ကုန်ပစ္စည်းတွေကြောင့် ထိခိုက် နစ်နာမှုတွေအတွက် ချက်ချင်းသတင်းပေးပို့တာတွေ၊ ပွင့်ပွင့်လင်းလင်းပြောကြားဖို့တွေလိုအပ်ပြီး ချက်ချင်းအကြောင်းကြားရင် သက်ဆိုင် ရာ တိုင်းဒေသကြီးပြည်နယ်တွေက ၀ိုင်းဝန်းကူညီဆောင်ရွက်ပေးမှာ ဖြစ်တယ်လို့ ဒုတိယသမ္မတဦးမြင့်ဆွေက မှာ ကြားခဲ့ပါတယ်။ တရားမ၀င်ကုန်ပစ္စည်းဖမ်းဆီးမှုတွေနဲ့ပတ်သက်ပြီး ဖမ်းဆီးမှုအခြေအနေတွေကို လစဉ်ထုတ်ပြန်တင်ပြပေးသွားမှာဖြစ်သလို ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်ကိုလည်း စာရင်းပေးပို့သွားမယ်လို့ ဒုတိယသမ္မတက ပြောကြားခဲ့ပါတယ်။

 

 

Related News