ပညာရေးဝန်ကြီးဌာန၊ ကျန်းမာရေးနှင့်အားကစားဝန်ကြီးဌာန၊ ဆောက်လုပ်ရေးဝန်ကြီးဌာန၊  လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊   ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ အခြေခံပညာ ဦးစီးဌာန အစရှိတဲ့ အစိုးရဌာနဆိုင်ရာအဖွဲ့အစည်း(၂၀)ခန့်နဲ့INGO အဖွဲ့စည်းများပူးပေါင်းပြီး မြန်မာ့ရပ်ရွာလူထု ဘေးဒဏ် ကြံ့ကြံ့ခိုင်နိုင်စွမ်းတိုးမြှင့်ရေးပူးပေါင်းအဖွဲ့(MCCR)ကို ဖွဲ့စည်းထားတာဖြစ်ပြီး  မြန်မာနိုင်ငံကမ်းရိုးတန်းဒေသ နှင့် မြို့ပြဒေသတွေမှာ သဘာဝဘေးအန္တရာယ်များကြောင့် ထိခိုက်ပျက်စီးဆုံးရုံးမှုများ လျှော့ချနိုင်ရေးအတွက် လုပ်ငန်းစဉ်များကိုအကောင်အထည်ဖော်ဆောင်ရွက်နေတာ ဖြစ်တယ်လို့ သိရပါတယ်။ MCCR အနေနဲ့ မြန်မာနိုင်ငံကမ်းရိုးတန်းဒေသနဲ့ မြို့ပြဒေသတွေမှာနေထိုင်နေသူတွေကို မုန်တိုင်း၊ မီးဘေး၊ ရေဘေး၊ ငလျင် အစရှိတဲ့ သဘာဝဘေးအန္တရာယ် တွေကြောင့် ပျက်စီးဆုံးရှုံးမှုတွေ လျော့ကျစေဖို့အတွက် သဘာဝဘေး လျော့ပါးရေး အစီအစဉ် တွေကို သက်ဆိုင်ရာအခန်း ကဏ္ဍအလိုက်ဆောင်ရွက်နေတာဖြစ်တယ်လို့ သိရပါတယ်။ 

သဘာဝဘေး လျော့ပါးရေးအစီအစဉ်မှာ ပညာရေး၊ ကျန်းမာရေးနဲ့ အဆောက်အဦးပိုင်းဆိုင်ရာ အခန်းကဏ္ဍ (၃)ခုပါဝင်ပြီး၊ သဘာဝဘေးအန္တရာယ် ကြိုတင်ကာကွယ်ခြင်းများ၊ ဖြစ်ပွားခဲ့ရင် ဆောင်ရန်၊ ရှောင်ရန်များနဲ့ ပတ်ဝန်းကျင်အနေအထားနဲ့ နေရာဒေသအလိုက် အဆောက်အအုံ အခြေအနေတွေ၊ ဘေးအန္တရာယ်ဆိုင်ရာ ဗဟုသုတတွေကို သင်တန်းပေးပို့ချခြင်းများ၊ ငလျင် အန္တရာယ်ကြိုတင်ကာကွယ်ခြင်းနဲ့ တုံ့ပြန်ခြင်းလုပ်ငန်းများဆိုင်ရာ သဘာဝဘေးအန္တရာယ် လေ့ကျင့်ရေးလုပ်ငန်းများလုပ်ဆောင်ခြင်း အစရှိတဲ့တွေကို သက်ဆိုင်ရာအခန်းကဏ္ဍတွေ အလိုက် လုပ်ဆောင်နေတာဖြစ်တယ်လို့ သိရပါတယ်။ 

မြန်မာ့ရပ်ရွာလူထုဘေးဒဏ်ကြံ့ကြံ့ခိုင်နိုင်စွမ်းတိုးမြှင့်ရေးပူးပေါင်းအဖွဲ့(MCCR)ကို ၂၀၁၂ခုနှစ်က စတင်ဖွဲ့စည်းခဲ့တာ ဖြစ်ပြီး၊ သဘာဝဘေးလျော့ပါးရေးစီးမံကိန်းကိုတော့ ၂၀၁၈ခုနှစ် ဇွန်လကနေ ၂၀၁၉ခုနှစ် နိုဝင်ဘာလထိဆောင်ရွက် သွားမှာ ဖြစ်တယ်လို့ သိရပါတယ်။

 

Related News