ရဲတပ်ဖွဲ့ဝင်တွေအတွက် ခေတ်မီလက်နက်များစနစ်တကျထားသိုထိန်းသိမ်းရေးနဲ့ကျွမ်းကျင်စွာကိုင်တွယ် အသုံးပြု ပစ်ခတ်နိုင်ရေး(ဆင့်ပွား)သင်တန်းအမှတ်စဉ်(၉)သင်တန်းဆင်းပွဲကို နိုဝင်ဘာ(၁၆)ရက်က ရန်ကုန်တိုင်းဒေသကြီး ရဲတပ်ဖွဲ့မှူး ရုံးမှာပြုလုပ်ခဲ့ပါတယ်။

ဒီသင်တန်းမှာ BA63၊ BA64၊  BA94၊ MA13  စတဲ့လက်နက်တွေကို ကျွမ်းကျင်စွာ အသုံးပြုနိုင်ဖို့ဖြုတ်ခြင်း၊ တပ်ခြင်း၊ တိုက်ချွတ်ခြင်းနဲ့ စနစ်တကျထားသိုထိန်းသိမ်းနိုင်ဖို့လေ့ကျင့်သင်ကြားပေးခဲ့တာ ဖြစ်ပါတယ်။ ရဲတပ်ဖွဲ့ဌာနချုပ်ရဲ့  ညွှန်ကြားချက်အရ အခုအမှတ်စဉ်မှာ ရန်ကုန်တိုင်းဒေသကြီးရဲတပ်ဖွဲ့အပြင် တိုင်းဒေသကြီးအတွင်းမှာ တာဝန်ထမ်းဆောင်နေတဲ့ သီးခြားရဲတပ်ဖွဲ့(၇)ဖွဲ့က တပ်ဖွဲ့ဝင်တွေကိုပါ လက်နက်ငယ် ကျွမ်းကျင်မှုရှိအောင် သင်တန်းဖွင့်လှစ်သင်ကြားပေးခဲ့တာ ဖြစ်ပါတယ်။ ရန်ကုန်တိုင်းဒေသကြီး ရဲတပ်ဖွဲ့မှာ တာဝန်ထမ်းဆောင်နေတဲ့ သတင်းရဲတပ်ဖွဲ့၊ မှုခင်းရဲတပ်ဖွဲ့၊ လူကုန်ကူးတာဆီးနှိမ်နင်းရေးရဲတပ်ဖွဲ့၊ ကမ္ဘာလှည့်ခရီးသွား လုပ်ငန်း လုံခြုံရေးရဲတပ်ဖွဲ့၊ ရေနံမြေလုံခြုံရေးရဲတပ်ဖွဲ့၊ သစ်တောလုံခြုံရေးရဲတပ်ဖွဲ့၊ ယာဉ်ထိန်းရဲတပ်ဖွဲ့စတဲ့ တပ်ဖွဲ့ တွေ ဖြစ်ပြီး ဒီတပ်ဖွဲ့တွေကနေ စုစုပေါင်းသင်တန်းသား အရာရှိ၊အခြားအဆင့်(၁၅၀)ဦး ကိုသင်ကြားပေးခဲ့တာ ဖြစ်တယ်လို့သိရပါတယ်။

ဒီသင်တန်းကို (၂)ပတ်တာ ဖွင့်လှစ်သင်ကြားပေးခဲ့တာဖြစ်ပြီး စာတွေ့သင်ကြားပြီးတဲ့အခါမှာ သင်တန်းကာလဒုတိယ အပတ်မှာတော့ အမှတ်(၁)တပ်မတော်လေ့ကျင့်ရေးသင်တန်းကျောင်း(ဂျိုးဖြူ) စက်ပစ်ကွင်းကိုသွားရောက်ပြီး ကျည်အစစ်တွေနဲ့ သင်တန်းသားတစ်ဦးချင်းအလိုက် လေ့ကျင့်သင်ကြားပေးခဲ့တယ်လို့သိရပါတယ်။ ဒီသင်တန်းကို တိုင်းဒေသကြီးရဲတပ်ဖွဲ့အနေနဲ့ ဒီနှစ်အတွင်း အမှတ်စဉ်(၉)ခုထိဖွင့်လှစ်သင်ကြားပေးထားနိုင်ပြီး တိုင်းရဲတပ်ဖွဲ့ဝင် အင်အား(၁၃၅၀) တက်ရောက်ထား ပြီးဖြစ်တယ်လို့သိရပါတယ်။ ဒီလိုဆင့်ပွားသင်တန်းတွေကို စဉ်ဆက်မပြတ် ဖွင့်လှစ် သင်ကြားပေးသွားမှာဖြစ်သလို ကျည်စစ်ကျည်မှန်တွေနဲ့လက်တွေ့လေ့ကျင့်ပေးတာတွေကို ဆက်လက် လုပ်ဆောင်ပေးသွားမယ်လို့သိရပါတယ်။ 

 

 

Related News