၂၀၁၈ နိုဝင်ဘာလမှာပြုလုပ်တဲ့ ကျောက်မျက်ရိုင်းများနဲ့ ကျောက်စိမ်းအသားကျောက်များ မြန်မာကျပ်ငွေဖြင့် ရောင်းချပွဲကနေ စုစုပေါင်း ငွေကျပ်သန်း ၄၉၀၀၀ ကျော်ဖိုး ရောင်းချ နိုင်ခဲ့တယ်လို့ သိရပါတယ်။ ယခု ကျောက်မျက်ရိုင်းများနဲ့ ကျောက်စိမ်းအသားကျောက်များ ရောင်းချပွဲကို ပြည်တွင်းရတနာ ကုန်သည်တွေ အတွက်ပြုလုပ်ပေးခဲ့တာပါ။ ယခုရောင်းချပွဲကို မန္တလေး၊စစ်ကိုင်း၊မိုးကုတ်စတဲ့ မြို့တွေမှာရှိတဲ့ တပိုင်တနိုင်နဲ့ အသေးစား၊အလတ်စားလုပ်ကိုင်နေကျတဲ့ ရတနာကုန်သည်လုပ်ငန်းရှင်တွေအတွက် ကုန်ကြမ်းရရှိဖို့ရည်ရွယ်ပြီး ပြုလုပ်ပေးခြင်းဖြစ်တာကြောင့် မြန်မာကျပ်ငွေနဲ့ ရောင်းချပေးခဲ့တာလို့ စီမံရေးရာလုပ်ငန်းကော်မတီ ဥက္ကဋ္ဌ ဦးသန်းဇော်ဦးကပြောပါတယ်

။ကျောက်စိမ်းအသားကျောက်များ မြန်မာကျပ်ငွေဖြင့် ရောင်းချပွဲကို ပြီးခဲ့တဲ့ နိုဝင်ဘာလ၁၂ ရက်ကနေ ၁၇ရက်အထိ ၆ရက်ကြာ နေပြည်တော်ရှိ မဏိရတနာကျောက်စိမ်းခန်းမမှာပြုလုပ်ခဲ့တာပါ။ အဆိုပါရောင်းချပွဲမှာ တင်ပြခဲ့တဲ့ ကျောက်မျက်အတွဲ ၉၆တွဲအနက် အတွဲ၅၀ ကို မြန်မာကျပ်ငွေသန်း(၇၉၄)ဒသမ(၉၀)နဲ့ ရောင်းချနိုင်ခဲ့တယ်လို့ သိရပါတယ်။ ဒါ့အပြင် ရောင်းချဖို့တင်ပြခဲ့တဲ့ ကျောက်စိမ်းအတွဲ(၃၃၃၉)တွဲအနက် (၃၁၈၅)တွဲကို စုစုပေါင်းငွေကျပ်သန်း (၄၈၂၉၈)ဒသမ၄၉ ရောင်းချနိုင်ခဲ့တယ်လို့ သိရပါတယ်။

ဒါကြောင့် ယခုပွဲကနေ ကျောက်မျက်၊ ကျောက်စိမ်း အတွဲပေါင်း ၃၂၃၅တွဲကို ငွေကျပ်သန်း (၄၉၀၉၃)ဒသမ(၃၉)သန်း နဲ့ရောင်းချနိုင်ခဲ့တယ်လို့ သိရပါတယ်။ ယခုပြပွဲမှာ တန်ဖိုးအမြင့်ဆုံးအတွဲအဖြစ် ငွေကျပ်သိန်း(၂၅၀၀)နဲ့ရောင်းချဖို့ ပြသခဲ့တဲ့ ကျောက်မျက်ရိုင်းအတွဲ ဖြစ်တဲ့ အလေးချိန်(၁၂)ဒသမ(၃၅)ကာရက်ရှိ ပတ္တမြားအရိုင်းမှာ ရောင်းချနိုင်ခဲ့ခြင်း မရှိဘူးလို့သိရပါတယ်။နေပြည်တော်မှာ မြန်မာကျပ်ငွေနဲ့ရောင်းချခဲ့တဲ့ ကျောက်မျက်ရိုင်းများနဲ့ ကျောက်စိမ်းအသားကျောက်များ ရောင်းချပွဲကို ၂၀၁၂ ဒီဇင်ဘာလက စတင်ပြုလုပ်ခဲ့တာဖြစ်ပြီး ယခုရောင်းချပွဲအပါအ၀င် ၆ ကြိမ်ရှိသွားပြီလို့ သိရပါတယ်။

 

 

Related News