သပြေပညာရေးဖောင်ဒေးရှင်းရဲ့ အစိတ်အပိုင်းတစ်ခုဖြစ်တဲ့ ကံ့ကော်ပညာရေးစင်တာရဲ့ Community Leadership and Social Studies နဲ့ University Preparation Program စတဲ့ အစီအစဉ်နှစ်ခုကနေ ကျောင်းပြီးသွားတဲ့ ကျောင်းသား၊ ကျောင်းသူဟောင်းတွေရဲ့ ပြန်လည်တွေ့ဆုံပွဲနဲ့ အပြောင်းအလဲတစ်ခုအတွက် ခေါင်းဆောင်မှုဆိုတဲ့ခေါင်းစဉ်နဲ့နှီးနှောဖလှယ်ပွဲကို နိုဝင်ဘာလ (၁၇)ရက်က Summit Park View Hotel မှာပြုလုပ်ခဲ့ပါတယ်။ ကျောင်းသား၊ကျောင်းသူဟောင်းတွေရဲ့နှီးနှောဖလှယ်ပွဲမှာခရီးသွားကဏ္ဍ၊ ပညာရေးကဏ္ဍ၊ ဖွံ့ဖြိုးတိုးတက်ရေးအပိုင်းတွေနဲ့ တစ်ချို့ကကိုယ်ပိုင်အဖွဲ့အစည်းထူထောင်ပြီး  ရပ်ရွာဒေသတွေရဲ့ ပညာရေးကဏ္ဍတွေမှာဖွံ့ဖြိုးတိုးတက်ဖို့အတွက် ဆောင်ရွက်ခဲ့တဲ့အပိုင်းတွေကို အချင်းချင်းနှီးနှောဖလှယ်ခဲ့ကြတာဖြစ်ပါတယ်။

ဒီပွဲမှာကျောင်းသား၊ ကျောင်းသူတွေအတွက် ဂိမ်းအစီအစဉ်တွေလည်းပါဝင်သလိုကဏ္ဍအလိုက်အချင်းချင်းမသိရှိသေးတဲ့အတွက် အသိပညာပိုမိုရရှိနိုင်ဖို့ နှီးနှောဖလှယ်ခဲ့ကြတယ်လို့ သိရပါတယ်။ကံ့ကော်ပညာရေးစင်တာရဲ့အစီအစဉ်နှစ်ခုမှာ အစီအစဉ်တစ်ခုကိုတက်ရောက်ရပြီး စာသင်ချိန်ကာလကတော့(၉)လကျော်ကြာမြင့်တယ်လို့သိရပါတယ်။ နှီးနှောဖလှယ်ပွဲကို ကျောင်းသား၊ကျောင်းသူဟောင်း (၁၂၀)ကျော်တက်ရောက်ခဲ့ပြီး မိမိတို့အလုပ်နယ်ပယ်အသီးသီးမှာ ကြုံတွေ့ခဲ့ရတဲ့ အခက်အခဲတွေနဲ့ အဆင်ပြေမှုရှိမရှိစတဲ့အကြောင်းအရာ မျိုးစုံကိုမျှဝေခဲ့တယ်လို့သိရပါတယ်။သပြေပညာရေးဖောင်ဒေးရှင်းကို (၁၉၉၈)ခုနှစ်က ချင်းမိုင်မှာစတင်တည်ထောင်ခဲ့တာဖြစ်ပြီး မြန်မာနိုင်ငံမှာတော့(၂၀၀၉)ခုနှစ်ကတည်းက အခြေကျလုပ်ကိုင်ခဲ့တာဖြစ်တယ်လို့ သိရပါတယ်။ အခုပြုလုပ်တဲ့အခမ်းအနားကတော့ သပြေဖောင်ဒေးရှင်းအနေနဲ့ စတုတ္ထအကြိမ်မြောက်ပြုလုပ်တာဖြစ်တယ်လို့သိရပါတယ်။

 

 

Related News