မြန်မာနိုင်ငံအမျိုးသားလူ့အခွင့်အရေးကော်မရှင်နဲ့ NGO Child Rights Working Group (NCRWG) အဖွဲ့တို့ ပူးပေါင်းပြုလုပ်တဲ့ ကလေးများအားရိုက်နှက်ပြစ်ဒဏ်ပေးဆုံးမခြင်းရပ်တန့်မှုဆိုင်ရာ လူထုအသိပညာပေးနှီးနှော ဖလှယ်ပွဲကို နိုဝင်ဘာလ(၁၈)ရက်က ရန်ကုန်မြို့  လှိုင်မြို့နယ်မှာ ပြုလုပ်ခဲ့တာဖြစ်ပါတယ်။

အဆိုပါ လူထုအသိပညာပေးနှီးနှောဖလှယ်ပွဲကို ကလေးများကို ဆုံးမတဲ့အခါမှာ ရိုက်နှက်ပြစ်ဒဏ်ပေးတာအပါအ၀င် အခြားသော အကြမ်းဖက်နည်းလမ်းတွေအသုံးမပြုပဲ အပြုသဘောဆောင်တဲ့ စည်းကမ်းပေးခြင်းကိုသာ အသုံးပြုတဲ့ လူ့ပတ်ဝန်းကျင်ဖြစ်ပေါ်စေရေးအတွက် ရည်ရွယ်ပြုလုပ်တာဖြစ်တယ်လို့ သိရပါတယ်။၏

ဒီလူထုအသိပညာပေးနှီးနှောဖလှယ်ပွဲမှာ ကလေးသူငယ်တွေကို ရိုက်နှက်ခြင်းဟာ ကလေးငယ်တွေကို စိတ်ဓာတ်ကျစေတာနဲ့ပတ်သက်ပြီး အပြန်အလှန်ဆွေးနွေးခြင်း၊ ဖျော်ဖြေရေးအစီအစဉ်များ ဖျော်ဖြေတင်ဆက်ခြင်း၊ အိမ်တွင်းအဆင်မပြေမှုကြားမှ ကလေးတယောက်ရဲ့ ရင်တွင်းခံစားချက် ခေါင်းစဉ်ဖြင့် တစ်ခန်းရပ်ပြဇာတ်ဖြင့် သရုပ်ဖော်ကပြခြင်းတို့အပြင်  စာရေးဆရာမနီမိုလှိုင်မှ ကလေးငယ်များအပေါ် ရိုက်နှက်ခြင်းကြောင့်ဖြစ်ပေါ်လာတဲ့ ဆိုးကျိုးများကြောင့် နိုင်ငံတနိုင်ငံပြန်လည်ထူထောင်ရာမှာ ထိခိုက်စေခြင်းစတဲ့ အကြောင်းအရာတွေကို ရှင်းလင်းပြောကြားခဲ့ကြပါတယ်။

ကလေးများအားရိုက်နှက်ပြစ်ဒဏ်ပေးဆုံးမခြင်းရပ်တန့်မှုဆိုင်ရာ လူထုအသိပညာပေးနှီးနှောဖလှယ်ပွဲက ပညာပေးဟောပြောမှုတွေကို ရန်ကုန်တိုင်းဒေသကြီးအပြင် အခြားပြည်နယ်နဲ့ တိုင်းဒေသကြီးတွေမှာလည်း ပြုလုပ်နေတာဖြစ်ပါတယ်။ နိုဝင်ဘာလ(၂၀)ရက်မှာလည်း ကလေးများအားရိုက်နှက်ပြစ်ဒဏ်ပေးဆုံးမခြင်း ရပ်တန့်မှုဆိုင်ရာ လူထုအသိပညာပေးနှီးနှောဖလှယ်ပွဲကို နေပြည်တော်မှာပြုလုပ်သွားမယ် လို့ သိရပါမယ်။ 

 

 

 

Related News