စီးပွားရေးဆိုင်ရာ ခေါင်းဆောင်မှုစွမ်းရည်မြှင့်တင်ပေးနိုင်ရေးခေါင်းစဉ်နဲ့ဆွေးနွေးပွဲကို AustCham(အော့ချမ်း) Myanmar ကဦးစီးပြီး နိုဝင်ဘာလ(၁၇)ရက်က ရန်ကုန်မြို့ Pan Pacific Hotal မှာပြုလုပ်ခဲ့တာဖြစ်ပါတယ်။  ဒီဆွေးနွေးပွဲက  စီးပွားရေးနယ်ပယ်အသီးသီးမှာ ဦးဆောင်လုပ်ကိုင်နေတဲ့ အမျိုးသမီးတွေက သူတို့ဖြတ်သန်းခဲ့ရတဲ့ ဘ၀အတွေ့အကြုံ ၊ စိန်ခေါ်မှုတွေ၊ရင်ဆိုင်ခဲ့ရတဲ့အတွေ့အကြုံတွေကို  2018 ခုနှစ် Women in Business and Leadershipe Development ခေါင်းစဉ်နဲ့ ဆွေးနွေးခဲ့တာဖြစ်ပါတယ်။ဆွေးနွေးပွဲမှာ  ပြည်တွင်းရဲ့စီးပွားရေးကဏ္ဍမှာ ထင်ရှားကျော်ကြားပြီး ဦးဆောင်လုပ်ကိုင်လျက်ရှိတဲ့ အမျိုးသမီးတွေရဲ့မတူညီတဲ့ အတွေ့အကြုံတွေ၊ အသိပညာတွေကို ပြန်လည်မျှဝေစေလိုတဲ့ ရည်ရွယ်ချက်နဲ့ အခုလိုပြုလုပ်တာ ဖြစ်တယ်လို့သိရပါတယ်။

ယခုခေတ်မြန်မာ့လူ့ဘောင်အဖွဲ့ အစည်းမှာ အမျိုးသမီးခေါင်းဆောင်တစ်ယောက်ဖြစ်လာတဲ့အပေါ်မှာ ဒီဆွေးနွေးပွဲမှာ ရှု့ထောင့် မျိုးစုံကနေ ဆွေးနွေးသွားကြမှာ ဖြစ်ပါတယ်။ဒါ့အပြင် သက်ဆိုင်ရာခေါင်းစဉ်အလိုက် အုပ်စုဖွဲ့ဆွေးနွေးပြီး အတွေ့အကြုံ၊ ဗဟုသုတ၊ အတတ်ပညာနဲ့ အောင်မြင်မှုရရှိတဲ့ ဘ၀မှတ်တိုင်တွေကို ပြန်လည်မျှဝေသွားမှာဖြစ်တယ်လို့သိရပါတယ်။ ဒီဆွေးနွေးပွဲကိုတော့ စီးပွားရေးလုပ်ငန်းတွေမှာ လုပ်ကိုင်နေတဲ့ အမျိုးသမီးတွေ၊ICF Myanmar မှတာဝန်ရှိသူတွေ၊ International Communication and Public Affairs မှတာဝန်ရှိသူတွေ တက်ရောက်ခဲ့ပြီး အမျိုးသမီးခေါင်းဆောင်တစ်ဦးမှာ လိုအပ်တဲ့ အကြောင်းအရာတွေကို ပါဝင်ဆွေးနွေးပေးခဲ့တယ်လို့ သိရပါတယ်။ 

 

 

Related News