ယခုအစိုးရလက်ထက်မှာ (၂၅)ခုမြောက် ၀န်ကြီးဌာနအဖြစ် ရင်းနှီးမြှုပ်နှံမှုနှင့်နိုင်ငံခြားစီးပွား ဆက်သွယ်ရေးဝန်ကြီးဌာနကို တိုးချဲ့ဖွဲ့စည်းရေးအတွက် ပြည်ထောင်စုလွှတ်တော် ကအတည်ပြုလိုက်တယ်လို့ သိရပါတယ်။ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနကို နိုင်ငံစီးပွားရေးဖွံ့ဖြိုးတိုးတက်ရေး၊ ကုလသမဂ္ဂအဖွဲ့အစည်းများ၊ နိုင်ငံတကာအဖွဲ့အစည်းများကပေးအပ်တဲ့ အကူအညီတွေကိုနိုင်ငံတော်ရဲ့ မူဝါဒ တွေ၊ စည်းမျဉ်းစည်ကမ်းတွေနဲ့အညီ ဆောင်ရွက်နိုင်ရေးရည်ရွယ်ခဲ့တာပါ။ ဒါအပြင်နိုင်ငံတကာ အဖွဲ့အစည်းတွေနဲ့ ပိုမိုထိရောက်စွာ ပူးပေါင်းဆောင်ရွက်မှုတွေ တိုးမြှင့်ဖို့နဲ့ နိုင်ငံအတွင်း ရင်းနှီးမြှုပ်နှံမှု လုပ်ငန်းများ ပိုမိုထိရောက်စွာ လုပ်ဆောင်နိုင်ရေးတွေဆောင်ရွက်ဖို့လည်း ပါဝင်တယ်လို့ ၀န်ကြီးဌာနအသစ်တိုးချဲ့ရခြင်းနဲ့ ပတ်သက်ပြီး နိုင်ငံတော်သမ္မတကိုယ်စား တာဝန်ပေးအပ်သည့် ပြည်ထောင်စု အဆင့်အဖွဲ့အစည်းဝင်ဖြစ်တဲ့ ပြည်ထောင်စု ရှေ့နေချုပ် ဦးထွန်းထွန်းဦးက ပြည်ထောင်စုလွှတ်တော်ကိုလာရောက်ရှင်းလင်းတင်ပြခဲ့ပါတယ်။

နိုင်ငံတော်သမ္မတကိုယ်စား တာဝန် ပေးအပ်သည့်ပြည်ထောင်စု အဆင့်အဖွဲ့အစည်းဝင်ဖြစ်တဲ့ ပြည်ထောင်စု ရှေ့နေချုပ် ဦးထွန်းထွန်းဦးကရှင်းလင်းတင်ပြခြင်းနဲ့ ပြည်ထောင်စုလွှတ်တော်ရဲ့ အဆုံးအဖြတ်ရယူခြင်းတွေကို နိုဝင်ဘာလ (၁၉)ရက် ကပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် ဒဿမပုံမှန်အစည်း အဝေးမှာ ပြုလုပ်ခဲ့တာပါ။ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနဟာ ယခုအစိုးရလက်ထက်မှာဖွင့်လှစ်တဲ့ (၂၅)ခုမြောက် ၀န်ကြီးဌာန ဖြစ်လာ ခဲ့ပါတယ်။ ဒါ့အပြင်ယခုအစိုးရလက်ထက်အသစ်မှာဖွင့်လှစ်တဲ့ တိုင်းရင်းသား လူမျိုးများရေးရာဝန်ကြီးဌာန ၊နိုင်ငံတော်အတိုင်ပင်ခံရုံးဝန်ကြီးဌာန၊ အပြည်ပြည်ဆိုင်ရာ ပူးပေါင်းဆောင်ရွက် ရေးဝန်ကြီးဌာနနဲ့ ပြည်ထောင်စုအစိုးရအဖွဲ့ရုံးဝန်ကြီးဌာနတို့ပြီးနောက် (၅)ခုမြောက် ၀န်ကြီးဌာနအသစ်လည်း ဖြစ်လာခဲ့ပါတယ်။ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာနကို တိုးချဲ့ဖွဲ့စည်းရေးကိစ္စနဲ့ပတ်သက်ပြီး ပြည်ထောင်စု လွှတ်တော်မှာဆွေးနွေးခြင်းတွေကို နိုဝင်ဘာလ(၁၅)ရက်က ပြုလုပ်ခဲ့တဲ့ ဒုတိယအကြိမ်ပြည်ထောင်စုလွှတ်တော် ဒဿမပုံမှန်အစည်းအဝေးမှာ လွှတ်တော်ကိုယ်စားလှယ့်(၉)ဦးက ဆွေးနွေးမှုတွေပြုလုပ်ခဲ့ပြီးနိုဝင်ဘာလ (၁၉)ရက်မှာ အတည်ပြုလိုက်တာပါ။

 

 

Related News