ပြည်ထောင်စု ငြိမ်းချမ်းရေးညီလာခံ(အသွင်တူဆောင်ရွက်ခြင်း)လို့အမည်ပေးထားတဲ့တက္ကသိုလ် ကျောင်းသားတွေ ပါဝင်ဆွေးနွေးမယ့် ဒီညီလာခံကို နိုဝင်ဘာ(၁၉)ရက်ကနေ (၂၃)ရက်အထိ ရန်ကုန်မြို့ ဖိုးစိန်လမ်းက Green Hill ဟိုတယ်မှာ (၅)ရက်ကြာ ပြုလုပ်နေပါတယ်။နိုဝင်ဘာ(၁၉)ရက် ကနေ (၂၁)ရက်အထိ ကတော့ သင်တန်းပို့ချတာတွေ၊ ဆွေးနွေးပွဲအကြောင်း ရှင်းပြတာ တွေနဲ့လက်ရှိ ငြိမ်းချမ်းရေး ဖြစ်စဉ်မှာ ပါဝင်သူတစ်ချို့ကလည်း လာရောက်ဆွေးနွေးတာတွေ ပါဝင်မယ့်စွမ်းရည် မြှင့်သင်တန်းပေးတာပြုလုပ်မှာဖြစ်ပြီး နိုဝင်ဘာ(၂၂) ရက်နဲ့(၂၃)ရက်ကတော့အစုအဖွဲ့အလိုက် ဆွေးနွေးမှုတွေ ပြုလုပ်ကြမှာဖြစ်ပါတယ်။

အခုအသွင်တူညီလာခံကိုတော့ ပြည်ထောင်စုငြိမ်းချမ်းရေးညီလာခံမှာပါဝင်တဲ့အစုအဖွဲ့အတိုင်းခွဲပြီး ဆွေးနွေးမှာ ဖြစ်ကာ မြေယာစီမံခန့်ခွဲမှု၊တိုင်းရင်းသားတန်းတူအခွင့်အရေးနဲ့တိုင်းရင်းသားဘာသာစကားသင်ကြားရေး ဆိုင်ရာ ကိစ္စရပ်တွေကို ဆွေးနွေးအဖြေရှာကြရမှာ ဖြစ်ပါတယ်။ပြည်ထောင်စုငြိမ်းခမ်းရေးညီလာခံနဲ့ပုံစံတူပြုလုပ်တဲ့အခုညီလာခံမှာတော့လက်ရှိ တက္ကသိုလ်အသီးသီးမှာ ပညာသင်ကြားနေတဲ့အသက်(၁၇)နှစ်ကနေ (၂၄)နှစ်အတွင်း ကျောင်းသားကျောင်းသူ (၈၀)ဦးကပါဝင်ဆွေးနွေးကြမှာဖြစ်ပါတယ်။

အခုတက္ကသိုလ်ကျောင်းသားတွေရဲ့ ညီလာခံမှာတော့ မိန်းကလေးတွေနဲ့တိုင်းရင်းသားတွေကို ပိုမိုကိုယ်စားပြု ခေါ်ယူခဲ့ကာ  ပြည်သူ့လွှတ်တော်ရဲ့ ပါဝင်မှုအချိုးအစားပေါ်မူတည်တွက်ချက်ကာ တိုင်းနဲ့ ပြည်နယ်တစ်ခုကို ကျောင်းသားကျောင်းသူ (၃)ဦးကနေ (၁၃)ဦး ကြားပါဝင်ခွင့်ပေးထားတာဖြစ်ပါတယ်။ဒီအသွင်တူ ညီလာခံကို Plan International နဲ့ မြန်မာ့ငြိမ်းချမ်းရေးနဲ့လုံခြုံရေးဆိုင်ရာ အင်စတီကျူ(MIPS )တို့က ပံ့ပိုးကူညီပြီး ရန်ကုန်တက္ကသိုလ်၊ ဒဂုံတက္ကသိုလ်၊ ရန်ကုန်အရှေ့ပိုင်းတက္ကသိုလ်၊ တောင်ကြီး တက္ကသိုလ်၊ တောင်ငူတက္ကသိုလ်နဲ့ရန်ကုန်အဝေးသင်တက္ကသိုလ်က ကျောင်းသားကျောင်းသူ တစ်ချို့က ဦးဆောင်ပြုလုပ်တာ ဖြစ်ပါတယ်။

 

 

Related News