ယခု(၂၀၁၈-၂၀၁၉)ဘဏ္ဍာနှစ် အတွက် တယ်လီနော နဲ့ မိတ်ဖက်အဖွဲ့အစည်းတွေ ပူးပေါင်းလုပ်ဆောင်တဲ့ ဒီဂျစ်တယ်နည်းပညာ သင်တန်းကို တစ်နိုင်ငံလုံးမှာရှိတဲ့ ကျောင်းသား ကျောင်းသူ တစ်သိန်းအထိ သင်ကြားပေး သွားမယ်လို့ သိရပါတယ်။ ဒီဂျစ်တယ်နည်းပညာသင်တန်းတွေကို ကျောင်းသားကျောင်းသူတွေအနေနဲ့ ကွန်ပြူတာကို အခြေခံ တတ်ကျွမ်းဖို့နဲ့ အင်တာနက်တွေကို ဘေးကင်းလုံခြုံစွာအသုံးပြုနိုင်ဖို့ရာ ရည်ရွယ်ဖွင့်လှစ်တဲ့သင်တန်းပါ။ ယခုသင်တန်းကို ပညာရေးဝန်ကြီးဌာနရဲ့ လမ်းညွှန်မှုနဲ့ ဆက်သွယ်ရေးအော်ပရေတာတစ်ခုဖြစ်တဲ့ တယ်လီနောနဲ့ မိတ်ဖက် အဖွဲ့အစည်း တွေ ပူးပေါင်းလုပ်ဆောင်တဲ့ အစီအစဉ်တစ်ခုဖြစ်တယ်လို့ သိရပါတယ်။

ဒစ်ဂျစ်တယ်နည်းပညာသင်တန်းကို စတင်ဖွင့်လှစ်ခြင်းအခမ်းအနားကို နိုဝင်ဘာလ (၁၇) ရက်က နေပြည်တော်မှာ ရှိတဲ့ မင်္ဂလာသီရီဟိုတယ်မှာပြုလုပ်ခဲ့တာပါ။ ယခုသင်တန်းကို လာမည့်(၂၀၁၉) အောက်တိုဘာလအထိ တစ်နိုင်ငံ လုံးမှာရှိတဲ့  KMDကွန်ပြုတာစင်တာနဲ့ တယ်လီနောအလင်းအိမ်စင်တာများရှိ ကွန်ပြုတာစာသင်ခန်း(၁၇၀)ခန့်မှာ သင်ကြားပေးသွားမယ်လို့ သိရပါတယ်။ ယခုစီမံကိန်းကို တယ်လီနောအနေနဲ့ မြန်မာနိုင်ငံရဲ့ ဒစ်ဂျစ်တယ် အနာဂတ် ကို လျှောက်လှမ်းရာမှာ ပါဝင်ကူညီတဲ့အနေနဲ့လုပ်ဆောင်တာပါ။

ဒါ့အပြင်ပညာရေးကဏ္ဍ တိုးတက်မြင့်မားလာ စေရေး နဲ့ နိုင်ငံတော် အစိုးရက ကြိုးပမ်းဆောင်ရွက်နေတဲ့ ဒီဂျစ်တယ်အသွင်ပြောင်းလဲခြင်းလုပ်ငန်းစဉ်တွေမှာ တစ်ထောင့်တစ်နေရာက ပါဝင်ကူညီတဲ့ အနေနဲ့ လုပ်ဆောင်တာဖြစ်တယ်လို့ တယ်လီနောမြန်မာက သိရပါတယ်။ ဒစ်ဂျစ်တယ်နည်းပညာသင်တန်းကို ယခင်က နွေရာသီ ဒီဂျစ်တယ် နည်းပညာသင်တန်းတွေ အနေနဲ့ဖွင့်လှစ် ခဲ့တာပါ။ နွေရာသီဒီဂျစ်တယ် နည်းပညာ သင်တန်းကို ပြီးခဲ့တဲ့ (၂၀၁၈)ခုနှစ် နွေရာသီ ကျောင်းပိတ်ရက် (၃)လတာ ကာလအတွင်း တစ်နိုင်ငံလုံးမှာ သင်တန်းအပတ်စဉ်လေးခုနဲ့ဖွင့်လှစ်ခဲ့ကာ ကျောင်းသား ကျောင်းသူ (၂၅၀၀၀)ကျော်ကို သင်ကြား ပေးနိုင်ခဲ့တယ်လို့ သိရပါတယ်။

 

 

Related News