၂၀၁၈ ခုနှစ်အတွင်း တစ်နိုင်ငံလုံးအတိုင်းအတာနဲ့ ကောက်ယူခဲ့တဲ့ တိရစ္ဆာန်ကောင်ရေစာရင်း အတည်ပြု ထုတ်ပြန်ခြင်းအခမ်းအနားကို ဇန်န၀ါရီလ၁၀ရက်က နေပြည်တော်ရှိ Kempinski Hotel မှာ ပြုလုပ်ခဲ့ပါတယ်။ 

ပြည်တွင်းက တိရစ္ဆာန်ကောင်ရေ အရေအတွက်နဲ့ တိရစ္ဆာန်ထွက်ပစ္စည်း ထုတ်လုပ်မှု စာရင်းဇယားများကို အတည်ပြုနိုင်ရေးအတွက် တိရစ္ဆာန်ကောင်ရေစာရင်းကိုကောက်ယူခဲ့တာပါ။ ဒါ့အပြင် မွေးမြူရေးကဏ္ဍအတွက် လိုအပ်တဲ့ မူဝါဒတွေ၊ ရင်းနှီးမြှုပ်နှံမှုဆိုင်ရာ စီမံချက်တွေရေးဆွဲ နိုင်ရေးအတွက် ပါဝင်ခဲ့တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူကပြောပါတယ်။ 

အတည်ပြုထုတ်ပြန်ခဲ့တဲ့ တိရစ္ဆာန်ကောင်ရေစာရင်းကို ပြီးခဲ့တဲ့ ၂၀၁၈ခုနှစ် ဇန်န၀ါရီလကနေ မေလအထိ ကောက်ယူခဲ့တာဖြစ်ပြီး စုစုပေါင်းမြို့နယ် (၂၇၅)မြို့နယ်က ကျေးရွာပေါင်း (၁၂၂၀၃)ခုနဲ့ ရပ်ကွက်ပေါင်း(၅၃၀)မှ အိမ်ထောင်စုပေါင်း(၁၅၆၇၀၇၀)ကို ကောက်ယူခဲ့တဲ့ စာရင်းကို အခြေခံထုတ်ပြန်တာပါ။ ယခုထုတ်ပြန်တဲ့ စာရင်းထဲမှာ ကောက်ယူစဉ်ကာလအတွင်း မွေးမြူထားတဲ့ တိရစ္ဆာန်တွေအနေနဲ့ ခိုင်းနွားကောင်ရေ(၉)ဒသမ(၅)သန်းနဲ့ စားနွား(၁)ဒသမ(၁၁)သန်းရှိပြီး ကျွဲကောင်ရေ (၁)ဒသမ(၈)သန်းရှိပါတယ်။

သိုး၊ဆိတ်ကောင်ရေဟာ(၂)ဒသမ(၁)သန်းအထိရှိပြီး ၀က်ကောင်ရေဟာ(၅)ဒသမ(၈)သန်းရှိကာ ကြက်ကောင်ရေ သန်း၇၀အထိရှိပါတယ်။ ဒါ့အပြင်ဘဲ၊ကြက်ဆင်၊ဘဲငန်းနဲ့မန်ဒါလီဘဲကောင်ရေဟာ(၈)ဒသမ(၉)သန်းအထိရှိပြီး ခွေးကောင်ရေဟာ(၃)ဒသမ(၈)သန်းရှိတယ်လို့ သိရပါတယ်။ အဆိုပါစာရင်းတွေကိုပြည်နယ်တိုင်းဒေသကြီးနဲ့ ခရိုင်မြို့နယ်တွေအလိုက်စာရင်းတွေပြုစုထားပြီး မွေးမြူရေးလုပ်ငန်းတွေအတွက်အကျိုးရှိကာ စာရင်းတွေကို အနီးစပ်ဆုံးမှန်ကန်အောင်ကောက်ယူထားတယ်လို့ မွေးမြူရေးနှင့် ကုသရေးဦးစီးဌာနမှ ဒုတိယညွှန်ကြားရေးမှူး ဒေါက်တာနှင်းသီတာမြင့် ကပြောပါတယ်။ မြန်မာနိုင်ငံအနေနဲ့ တိရစ္ဆာန်ကောင်ရေစာရင်းကို လွန်ခဲ့တဲ့(၁၉၉၄)ခုနှစ်ကနောက်ဆုံး ကောက်ယူခဲ့တာဖြစ်ပါတယ်။

 

 

 

Related News