သာသနာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ ဦးစီးကျင်းပတဲ့ ခေတ်ပြိုင် ပန်းချီပြပွဲ၊ ဖွင့်ပွဲကို  ဇန်န၀ါရီလ (၁၂)ရက်က ရန်ကုန်မြို့ အမျိုးသားပြတိုက်မှာပြုလုပ်နေတာဖြစ်ပါတယ်။ခေတ်ပြိုင်ပန်းချီပြပွဲမှာ သာသနာရေးနှင့် ယဉ်ကျေးမှုဝန်ကြီးဌာန ဒုတိယ၀န်ကြီး ဦးကြည်မင်းက အဖွင့်အမှာစကားပြောကြားခဲ့ပြီး ဒီလိုပြောကြားရာမှာတော့  ပြတိုက်ဆိုတာက ပစ္စည်းများစုဆောင်းပြသသလို ပညာဖြန့်ဖြူးပေးတဲ့ နေရာလည်းဖြစ်ကြောင်း၊ ပြတိုက်ပစ္စည်းများ၊ အနုပညာလက်ရာ မြောက်တဲ့ပစ္စည်းတွေကိုသာ စုဆောင်းပြသထားကြောင်း၊ ပြောကြားခဲ့ပါတယ်။

ဒီခေတ်ပြိုင်ပန်းချီပြပွဲမှာ ပန်းချီဆရာ(၁၇)ဦးရဲ့  ပန်းချီကားတွေ(၆၀)ကိုပြသထားပြီး  ဒီပန်းချီကိုတော့ ရေဆေး၊ ဆီဆေး၊ အက်ခရိုင်းလစ် စတာတွေနဲ့ ရေးဆွဲထားတာဖြစ်ပါတယ်။ ပြသထားတဲ့ ပန်းချီကားတွေက မော်ဒန်ပန်းချီ၊ လှုပ်ရှားမှုအသွင်ပန်းချီ၊ စိတ်ကူးတည့်ရာပန်းချီ၊  သဘာဝကိုရှေးရှုရေးဆွဲထားတဲ့ ပန်းချီစတဲ့ ပန်းချီကားတွေကို တွေ့မြင်ရမှာဖြစ်ပြီး ပန်းချီကားဈေးနှုန်းအနေနဲ့ တချပ်ကို အနည်းဆုံး မြန်မာငွေကျပ်(၅)သိန်းမှ အများဆုံးငွေကျပ် သိန်း(၉၀)ထိ သတ်မှတ်ရောင်းချပေးနေတာဖြစ်ပါတယ်။ခေတ်ပြိုင်ပန်းချီပြပွဲကို (၂၀၁၉)ခုနှစ် ဇန်န၀ါရီလ(၁၂)ရက်မှ (၁၈)ရက်ထိ နံနက် (၉)နာရီခွဲကနေ ညနေ(၄)နာရီခွဲထိ ရန်ကုန်မြို့ အမျိုးသားပြတိုက်မှာပြသနေတာဖြစ်ပါတယ်။  

 

 

 

 

Related News