(၂၀၁၈- ၂၀၁၉)ခုနှစ် ပညာသင်နှစ်ကစပြီး မြန်မာနိုင်ငံရှိ တက္ကသိုလ်(၁၁)ခုမှာ ၀င်ခွင့်ပုံစံများကို စတင်ပြောင်းလဲပြီး ခေါ်ယူခဲ့ပါတယ်။ ၂၀၁၈-၂၀၁၉ပညာသင်နှစ်မှစပြီး ရန်ကုန်တိုင်းဒေသကြီးရှိ တက္ကသိုလ်(၆)ခု နဲ့ မန္တလေးတိုင်းဒေသကြီးရှိ တက္ကသိုလ်(၅)ခုဟာ ယခင်နှစ်များနဲ့ မတူဘဲ တက္ကသိုလ်အလိုက် ကိုယ်ပိုင်အစီအစဉ်နဲ့  တက္ကသိုလ်ဝင်ခွင့်များကို   လက်ခံပေးခဲ့တာ ဖြစ်ပါတယ်။ တက္ကသိုလ်များရဲ့ဝင်ခွင့် သတ်မှတ်ချက်များနဲ့ ၀င်ခွင့်လျှောက်ထားရမည့် ပုံစံတွေကို သတင်းစာတွေက တစ်ဆင့်ကြေညာထားပြီး အခုနှစ်ဇွန်လ(၁၅)ရက်မှစပြီး ၀င်ခွင့်လျှောက်လွှာများကို လက်ခံခဲ့တာ ဖြစ်ပါတယ်။

ဝင်ခွင့်ပုံစံပြောင်းလဲလိုက်တဲ့  ရန်ကုန်ရှိ တက္ကသိုလ်ခြောက်ခုကတော့   ရန်ကုန်နည်းပညာတက္ကသိုလ်၊ ရန်ကုန်တက္ကသိုလ်၊ သတင်းအချက်အလက်နဲ့နည်းပညာ တက္ကသိုလ်(ရန်ကုန်)၊ ရန်ကုန်နိုင်ငံခြားဘာသာတက္ကသိုလ်၊ ရန်ကုန်စီးပွားရေး တက္ကသိုလ်နဲ့ ရန်ကုန်ပညာရေးတက္ကသိုလ် တို့ဖြစ်ပြီး  မန္တလေးရှိတက္ကသိုလ်ငါးခုကတော့ မန္တလေးနည်းပညာတက္ကသိုလ်၊ နည်းပညာတက္ကသိုလ် (မန္တလေး)၊ မန္တလေးကွန်ပျူတာ တက္ကသိုလ်၊ မန္တလေးနိုင်ငံခြားဘာသာ တက္ကသိုလ်၊ မန္တလေးတက္ကသိုလ်တို့ ဖြစ်ပါတယ်။ဒီနှစ်တက္ကသိုလ်ဝင်ခွင့်ပုံစံတွေကတော့ ယခင်စနစ်လို တက္ကသိုလ်ဝင်ခွင့်ရွေးချယ်ရေးအဖွဲ့ကနေ လျှောက်ထားနိုင်ခြင်း၊ တက္ကသိုလ်များက ကိုယ်ပိုင်စနစ်နဲ့ လွတ်လပ်စွာခေါ်ယူခြင်း နဲ့ တက္ကသိုလ်တစ်ချို့မှ စံပုံစံသတ်မှတ်ပြီး  ရွေးချယ်ခေါ်ယူ ခြင်းတို့ ဖြစ်ပါတယ်။

ဝင်ခွင့်တိုက်ရိုက်ခေါ်ဆိုမှုက ယခုပညာသင်နှစ် မတ်လမှာ တက္ကသိုလ်ဝင်တန်းစာမေးပွဲ ဖြေဆို အောင်မြင်ထားတဲ့ ကျောင်းသား၊ကျောင်းသူများက စတင်ပြီးလျှောက်ထားနိုင်ခဲ့တာဖြစ်ပါတယ်။ အဆိုပါ တက္ကသိုလ်(၁၁)ခုမှာ   တက်ရောက်လိုတဲ့ ကျောင်းသား/သူတွေကလည်း တက္ကသိုလ်အရေအတွက်ကန့်သတ်ချက်မရှိပဲ သတ်မှတ်ထားတဲ့ တက္ကသိုလ်ဝင်ခွင့်ရမှတ်နဲ့ အခြေခံသတ်မှတ်ချက်များ ပြည့်မီရင် လျှောက်ထားခွင့် ရှိတယ်လို့ သိရပါတယ်။

ကျောင်းသားကျောင်းသူတွေအနေနဲ့  မိမိတို့အမှန်တကယ်ဝါသနာပါတဲ့ တက္ကသိုလ်ကိုတက်ရောက်ခွင့်ရနိုင်ရန်၊  အမှတ် အနည်းငယ် လိုအပ်ချက်ကြောင့် မိမိတို့ တက်ရောက်ချင်တဲ့ တက္ကသိုလ်ကို တက်ခွင့်မရလိုက်တာမျိုးမရှိစေရန်နဲ့ အမှတ်များပြီး ရွေးချယ်မှုလမ်းကြောင်း မလွဲမှားစေရန်ရည်ရွယ်ပြီး  တက္ကသိုလ်ဝင်ခွင့်ပုံစံများကို ပြောင်းလဲသတ်မှတ် လိုက်တယ်လို့ သိရပါတယ်။ အဆိုပါ ၀င်ခွင့်ပုံစံပြောင်းလဲမှုတွေကတော့ ၂၀၁၈ခုနှစ်အတွင်း ပညာရေးစနစ် ပြုပြင်ပြောင်းလဲမှုရဲ့ တစ်စိတ်တစ်ပိုင်းလည်း ဖြစ်ပါတယ်။

 

 

Related News