ရန်ကုန်တိုင်းဒေသကြီး၊ လှိုင်သာယာမြို့နယ်ရှိ ရပ်ကွက်နှင့်ကျေးရွာအုပ်စုများမှ ပြည်သူ (၁၂၄၇)ဦးအတွက် နိုင်ငံသားစိစစ်ရေး ကတ်ပြားများကို ဇန်န၀ါရီလ(၁၃)ရက်က လှိုင်သာယာမြို့နယ်ရှိကနောင်ခန်းမမှာပေးအပ်ခဲ့ပါတယ်။ရန်ကုန်တိုင်းဒေသကြီး၊လှိုင်သာယာမြို့နယ် (၈)၊(၁၄)၊(၁၆)ရပ်ကွက်များနဲ့ ရှမ်းချောင်းကျေးရွာအုပ်စု၊ ရေဥက္ကံကျေးရွာအုပ်စု နဲ့ညောင်ရွာကျေးရွာအုပ်စုတို့မှာ အောက်တိုဘာ (၃၁)ရက်နဲ့ နိုဝင်ဘာလ (၁)ရက်တို့မှာ သစ္စာစီမံချက်နဲ့ နိုင်ငံသားစိစစ်ရေး ကတ်ပြားများကိုကွင်းဆင်းဆောင်ရွက်ပေးခဲ့တာဖြစ်တယ်လို့သိရပါတယ်။ ဇန်န၀ါရီလ (၁၃)ရက်မှာတော့ ကွင်းဆင်း ဆောင်ရွက် ခဲ့တဲ့ ပြည်သူ (၁၂၄၇)ဦးအတွက် နိုင်ငံသားစိစစ်ရေးကတ်ပြားများပေးအပ်ခဲ့တာလို့သိရပါတယ်။အရင်က မှတ်ပုံတင်၊သန်းခေါင်းစာရင်းတွေပြုလုပ်ရာမှာ မိမိမူလနေထိုင်ရာဒေသမှာ လိုအပ်တဲ့အချက်အလက်တွေပြန်လည်ယူရတာ၊ဒါမှမဟုတ် မိမိမူလဒေသတွေမှသာပြန်လည်လုပ်ဆောင်ရပေမယ့်လက်ရှိအချိန်မှာတော့ သက်ဆိုင်ရာဌာနအချင်းချင်းချိတ်ဆက်ပြီး လက်ရှိနေထိုင်ရာဒေသမှာသာ အပြီးအစီးလုပ်ဆောင် နိုင်ပြီလို့သိရပါတယ်။

ဒါကြောင့် အကြောင်းအမျိုးမျိုးကြောင့်နေရာအတည်တကျမနေဘဲ အခြားဒေသကိုပြောင်းရွှေ့ နေထိုင်သူတွေအတွက် အဆင်ပြေမှုတွေရရှိစေမှာဖြစ်တယ်လို့သိရပါတယ်။(၁၀)နှစ်ပြည့် သို့မဟုတ် (၁၈)နှစ်ပြည့်နိုင်ငံသားစိစစ်ရေးကတ်ပြားများကိုလည်း မိမိတို့နေထိုင်ရာဒေသမှာပဲ(၂၈)ရက်အတွင်းငွေ(၆)ကျပ်ဖြင့် ဆောင်ရွက်ပေးနေတယ်လို့ ရန်ကုန်တိုင်းဒေသကြီးအစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးဇော်အေးမောင်ကပြောပါတယ်။ယခု (၂၀၁၉)ခုနှစ်မှာ နိုင်ငံလူဦးရေ (၅)ရာခိုင်နှုန်းကိုကြားဖြတ်သန်းခေါင်စာရင်းကောက်ယူသွားမှာဖြစ်ပြီး နိုင်ငံတော်အစိုးရရဲ့ ခွင့်ပြုချက်ကိုရရှိပြီးဖြစ်တယ်လို့သိရပါတယ်။ဒီလိုကောက်ယူနိုင်ဖို့ တိုင်းဒေသကြီးနဲ့ပြည်နယ်အသီးသီးမှာ အဖွဲ့အစည်းတွေလဲ ဖွဲ့စည်းပြီးဖြစ်တယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးက အဆိုပါအခမ်းအနားမှာ ထည့်သွင်းပြောကြားခဲ့ပါတယ်။ 

 

 

Related News