၂၀၁၉ ခုနှစ် ဇန်နဝါရီလ (၁၄) ရက်မှ (၂၀) ရက်အထိကို Forever Group ပတ်ဝန်းကျင်စိမ်းလန်းစိုပြေရေး ရက်သတ္တပတ် (Green Week) အဖြစ် သတ်မှတ်ထားပြီး Forever Groupမှ ဝန်ထမ်းတွေကိုယ်တိုင် သဘာဝပတ်ဝန်းကျင်ထိန်းသိမ်းရေး ဆိုင်ရာလှုံ့ဆော် မှုဖြစ်တဲ့ ပလတ်စတစ်လျှော့ချရေးလုပ်ငန်းတွေကို  ပါဝင်လုပ်ဆောင်နေကြပါတယ်။ Forever Groupကနေ ပတ်ဝန်းကျင်စိမ်းလန်စိုပြေရေး ရက်သတ္တပတ် (Green Week) ကို ပြုလုပ်ရတဲ့ ရည်ရွယ်ချက်ကတော့ အမှိုက်တွေ စနစ်တကျစွန့်ပစ်လာတတ်စေရန်၊ တခါသုံး ပလတ်စတစ်ပစ္စည်းတွေကို သုံးစွဲမှု လျှော့ချစေရန် ရည်ရွယ်လုပ်ဆောင် နေတာဖြစ်ပါတယ်။

Forever Groupရဲ့ Green Week မှာ သဘာဝပတ်ဝန်းကျင်ထိန်းသိမ်းရေးနဲ့ဆက်စပ်တဲ့ အစီအစဉ်တွေ ကိုလည်း MRTV-4၊ Channel-7 ရုပ်သံလိုင်း၊ Myandalay FM နဲ့ ပြုံးပလေးတို့ကနေ ထုတ်လွှင့်တင်ဆက်သွားမှာဖြစ်ပါတယ်။ ပတ်ဝန်းကျင် စိမ်းလန်းစိုပြေရေး ရက်သတ္တပတ်အတွင်းမှာ Forever Groupမှ ဝန်ထမ်းတွေက တခါသုံး ပလတ်စတစ်ပစ္စည်း တွေအစား ပြန်လည် သုံးစွဲလို့ရတဲ့ ခွက်၊ ထမင်းချိုင့်၊ ချည်အဝတ်အိတ်နဲ့ ခြင်းတောင်းတို့ကိုပဲ အသုံးပြုနေကြပါတယ်။ ဒါ့အပြင် ရုံးတွင်းကန်တင်းမှာလည်းတခါသောက်ကော်ဖီထုတ်တွေကို လျှော့ချရောင်းသွားမှာဖြစ်ပြီး၊ ပစ္စည်းတွေကို ပလတ်စတစ်အိတ်နဲ့ ထုတ်ပိုးတာတွေ မလုပ်ပေး တော့ဘူးလို့သိရပါတယ်။

ကုမ္ပဏီအမှတ်တံဆိပ် ပါဝင်တဲ့ ပလတ်စတစ်အစားထိုး ရေသန့်ဘူးတွေကိုလည်း ဝန်ထမ်းတွေကို မျှဝေ ပေးဖို့ရှိတယ်လို့ Human Resource Development Manager  ဦးသော်ဇင်နိုင်က ပြောပါတယ်။ဒါ့အပြင်Forever Groupကဝန်ထမ်းတွေကို သန့်မြန်မာထံကနေ ရယူထားတဲ့ အချက်အလက်တွေနဲ့အပတ်စဉ် ဗုဒ္ဓဟူးနဲ့သောကြာ နေ့တွေမှာ ပလတ်စတစ်လျှော့ချရေးဆိုင်ရာ အသိပညာတွေကို မျှဝေပေးတာတွေ ဆောင်ရွက်ပေးနေပါတယ်။

ယခုအချိန်ထိတော့ Forever Group မှာ တာဝန်ထမ်းဆောင်နေတဲ့ ဝန်ထမ်းတစ်ထောင်ကျော်ကို ပလတ်စတစ်လျှော့ချရေး အသိပညာတွေ မျှဝေပြီး ဖြစ်တယ်လို့ သိရပါတယ်။Forever Group က ပလတ်စတစ်လျှော့ချရေး နှိုးဆော်စာတွေကို ရုံးတွင်းမှာ ပိုစတာကပ်တာတွေအပြင် အမှိုက်ခွဲခြားစွန့်ပစ်နိုင် အောင် အမှိုက်ပုံးတွေ ခွဲခြား သတ်မှတ်ပေးတာတွေ လုပ်ဆောင်ထားပြီး ဇန်နဝါရီလ (၁၂) ရက်ကိုလည်း တခါသုံးပလတ်စတစ် ပစ္စည်းများ မသုံးစွဲရတဲ့နေ့အဖြစ် သတ်မှတ်ဆောင်ရွက်ခဲ့ကြပါတယ်။ 

 

 

 

Related News