အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ရန်ကုန်တိုင်းဒေသကြီးလူမှုဖူလုံရေးအဖွဲ့မှ (၂၀၁၈)ခုနှစ် ဇန်န၀ါရီလမှ နိုဝင်ဘာလအထိအာမခံအလုပ်သမား(၁)သိန်းကျော်ကို (၂၀၁၂)ခုနှစ် လူမှုဖူလုံရေးဥပဒေနှင့်အညီ ငွေလုံးငွေရင်း အကျိုးခံစားခွင့် ထုတ်ပေးခဲ့တယ်လို့ လူမှုဖူလုံရေးအဖွဲ့မှသိရပါတယ်။အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ရန်ကုန်တိုင်းဒေသကြီးလူမှုဖူလုံရေးအဖွဲ့မှာ (၂၀၁၇)ခုနှစ်က အကျုံးဝင်ဌာနပေါင်း(၁၁၀၃၈)ခုရှိခဲ့ပြီး (၂၀၁၈)ခုနှစ်မှာတော့ အကျုံးဝင်ဌာနပေါင်း(၁၂၀၁၅)ခုထိရှိခဲ့တယ်လို့ သိရပါတယ်။ ဒါ့အပြင်(၂၀၁၇)ခုနှစ်က အကျုံးဝင်အာမခံအလုပ်သမား(၇)သိန်း(၄)သောင်းကျော် ရှိခဲ့ပြီး (၂၀၁၈)ခုနှစ်မှာတော့ အကျုံးဝင်အာမခံ အလုပ်သမားပေါင်း(၈)သိန်း(၅)သောင်း(၈)ထောင်ကျော်ထိ တိုးမြင့်ခဲ့တယ်လို့ သိရပါတယ်။ ရန်ကုန်တိုင်းဒေသကြီးလူမှုဖူလုံရေး အဖွဲ့မှ (၂၀၁၈)ခုနှစ်ဇန်န၀ါရီလမှ နိုဝင်ဘာလအထိ အာမခံအလုပ်သမား(၁)သိန်းကျော်ကို ငွေကျပ်သန်းပေါင်း (၂၀၅၄၂)သန်း (၂၀၁၂)ခုနှစ် လူမှုဖူလုံရေးဥပဒေ နှင့်အညီငွေလုံးငွေရင်းအကျိုးခံစားခွင့် ထုတ်ပေးခဲ့တယ်လို့ ရန်ကုန်တိုင်း ဒေသကြီး လူမှုဖူလုံရေး အဖွဲ့မှ ဒုတိယတိုင်းဒေသကြီးတာဝန်ခံအရာရှိ ဦးဝင်းစိုးက ပြောပါတယ်။

လူမှုဖူလုံရေးအဖွဲ့မှ ပေးအပ်ခဲ့တဲ့အကျိုးခံစားခွင့်တွေကတော့ မကျန်းမာမှု၊ မီးဖွားမှု၊ မီးဖွားစရိတ်၊ ဖခင်ဘ၀ဖြစ်မှု၊ ဇနီးမီးဖွားစရိတ်၊ နာရေးစရိတ်၊ ယာယီမသန်စွမ်းမှု၊ အမြဲတမ်းမသန်စွမ်းမှု၊ ကျန်ရစ်သူ၊ ဆေးဘိုး စတဲ့အကျိုးခံစားခွင့်တွေဖြစ်တယ်လို့ သိရပါတယ်။ (၂၀၁၈)ခုနှစ်နိုဝင်ဘာလအထိမကျန်းမာမှုကိုတော့ လူမှုဖူလုံရေးအကျိုးခံစားခွင့်အများဆုံးပေးအပ်ခဲ့ရတယ်လို့ သိရပါတယ်။လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန၊ လူမှုဖူလုံရေးအဖွဲ့အနေနဲ့ မြို့နယ် (၁၁၆) မြို့နယ်မှာ အလုပ်သမားဆေးရုံကြီး (၃)ရုံ၊ ခရိုင်ရုံး (၄) ရုံး၊ မြို့နယ်ရုံးခွဲ (၇၈) ရုံး၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၅) ခန်း၊လူမှုဖူလုံရေး -ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်း၊ (PPS) စနစ်နဲ့ စမ်းသပ်ဖွင့်လှစ်တဲ့ဆေးခန်း (၃) ခန်း၊ရွေ့လျားဆေးကုသယာဉ်(MMU) (၁) စီးတို့နဲ့ အကောင်အထည်ဖော် ဆောင်ရွက်နေတာဖြစ်တယ်လို့သိရပါတယ်။

 

 

Related News