အောင်ဘာလေသိန်းဆုဌာနခွဲအနေနဲ့ လက်ရှိမှာ ထီဈေးကွက်ထဲမှာရောင်းချနေတဲ့ ထီလက်ပွေ့ရောင်းချသူတွေနဲ့ ထီလက်လီဈေးကွက် ကို ထိန်းချုပ်နိုင်စွမ်းမရှိသေးဘူးလို့ အောင်ဘာလေသိန်းဆုဌာနခွဲမှ တာဝန်ရှိသူထံမှသိရပါတယ်။အောင်ဘာလေသိန်းဆုဌာနခွဲမှ တိုက်ရိုက်ရောင်းချနေတဲ့ ထီလက်ကားရောင်းချသူတွေကို အဓိကထိန်းချုပ်နိုင်ပြီး လက်လီနဲ့လက်ပွေ့ကိုတော့ မထိန်းချုပ်နိုင်သေးပါဘူး။လက်ရှိ ထီဈေးကွက်ထဲမှာ ထီဈေးနှုန်းမြှင့်တက်နေရတာက ထီဝယ်လိုအားပေါ်မူတည်ပြီး ဈေးနှုန်းမြှင့်တက်လာတာဖြစ်ပါတယ်။ထီလက်ကားရောင်းချသူကနေ ထီလက်လီရောင်းချသူ၊ ထီလက်ပွေ့ရောင်းချသူတွေကို အဆင့်ဆင့်ရောက်ရှိလာတာကြောင့် အခုလိုဈေးနှုန်းမြှင့်တက်လာတယ်လို့ အောင်ဘာလလေသိန်းဆုဌာနခွဲမှ ညွှန်ကြားရေးမှူး ဦးကျော်သန့်လွင်က ပြောပါတယ်။

အောင်ဘာလေသိန်းဆုဌာနခွဲအနေနဲ့ ထီရုံးတွေမှာတိုက်ရိုက်လာဝယ်သူတွေကို ကိုယ်တိုင်ရောင်းချတဲ့ ထီဆိုင်တွေ တိုးချဲ့ ဖွင့်လှစ်ဖို့ရှိသလို ထီတွေကို လှည့်လည်ရောင်းချတဲ့ထီကားတွေနဲ့ အဆင့်ဆင့်ရောင်းချတဲ့ထီဆိုင်တွေကို တိုးချဲ့ဖွင့်လှစ်ဖို့ ရည်ရွယ်ထားတယ်လို့သိရပါတယ်။လက်ရှိမှာအောင်ဘာလေသိန်းဆုဌာနမှ ဖြန့်ဖြုးရောင်းချသူတွေကိုတော့ (၅၀၀)တန်ထီလက်မှတ် အစောင်ရေ (၁၁)စောင်ကို ငါးထောင်သတ်မှတ်ထားပြီး လာမယ့် ဖေဖော်ဝါရီလမှာဖွင့်လှစ်မယ့် တစ်ထောင်တန်ထီလက်မှတ် အစောင်ရေ (၁၁)စောင်ကိုတော့  တစ်သောင်းသတ်မှတ်ထားတယ်လို့ သိရပါတယ်။

 

 

Related News