မန္တလေးမြို့နယ်(၇)မြို့နယ်မှာမီးဘေးလုံခြုံရေးအတွက်မီးဘေးကြိုတင်ကာကွယ်ရေးဇာတ်တိုက်လေ့ကျင့်မှုတွေကို မြို့နယ်အလိုက်အပတ်စဉ်ပြုလုပ်နေတယ်လို့ဇန်နဝါရီလ(၁၆)ရက်ကမန္တလေးမြို့၊ချမ်းမြသာစည်မြို့နယ်၊ သံလျှက်မော်တောင်ရပ်ကွက်မှာပြုလုပ်တဲ့မီးဘေးလုံခြုံ ရေးဇာတ်တိုက်လေ့ကျင့်မှုအစီအစဉ်ကနေသိရပါတယ်။မန္တလေးမြို့နယ် (၇)မြို့နယ်မီးဘေးလုံခြုံရေးဇာတ်တိုက်လေ့ကျင့်မှုတွေကို မန္တလေးတိုင်းဒေသကြီးမီးသတ်ဦးစီးမှူးလမ်းညွှန်ချက်နဲ့ဆောင်ရွက်နေတာပါ။ဒီလိုဆောင်ရွက်မှုတွေကိုမြို့နယ်အသီးသီကမီးဘေးအန္တရာယ်စိုးရိမ်ရတဲ့ရပ်ကွက်တွေ၊ ဈေးတွေမှာအပတ်စဉ်ဆောင်ရွက်သွားမယ်လို့သိရပါတယ်။

မီးငြှိမ်းသတ်ရေး၊ ရှာဖွေကယ်ဆယ်ရေး လုပ်ငန်းတွေကို ဇာတ်တိုက်လေ့ကျင့်သွားမှာဖြစ်ပြီး မီးဘေးအန္တရာယ်ကျရောက်လာပါကမီးငြှိမ်းသတ်ရေးလုပ်ငန်းတွေကို စနစ်တကျနဲ့ အံဝင်ခွင်ကျဆောင်ရွက်နိုင်ဖို့ရည်ရွယ်တယ်လို့ချမ်းမြသာစည်မြို့နယ်မီးသတ်ဦးစီးမှူး ဦးမင်းမင်းစိုးက ပြောပါတယ်။ချမ်းမြသာစည်မြို့နယ်အတွက်ပထမဆုံးအကြိမ်ဇာတ်တိုက်လေ့ကျင်မှုကိုအိမ်ခြေ(၅၀၀)ကျော်မီးဘေးလုံခြုံရေးအတွက် မီးဘေးအန္တရာယ်စိုးရိမ်ရတဲ့ သံလျှက်မော်တောင်ရပ်ကွက်၊အကွက်(၄၄၃၊၄၄၄၊၄၄၇)မှာလုပ်ဆောင်ခဲ့တာပါ။ Level(2)ယာဉ်အုပ်စု၊သန္ဓေ(သန်ဒေ)မီးသတ်တပ်ဖွဲ့ဝင် (၃၀)၊အရံမီးသတ်တပ်ဖွဲ့ဝင်(၁၀၀)နဲ့ဇာတ်တိုက်လေ့ကျင့်တာဖြစ်ပြီး မီးငြှိမ်းသတ်ရေး၊ရှာဖွေကယ်ဆယ်ရေးလုပ်ငန်းတွေပါဝင်တယ်လို့သိရပါတယ်။

မန္တလေးတိုင်းဒေသကြီးမီးသတ်ဦးစီးဌာနက မီးဘေး၊သဘာဝဘေးအန္တရာယ်တွေကျရောက်ခဲ့ရင်အချိန်မီဆောင်ရွက်နိုင်ဖို့မီးသတ်တပ်ဖွဲ့ဝင်တွေအတွက် မီးငြှိမ်းသတ်ရေး၊ရှာဖွေကယ်ဆယ်ရေးသင်တန်းတွေကိုပြုလုပ်ပေးနေပြီးအထောက်အကူပြုပစ္စည်းတွေနေနဲ့ လက်တွေ့ဇာတ်တိုက်လေ့ကျင့်မှုတွေကိုလည်းပြုလုပ်နေတယ်လို့ သိရပါတယ်။မန္တလေးတိုင်းဒေသကြီးမှာခရိုင်မီးသတ်စခန်း(၇)ခု၊ မြို့နယ်မီးသတ်စခန်း(၂၈)ခု၊ နယ်မြေမီးသတ်စခန်း(၆၄)ခုရှိပြီး သန္ဓေ(သန်ဒေ)တပ်ဖွဲ့ဝင်တစ်ထောင်ကျော်၊ အရန်မီးသတ်တပ်ဖွဲ့ဝင်သုံးသောင်းကျော်နဲ့ သီးသန့်မီးသတ်တပ်ဖွဲ့ဝင် နှစ်ထောင်ကျော်တို့က မီးဘေးလုံခြုံရေးနဲ့ ရှာဖွေကယ်ဆယ်ရေးလုပ်ငန်းများ ဆောင်ရွက်နေတယ်လို့ သိရပါတယ်။

 

 

Related News