ပထမအကြိမ်ဖွင့်လှစ်သင်ကြားပေးခဲ့တဲ့ အသိဥာဏ်ပစ္စည်းဆိုင်ရာမူပိုင်ခွင့်အခြေခံသင်တန်းဆင်း အခမ်းအနားကို ဖေဖော်ဝါရီလ(၁၀)ရက်က ရန်ကုန်မြို့ ကမ္ဘာအေးဘုရားလမ်းမှာရှိတဲ့မြတ်ဆုမွန်ကွန်ဒိုမှာ  ပြုလုပ်ခဲ့ပါတယ်။မြန်မာနိုင်ငံအသိဥာဏ်ပစ္စည်းဆိုင်ရာလုပ်ငန်းရှင်များအသင်းကဦးစီးပြီး အသိဥာဏ်ပစ္စည်းဆိုင်ရာ မူပိုင်ခွင့်အခြေခံသင်တန်းကို ပထမအကြိမ်ဖွင့်လှစ်ခဲ့တာဖြစ်ပါတယ်။ အသိဥာဏ်ပစ္စည်းဆိုင်ရာ မူပိုင်ခွင့်အခြေခံသင်တန်းကိုဖွင့်လှစ်ရတာက မူပိုင်ခွင့်အကြောင်းအရာနဲ့ ပတ်သက်တဲ့အကြောင်းအရာတွေကို ပြည်သူတွေသိရှိနိုင်စေရန် ရည်ရွယ်ပြုလုပ်တာဖြစ်တပါတယ်။ အသိဥာဏ်ပစ္စည်းဆိုင်ရာသင်တန်းမှာ  ဥပဒေနဲ့ပတ်သက်တဲ့ တာဝန်ရှိသူတွေ ၊အပါအ၀င် စီးပွားရေးလုပ်ငန်းရှင် အယောက်(၂၀)၀န်းကျင် တက်ရောက် ခဲ့ကြတာဖြစ်ပါတယ်။

အဲ့ဒီသင်တန်းမှာ ကုန်အမှတ်တံဆိပ်မူပိုင်ခွင့်ဥပဒေ၊စက်မှုဒီဇိုင်း မူပိုင်ခွင့်ဥပဒေ၊တီထွင်မှု မူပိုင်ခွင့်ဥပဒေ၊ စာပေ၊အနုပညာ မူပိုင်ခွင့်ဥပဒေ စတဲ့ ဥပဒေတွေနဲ့ ပတ်သက်တဲ့ အကြောင်းအရာတွေကို သင်ကြားပေးခဲ့တာဖြစ်ပါတယ်။မြန်မာနိုင်ငံ အသိဥာဏ်ပစ္စည်းဆိုင်ရာလုပ်ငန်းရှင်များအသင်းက ဦးစီးပြီး မူပိုင်ခွင့်ဥပဒေတွေနဲ့ ပတ်သက်ပြီး ရန်ကုန်တိုင်းဒေသကြီးအပြင် တခြားတိုင်းဒေသကြီးတွေမှာပါ အသိပညာ ပေးတာတွေနဲ့ သင်တန်းပေးတာတွေ လုပ်ဆောင်ပေးသွားမှာဖြစ်ပါတယ်။

 

Related News