MPT နဲ့ မြန်မာနိုင်ငံကွန်ပျူတာအသင်းချုပ်တို့ပူးပေါင်းပြီး မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ် (၂၀၁၉)နောက်ဆုံးအဆင့်ယှဉ်ပြိုင်ခြင်းနဲ့ ဆုချီးမြှင့်မှုကို ဖေဖော်ဝါရီလ(၁၀)ရက်က ရန်ကုန်မြို့ MICT Park မှာပြုလုပ်ခဲ့တာဖြစ်ပါတယ်။မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ်ကို မြန်မာနိုင်ငံတစ်ဝှမ်းလုံးရှိ နည်းပညာတက္ကသိုလ်များ၊ကွန်ပျူတာနှင့် အိုင်တီပညာကောလိပ်များ၊ပုဂ္ဂလိက ကျောင်းများ၊ နည်းပညာ ဆိုင်ရာစွန့်ဦးတီထွင်လိုတဲ့လူငယ်များ၊စတဲ့ ကဏ္ဍတွေမှထူးချွန်တဲ့လူငယ်တွေကို မြေတောင်မြှောက်ပေးဖို့နဲ့ စွန့်ဦးတီထွင်လုပ်ငန်းတွေလုပ်ကိုင်လိုတဲ့လူငယ်တွေအတွက် ရည်ရွယ်ပြုလုပ်ခဲ့တာဖြစ်ပါတယ်။

မြန်မာလူငယ်နည်းပညာစွန့်ဦးတီထွင်မှုဆန်ခါတင်ပြိုင်ပွဲမှာတော့ အောက်မြန်မာပြည်အသင်း(၅)သင်းနဲ့ အထက်မြန်မာပြည်အသင်း(၅)သင်း စုစုပေါင်းအသင်း(၁၀)သင်းက ၀င်ရောက်ယှဉ်ပြိုင်မှာဖြစ်ပါတယ်။ပြိုင်ပွဲဝင်တွေအနေနဲ့ ၀င်ရောက်ယှဉ်ပြိုင်ရာမှာ အွန်လိုင်းအောင်ဘာလေထီလက်မှတ်အက်ပလီကေးရှင်း၊ ဆိုလာနှင့်အာရုံခံစနစ်အသုံးပြုစိုက်ပျိုးရေးကဏ္ဍ၊ နည်းပညာစနစ်သုံးမြန်မာ့ယဉ်ကျေးမှုနဲ့ ရိုးရာဓလေ့ခံစားမည့်အက်ပလီကေးရှင်း၊ AR/VR စနစ်ဖြင့် တိုင်းရင်းသားစာပေများကိုလေ့လာသင်ယူသည့် အက်ပလီကေးရှင်း၊ ရန်ကုန်မြို့တွင်းတိုက်ခန်းခများလပေးစနစ်ဖြင့်ဌား ရမ်းခြင်းနှင့်စပ်တူနေထိုင်ရန်အခန်းရှာဖွေမည့် အက်ပလီကေးရှင်း၊ စားသောက်ကုန်ထုတ်လုပ်မှုအက်ပလီကေးရှင်း၊ စွန့်ပစ်ပစ္စည်းစီမံခန့်ခွဲမှုစက်ထုတ်လုပ်ခြင်းလုပ်ငန်း၊ လယ်သမားများအတွက် AI နည်းပညာသုံးစိုက်ပျိုးရေး အက်ပလီကေးရှင်း၊ စီးပွားရေးဆိုင်ရာအွန်လိုင်းချိတ်ဆက်မှုပလက်ဖောင်း၊ စက်ရုပ်အင်္ကျီထုတ်လုပ်မှုလုပ်ငန်းစတဲ့ ခေါင်းစဉ်တွေနဲ့ ၀င်ရောက်ယှဉ်ပြိုင်ခဲ့ကြတာဖြစ်ပါတယ်။

မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ်(၂၀၁၉)နောက်ဆုံးအဆင့် ယှဉ်ပြိုင်ခြင်းနဲ့ ဆုချီးမြှင့်ပွဲမှာ ဆန်ခါတင်ပြိုင်ပွဲဝင် အသင်း(၁၀)သင်းထဲမှ (၃)သင်းကို ရွေးချယ်ခဲ့တာဖြစ်ပြီး အသင်းတစ်သင်းကို ဆုကြေးငွေအဖြစ်ငွေကျပ်သိန်း(၈၀)အပြင် ကုမ္မဏီမှတ်ပုံတင်ရရှိခြင်း၊ စီးပွားရေးလုပ်ငန်းဖွံ့ဖြိုး တိုးတက်ရေးအထောက်အကူပြုစင်တာဖြစ်တဲ့ ကနောင်ဟပ်မှာ (၆)လတာ အခမဲ့ရုံးနေရာနဲ့အတူ စီးပွားရေးလုပ်ငန်းလုပ်ကိုင်နေတဲ့ပညာရှင်တွေနဲ့ အနီးကပ် အလုပ်လုပ်ကိုင်ခွင့်ရရှိမှာ ဖြစ်တယ်လို့သိရပါတယ်။ 

 

Related News