ပြည်တွင်းက အစိုးရနှင့်ပုဂ္ဂလိကကဏ္ဍမှ သံနှင့်သံမဏိထုတ်လုပ်မှုက (၅)ရာခိုင်နှုန်းသာရှိပြီး ကျန်ရှိနေတဲ့ (၉၅)ရာခိုင်နှုန်းကို ပြည်ပနိုင်ငံတွေမှ တင်သွင်းနေရတယ်လို့ သိရပါတယ်။ မြန်မာနိုင်ငံကို  ပြည်ပနိုင်ငံတွေကနေ သံနဲ့ သံမဏိတွေကိုအများအပြားတင်သွင်းနေရပြီး စံချိန်စံညွှန်း သတ်မှတ်နိုင်ခြင်းမရှိသေးတဲ့ အတွက် အရည်အသွေးနိမ့်တဲ့ ပစ္စည်းတွေပါဝင်လာပြီး နိုင်ငံအတွင်းက အသုံးပြုသူတွေကို အန္တရာယ်တွေ ကြုံတွေ့လာနိုင်တယ်လို့သိရပါတယ်။ ပြည်တွင်းမှာ သံနှင့်သံမဏိ စံချိန် စံညွှန်းများကို တိကျစွာသတ်မှတ်နိုင်ပါက ပြည်တွင်းက ထုတ်လုပ်မှုတွေ တိုးတက်လာစေရေးအထောက်အကူပြု မှာဖြစ်သလို တည်ဆောက်ရေးလုပ်ငန်းပိုင်းများမှာလည်း အန္တရာယ်ကင်းပြီး လုံခြုံစိတ်ချမှုတွေရရှိလာမယ်လို့ သိရပါတယ်။ 

မြန်မာနိုင်ငံအနေနဲ့တစ်နှစ်လျှင် ပြည်ပနိုင်ငံတွေကနေ သံနှင့်သံမဏိတန်ချိန်သုံးသန်းနီးပါးကို တင်သွင်းနေရတာပါ။ ပြည်တွင်းမှာ သံနှင့်သံမဏိတွေတိုးမြှင့်ထုတ်လုပ်နိုင်ရေးအတွက် ဆောင်ရွက်နေပြီး တစ်နှစ်လျှင် သံနှင့်သံမဏိတန်ချိန် (၄၀၀၀၀၀) အထိထုတ်လုပ်နိုင်မယ့် မြင်းခြံသံမဏိစက်ရုံကို လည်း တည်ဆောက်နေတယ်လို့သိရပါတယ်။ ဒါ့အပြင် မြန်မာနိုင်ငံကိုလက်ရှိ တင်သွင်းနေတဲ့ သံနှင့်သံမဏိများကို အရည်အသွေးစစ်ဆေးမှုမရှိသေးတာကြောင့် အရည်အသွေးမပြည့်မီတဲ့ ပစ္စည်းများဝင်ရောက်နေတာဖြစ်ပါတယ်။ပြည်တွင်းမှာထုတ်လုပ်တဲ့ သံနှင့်သံမဏိတွေ အပါအ၀င် ပြည်ပမှတင်သွင်းလာတဲ့ပစ္စည်များကို စစ်ဆေးနိုင်ရေးအတွက် ဓာတ်ခွဲခန်းများကို ထားရှိနိုင်ရေး အတွက် စက်မှုဝန်ကြီးဌာနအနေနဲ့ ဆောင်ရွက်နေတယ်လို့ သိရပါတယ်။ပြည်တွင်းမှာ သံနှင့်သံမဏိ စံချိန် စံညွှန်းများကို တိကျစွာ သတ်မှတ်နိုင်ရေးအတွက် ပထမဆုံးအကြိမ်အဖြစ်အလုပ်ရုံဆွေးနွေးပွဲ ကို  ဖေဖော်ဝါရီလ ၄ ရက်က နေပြည်တော်မှာ ပြုလုပ်ခဲ့တာဖြစ်ပါတယ်။ 

 

Related News