တောရိုင်းတိရိစ္ဆာန်တရားမ၀င်သယ်ဆောင်ရောင်းဝယ်ဖောက်ကားမှု လျော့ချရေးအတွက် တရားဥပဒေစိုးမိုးရေး နဲ့ ပတ်သက်တဲ့ ဌာနဆိုင်ရာဝန်ထမ်းတွေရဲ့စွမ်းဆောင်ရည်မြှင့်တင်ရေးအလုပ်ရုံဆွေးနွေးပွဲသင်တန်းကို ဖေဖေါ် ၀ါရီလ (၁၈) ရက်က မန္တလေးမြို့  Magic Mandalay Hotel မှာ ပြုလုပ်ခဲ့ပါတယ်။ အခုပြုလုပ်တဲ့ အလုပ်ရုံဆွေးနွေးပွဲသင်တန်းကို  ဇီဝမျိုးစုံမျိုးကွဲများ ထိန်းသိမ်းခြင်းရဲ့ အရေးပါပုံ၊ ဇီဝမျိုးစုံမျိုးကွဲ များ သဘာဝထိန်းသိန်းရေးနယ်မြေများဆိုင်ရာ ဥပဒေအကြောင်း သိရှိနားလည်စေရန်၊ ကမ္ဘာလုံးဆိုင်ရာနဲ့ အာရှ ဒေသအတွင်း တောရိုင်းတိရစ္ဆာန်တရားမ၀င် ကုန်သွယ်မှုအခြေအနေကိုသိရှိစေရန်၊ ဖမ်းဆီးရရှိတဲ့ တောရိုင်းတိရစ္ဆာန်များ ကိုင်တွယ်ထိန်းသိမ်းခြင်းကို သိရှိစေရန်စတဲ့ ရည်ရွယ်ချက်နဲ့ ပြုလုပ်တာဖြစ်တယ်လို့ သိရပါတယ်။ ဒါ့အပြင် တောရိုင်းတိရိစ္ဆာန်တရားမ၀င်ကုန်သွယ်မှု တားဆီးရေးမှာ အဓိကပါဝင်ဆောင်ရွက်နေတဲ့ တရားဥပဒေ စိုးမိုးရေးနဲ့ သက်ဆိုင်တဲ့ဌာနဆိုင်ရာတွေအချင်းချင်း ပူးပေါင်းညှိနှိုင်းဆောင်ရွက်မှု ပိုပြီးအားကောင်းလာစေဖို့ ဖြစ်တယ်လို့ မန္တလေးတိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးတင့်ဆွေကပြောပါတယ်။

ဒီဆွေးနွေးပွဲသင်တန်းကို သစ်တောဦးစီးဌာနနဲ့ သားငှက်ထိန်းသိမ်းရေးအဖွဲ့(WCS Myanmar) တို့ ပူးပေါင်းပြု လုပ်တာ  ဖြစ်ပါတယ်။အခုလိုဆွေးနွေးပွဲတွေကနေ တောရိုင်းတိရိစ္ဆာန် တရားမ၀င်ကုန်သွယ်မှုကိစ္စရပ်တွေရဲ့ နောက်ဆက်တွဲ သက်ရောက်မှုကို သိရှိလာကာ တားဆီးရေးလုပ်ငန်းတွေကို အဘက်ဘက်မှ ပိုမိုအားစိုက် ပြု လုပ်ခြင်းဖြင့် တရားမ၀င်ကုန်သွယ်မှုကို လျော့ကျလာစေပြီး မိမိ ဒေသတွင်းသာမက ကမ္ဘာ့အလယ်မှာလည်း မြန်မာနိုင်ငံဟာ ဇီဝမျိုးစုံမျိုးကွဲတွေကို ထိန်းသိမ်းနိုင်တဲ့ နိုင်ငံအဖြစ် သိရှိလာစေမှာ ဖြစ်တယ်လို့ WCS Myanmar မှ တာဝန်ရှိသူက ပြောပါတယ်။တောရိုင်းတိရစ္ဆာန်တရားမ၀င်သယ်ဆောင်ရောင်းဝယ်မှု လျှော့ချရေးဆိုင်ရာ စွမ်းရည်မြှင့်တင်ခြင်း အလုပ်ရုံဆွေးနွေးပွဲသင်တန်းကို လားရှိုးနဲ့ စစ်ကိုင်းမှာ ပြုလုပ်ခဲ့ပြီး မန္တလေးမှာတော့ ဒုတိအကြိမ်ပြုလုပ်တာ ဖြစ်တယ်လို့ သိ ရပါတယ်။


 

Related News