သန့်မြန်မာမှ Forever Group အပါအ၀င် (၈)ဦးကို Green Ambassadors အဖြစ် ဖေဖော်ဝါရီလ(၁၆)ရက်က ရန်ကုန်မြို့ မဟာဗန္ဓုလပန်းခြံမှာကျင်းပခဲ့တဲ့ Trashion to Passion for Beating Plastic Pollution အမည်ရှိတဲ့ Fashion Showပွဲမှာ ခန့်အပ်ခဲ့တာပါ။ 
သဘာဝပတ်ဝန်းကျင်ထိန်းသိမ်းရေးလုပ်ငန်းစဉ်တွေလုပ်ဆောင်နေတဲ့ထဲမှာ  ပြည်တွင်းမှာရှိတဲ့ သန့်မြန်မာ Group ကလည်းတစ်ခုအပါအ၀င်ဖြစ်ပါတယ်။သန့်မြန်မာက (၂၀၁၈)ခုနှစ် မတ်လကစပြီး ပြည်တွင်းရှိ ဒေသတွေမှာ ပလတ်စတစ်လျှော့ချရေးလုပ်ငန်းစဉ်တွေ၊ အမှိုက်တွေကိုစနစ်တကျ စွန့်ပစ်ရန်စီမံခန့်ခွဲမှုတွေ နဲ့ သဘာဝပတ်ဝန်းကျင်ကို ထိန်းသိမ်းရန် စတဲ့ အသိပညာပေးခြင်းတွေကို ပြုလုပ်ခဲ့တာပါ။ဒီလိုပြုလုပ်ခဲ့တဲ့ လုပ်ငန်းစဉ်တွေကို ပူးပေါင်းပါဝင်ပေးခဲ့တဲ့ Forever Group အပါအ၀င် (၈)ဦးကို သန့်မြန်မာရဲ့ Green Ambassadors များအဖြစ် ခန့်အပ်ခဲ့တာ ဖြစ်ပါတယ်။

သန့်မြန်မာမှ ခန့်အပ်လိုက်တဲ့ Green Ambassadors တွေကတော့ အကယ်ဒမီဆွေဇင်ထိုက်၊ အဆိုတော် ဇွဲပြည့်၊ သရုပ်ဆောင် မြနှင်းရည်လွင်၊ မိတ်ကပ် ခင်စန်းဝင်း၊ ဒီဇိုင်နာ မပုံ့၊ သရုပ်ဆောင် အေးဝတ်ရည်သောင်း၊ အဆိုတော် မိစန္ဒီ နဲ့ Forever Group တို့ပဲဖြစ်ပါတယ်။ဒီလို ခန့်အပ်ခြင်းခံရတဲ့ Green Ambassadors တွေက သန့်မြန်မာရဲ့ သဘာဝပတ်ဝန်းကျင် ထိန်းသိမ်းရေးအတွက် လူထုကိုအသိပညာပေးခြင်းလုပ်ငန်းစဉ်တွေမှာ ပါဝင်ကူညီပေးခဲ့ကြသူများ ဖြစ်တယ်လို့သိရပါတယ်။Forever Group ကတော့ ပြီးခဲ့တဲ့ ဖေဖော်ဝါရီလ(၁၄)ရက်မှ(၂၀)ရက် အထိ သန့်မြန်မာနဲ့ ပူးပေါင်းကာ Green Week ရက်သတ္တပတ်အဖြစ် ပလတ်စတစ်လျှော့ချရေးလုပ်ငန်းစဉ်တွေအတွက် လူထုအသိပညာပေးခြင်းတွေ လုပ်ငန်းစဉ်တွေဆောင်ရွက်ခဲ့ရာမှာ အကျိုးသက်ရောက်မှုများစွာရှိခဲ့တာကြောင့် Green Ambassador အဖြစ် ခန့်အပ်ခဲ့တာဖြစ်တယ်လို့  သိရပါတယ်။

သန့်မြန်မာမှ ခန့်အပ်လိုက်တဲ့ Green Ambassadors တွေအနေနဲ့ လူသွားလူလာများတဲ့နေရာတွေမှာ စည်းကမ်းမဲ့အမှိုက် ပစ်တာကိုရှောင်ကျဉ်ခြင်း၊ တစ်ကိုယ်ရည်သုံး ပလတ်စတစ်တွေကို လျှော့သုံးခြင်းတွေ နဲ့ သန့်မြန်မာမှ ပြုလုပ်နေတဲ့ ပတ်ဝန်းကျင်ထိန်းသိမ်းဆိုင်ရာသတင်းစကားတွေကို ပြည်သူလူထုဆီ ပြန်လည်မျှဝေပေးခြင်းတွေ ပြုလုပ်ပေးနိုင်ရမယ်လို့ သိရပါတယ်။



 

Related News