ရန်ကုန်တိုင်းဒေသကြီး၊မဟာဝိဇယစေတီတော်မြတ်ကြီးရဲ့(၃၄)ကြိမ်မြောက်ဗုဒ္ဓပူဇနိယပွဲတော်နှင့်ထမနဲထိုးပွဲကို ဖေဖော်ဝါရီလ(၁၈)ရက်က မဟာဝိဇယစေတီတော်မြတ်ကြီးမှာကျင်းပခဲ့ပါတယ်။ မဟာဝိဇယစေတီတော်မြတ်ကြီးမှာ တပို့တွဲလမြန်မာလူမျိုးတွေရဲ့ရိုးရာဖြစ်တဲ့ ထမနဲထိုးပြိုင်ပွဲတွေကို နှစ်စဉ်ကျင်းပလာတာဖြစ်ပါတယ်။အခုလို (၃၄)ကြိမ်မြောက်ဗုဒ္ဓပူဇနိယပွဲတော်နှင့်ထမနဲထိုးပွဲ ကျင်းပတာဟာ မဟာဝိဇယစေတီတော်မြတ်ကြီးတည်ထားတဲ့နှစ်ကို ဦးတည်ပြီးကျင်းပတာဖြစ်တယ်လို့သိရပါတယ်။

(၃၄)ကြိမ်မြောက်ဗုဒ္ဓပူဇနိယပွဲတော်မှာ အနောက်ပိုင်းခရိုင်ရဲ့ ပြိုင်ပွဲဝင်အဖွဲ့ (၁၄)ဖွဲ့က၀င်ရောက်ယှဉ်ပြိုင်ခဲ့ကျပြီး အခုလိုယှဉ်ပြိုင်ရာမှာလည်း မဟာဝိဇယစေတီတော်မြတ်ကြီးမှာ မြို့နယ်ကိုယ်စားပြု နှစ်စဉ်လာရောက်ယှဉ်ပြိုင်ကြတဲ့ အဖွဲ့တွေလည်းပါဝင်တယ်လို့သိရပါတယ်။
ဒါ့အပြင်ဗုဒ္ဓပူဇနိယပွဲတော်ရဲ့ထမနဲထိုးပွဲပြိုင်ပွဲမှာယှဉ်ပြိုင်ပြီး ဆုရရှိသူတွေကိုလည်းဆုချီးမြှင့်ခဲ့ပြီးတပို့တွဲလပြည့်နေ့မနက်ပိုင်းမှာတော မဟာဝိဇယစေတီတော်မြတ်ကြီးကို ထမနဲကပ်လှူခဲ့တယ်လို့သိရပါတယ်။ဒါ့အပြင် ဗုဒ္ဓပူဇနိယပွဲတော်အပြီးမှာတော့ ပိုလျှံတဲ့ထမနဲတွေကို မြို့နယ်အသီးသီးမှာရှိတဲ့ရပ်ကွက် အုပ်ချုပ်ရေးမှူးတွေဆီကတစ်ဆင့် ဝေငှပေးသွားမယ်လို့သိရပါတယ်။


 

Related News