မန္တလေးမြို့တော်စည်ပင်သာယာရေးနယ်နိမိတ်အတွင်းရှိ သာယာလှပရေးလုပ်ငန်းများဆောင်ရွက်ရန်ကျန်ရှိ နေသောမြေကွက်လပ်များအားဥပဒေနှင့်အညီအရေးယူဆောင်ရွက်ရန်အစီအစဉ်ရှိ/မရှိကြယ်ပွင့်ပြမေးခွန်းကို ဖေဖေါ်ဝါရီလ(၁၈)ရက် ဒုတိယအကြိမ်မန္တလေးတိုင်းဒေသကြီးလွှတ်တော်(၁၂)ကြိမ်မြောက်ပုံမှန်အစည်းအဝေးတတိယနေ့မှာ မေးမြန်းခဲ့တာပါ။ဒီမေးခွန်းကို ချမ်းမြသာစည်မြို့နယ်၊မဲဆန္ဒနယ်အမှတ်(၂)လွှတ်တော်ကိုယ်စားလှယ်ဦးမြင့်အောင်မိုးကမေးမြန်း ခဲ့တာပါ။အခုမေးခွန်းကိုဒုတိယအကြိမ်မန္တလေးတိုင်းဒေသကြီးလွှတ်တော်စတုတ္ထပုံမှန်အစည်းအဝေးဒုတိယနေ့မှာ ကြယ်ပွင့်ပြမေးခွန်းအဖြစ်မေးမြန်းခဲ့ဖူးပြီးမေးခွန်းမေးမြန်းတဲ့(၂)နှစ်ဝန်းကျင်အတွင်းမြေကွက်အချို့ကသာဂရန် လျှောက်ထားတာ၊အိမ်ဆောက်တာနဲ့ခြံစည်းရိုးခတ်တာအနည်းငယ်ရှိခဲ့ကာ ရာခိုင်နှုန်းအများအပြားကမြေကွက်လွတ်အဖြစ်ကျန်ရှိနေသေးတယ်လို့သိရပါတယ်။မြေကွက်လွတ်တွေဟာငယ်စာရင်းပျောက်ဆုံးနေတာ၊မည်သူ မည်ဝါပိုင်ဆိုင်ကြောင်းမသိရဘဲနှစ်ပေါင်းများစွာမြေကွက်လွတ်အဖြစ်ရှိနေတာ၊အချို့ကပိုင်ရှင်ရှိပြီးဂရန်လျှောက်လိုတာ၊ဂရန်ရှိပြီးသူတွေကအိမ်ဆောက်မိန့်လျှောက်လိုတာ၊ခြံစည်းရိုးခတ်လိုတာတွေရှိပေမယ့်ဝင်ရောက်ကျူး ကျော်နေထိုင်သူတွေကိုရှင်းလင်းဖို့ကလုပ်ငန်းတစ်ခုဖြစ်နေတာစတဲ့အချက်တွေရှိနေတယ်လို့သိရပါတယ်။

တိုင်းဒေကြီးအတွင်းမြေကွက်လွတ်တွေကိုစနစ်တကျစီမံဖော်ဆောင်ဖို့မန္တလေးတိုင်းဒေသကြီး လွှတ်တော်ကိုယ်စားလှယ်ဦးမြင့်အောင်မိုးကဆိုပါတယ်။မန္တလေးမြို့တော်စည်ပင်သာယာရေးကော်မတီမြို့ပြစီမံကိန်းနှင့်မြေစီမံခန့်ခွဲမှုဌာနမှာနေ့စဉ်စိစစ်မှုတွေအရမြေချထားမိန့်စလစ်တု၊စလစ်ပျောက်၊စလစ်ကိုယ်တိုင်ရအတုတွေကိုတွေ့ရှိရတယ်လို့လည်းသိရပါတယ်။မြေကွက်လွတ်တွေနဲ့ပတ်သက်လို့မန္တလေးမြို့တော်စည်ပင်သာယာရေးကော်မတီကမန္တလေးနေ့စဉ်သတင်းစာမှာမြေငှားရန်လျှောက်ထားခြင်း၊ဝင်းခြံခတ်ခြင်း၊အဆောက်အအုံဆောက်လုပ်ခြင်းတွေအတွက်အသိပေးကြေညာချက်တွေကိုထုတ်ပြန်ခဲ့တယ်လို့သိရပါတယ်။သတင်းစာပါကြေညာအသိပေးချက်လုပ်ငန်းစဉ်တွေကိုလက်ရှိဆိုင်းငံ့ထားပြီး မြေချထားမိန့်၊မြေချစလစ်များတင်ပြပြီးမြေငှားဂရန်လျောက်ထားမှုတွေကိုမန္တလေးတိုင်းဒေသကြီးအစိုးရအဖွဲ့ လမ်းညွှန်မှုအတိုင်းဆက်လက်ဆောင်ရွက်သွားမယ်လို့မန္တလေးမြို့တော်ဝန်ဒေါက်တာရဲလွင်ကပြန်လည်ဖြေကြားခဲ့ပါတယ်။ မန္တလေးမြို့တော်စည်ပင်သာယာရေးနယ်နိမိတ်အတွင်းမြေကွက်လွတ်တွေနဲ့ပတ်သက်ပြီးကျူးကျော်နေထိုင်မှု ပြဿနာ၊အကွက်ထပ်အငြင်းပွားမှုပြဿနာ၊လိမ်လည်ရောင်းချမှုတိုင်ကြားပြဿနာတွေရှိနေတယ်လို့သိရပါတယ်။ 

 

 

 

Related News