ရန်ကုန်တိုင်းဒေသကြီး လမ်းမတော်မြို့နယ်မှာရှိတဲ့ ဓာတ်အားခွဲရုံအသစ်မှလျှပ်စစ်ဓာတ်အားတွေကို ဆေးရုံကြီးတွေကို အဓိကဖြန့်ဖြူးပေးသွားမှာဖြစ်တယ်လို့ ဖေဖော်ဝါရီလ(၁၇)ရက်ကပြုလုပ်ခဲ့တဲ့ လျှပ်စစ်ဓာတ်အားခွဲရုံအသစ် ဖွင့်လှစ်ပွဲမှ သိရပါတယ်။ ရန်ကုန်တိုင်းဒေသကြီး လသာမြို့နယ်နဲ့ လမ်းမတော်မြို့နယ်တွေအတွင်းမှာတည်ရှိတဲ့ ရန်ကုန်အထွေထွေရောဂါဆေးရုံကြီး အပါအ၀င် အခြားဆက်စပ်ဆေးရုံတွေနဲ့သူနာပြုတက္ကသိုလ် စတဲ့နေရာတွေမှာ ဓာတ်အားပြည့်မီစွာရရှိနိုင်စေဖို့ ရည်ရွယ်ပြုလုပ်တာဖြစ်တယ်လို့သိရပါတယ်။ လက်ရှိမှာ ရန်ကုန်အထွေထွေရောဂါကုဆေးရုံကြီးနဲ့ဆက်စပ်တိုးချဲ့အဆောင်များဖြစ်တဲ့ ဦးနှောက်နှင့်အာရုံကြောရောဂါကုသဌာန၊ ရန်ကုန်အထွေထွေရောဂါကုဆေးရုံအသစ် (JICA)ဆေးရုံ၊ ဆီးနှင့်ကျောက်ကပ်အထူးကုဆေးရုံကြီး ကုတင်(၅၀၀)တို့ကို ဓာတ်အားဖြန့်ဖြူးနေပြီဖြစ်တယ်လို့ သိရပါတယ်။

ဆေးရုံကြီးတွေအတွက်အဓိက လျှပ်စစ်ဖြန့်ဖြူးပေးနိုင်ဖို့အတွက် ဓာတ်အားခွဲစက်ရုံတည်ဆောက်ရေးလုပ်ငန်းမှာ  ၆၆/၁၁-၆.၆ ကေဗွီ၊ (၄၀) အမ်ဗွီအေ ဓာတ်အားခွဲရုံကို အလုံပင်မလျှပ်စစ်ဓာတ်အားခွဲရုံနဲ့ချိတ်ဆက်ဆောင်ရွက်ထားတာဖြစ်ပြီး ၆.၆ ကေဗွီဗို့အားစနစ်မှ (၁၁)ကေဗွီဗို့အားစနစ်ကို အဆင့်မြှင့်တင်ပြောင်းလဲခဲ့တာဖြစ်တယ်လို့သိရပါတယ်။မြေအောက်ဓာတ်ကြိုးတွေနဲ့ ချိတ်ဆက်ထားတာဖြစ်တဲ့အတွက် စုစုပေါင်းတန်ဖိုးငွေ (၁၃.၆၃၁) ဘီလီယျံအကုန်ကျခံကာ ဆောင်ရွက်ထားတာဖြစ်ပါတယ်။

လက်ရှိအသစ်ဆောက်လုပ်ထားတဲ့ ဓာတ်အားခွဲရုံကနေ လမ်းမတော်မြို့နယ်မှာရှိတဲ့ ဗဟိုအမျိုးသမီးဆေးရုံ၊သူနာပြုတက္ကသိုလ်၊ဆေးတက္ကသိုလ် (၁)(ရန်ကုန်)၊ဒဂုံမြို့နယ်အတွင်းမှာရှိ ကလေးဆေးရုံတို့ကို ဆက်လက်ဓာတ်အားဖြန့်ဖြူးပေးနိုင်မှာဖြစ်ပြီး လမ်းမတော်နဲ့ လသာမြို့နယ်အတွင်းမှာရှိတဲ့ မြို့နယ်တစ်ချို့ကိုပါ ၀န်အားမျှပြီး ဓာတ်အားဖြန့်ဖြူးပေးသွားမှာဖြစ်တယ်လို့သိရပါတယ်။ဖေဖော်ဝါရီလ(၁၇)ရက်ကပြုလုပ်ခဲ့တဲ့ လျှပ်စစ်ဓာတ်အားခွဲရုံ အသစ်ဖွင့်လှစ်ပွဲမှာတော့ လျှပ်စစ်နဲ့စွမ်းအင်ဝန်ကြီးဌာန  ပြည်ထောင်စုဝန်ကြီး ဦးဝင်းခိုင်၊ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့် တာဝန်ရှိသူများတက်ရောက်ခဲ့ကြပါတယ်။


 

Related News