ပန်းချီလောကမှာ မြန်မာမှုပန်းချီကားတွေကို ဖန်တီးရေးဆွဲတဲ့ ပန်းချီဆရာနည်းပါးလာတာကြောင့် မြန်မာမှုလက်ရာတွေ တိမ်ကော ပပျောက်သွားမှာ စိုးရိမ်တဲ့အတွက် မြန်မာမှုပန်းချီကားတွေကို အဓိကဖန်တီးရေးဆွဲနေတယ်လို့  ပန်းချီဆရာ ရွှေရိုးရာက ပြောပါ တယ်။ 
ပန်းချီဆရာရွှေရိုးရာဟာ ပန်းချီလောကထဲကို ၂၀၁၅ခုနှစ်မှာ စတင်ဝင်ရောက်လာခဲ့ပါတယ်။ သူ့အနေနဲ့ ပန်းချီလောကထဲကို ခြေမချမီက အများရယ်မောပျော်ရွှင်စေဖို့ ချစ်သူအမည်နဲ့ကာတွန်းတွေရေးသားခဲ့ပြီး ပန်းချီမောင်ကျော်စွာအမည်နဲ့ ရုပ်ပြပန်းချီ တွေလည်း ဖန်တီးရေးသားခဲ့တယ်လို့ သိရပါတယ်။ ပန်းချီဆရာရွှေရိုးရာဟာ (၁၉၈၇)ခုနှစ်မှာ ပန်းချီညကျောင်းတက်ရောက်ခဲ့ပြီး မြိတ်ဝင်းထိန်ဆီကနေ ရုပ်ပြပန်းချီကို သင်ယူခဲ့တယ်လို့သိရပါတယ်။ ကာတွန်းတွေ ရုပ်ပြပန်းချီတွေနဲ့ အောင်မြင်မှုရရှိနေတဲ့ ပန်းချီရွေရိုးရာဟာ မြန်မာမှုပန်းချီကားတွေကိုရေးဆွဲတဲ့ ပန်းချီဆရာတစ်ဦးဖြစ်ချင်တဲ့ သူ့ရဲ့ငယ်ဘ၀အိပ်မက်ကို အကောင်အထည် ဖော်ချင်တာကြောင့် ပန်းချီလောကထဲကို ၀င်ရောက်ဖြစ်ခဲ့တယ်လို့ ပြောပါတယ်။

ပန်းချီကားတွေစတင်ရေးဆွဲစဉ်ကတည်းက မြန်မာ့ရိုးရာပန်းချီကားတွေကိုသာ အဓိကဖန်တီးဖြစ်ခဲ့တဲ့ ပန်းချီရွှေရိုးရာဟာ ကျေးလက်သဘာဝလူနေမှုပုံစံ၊ တိုင်းရင်းသားတွေရဲ့ယဉ်ကျေးမှု၊ ဗုဒ္ဓဘာသာမြန်မာလူမျိုးတွေရဲ့ ဓလေ့စရိုက်တွေကိုပဲ အဓိကထား ရေးဆွဲခဲ့သူတစ်ဦးလည်းဖြစ်ပါတယ်။ လက်ရှိမှာတော့ ပန်းချီကားတွေကို ရေးဆွဲရာမှာ အခရိုင်းလစ်၊ ဆီဆေးတွေနဲ့ ရေးဆွဲနေပြီး ပန်းချီလောကမှာ မြန်မာမှုပန်းချီကားတွေကို ဖန်တီးရေးဆွဲသူ တစ်ဖြည်းဖြည်းနည်းပါးလာ တာကြောင့် ကိုယ်တိုင်ကပါဝါသနာပါတဲ့ မြန်မာမှုပန်းချီလက်ရာတွေကို ဖန်တီးဖြစ်နေတယ်လို့ ပန်းချီရွှေရိုးရာက ပြောပါတယ်။

ပန်းချီရွှေရိုးရာဟာသူ့ရဲ့ မြန်မာမှုပန်းချီလက်ရာ တစ်ကိုယ်တော်ပြပွဲအဖြစ် (၂၀၁၇)ခုနှစ်မှာပြသခဲ့ပြီး ပန်းချီပြိုင်ပွဲတွေ မှာလည်း မြန်မာမှုလက်ရာတွေနဲ့ ဆုတွေရရှိခဲ့ဖူးတယ်လို့သိရပါတယ်။လက်ရှိမှာတော့ ပန်းချီဈေးကွက်အတွင်း မြန်မာမှုလက်ရာပန်းချီကား တွေကို ဖန်တီးသူ(၁၀)ဦးခန့်သာရှိပြီး ဖန်တီးသူနည်းပါးနေပေမယ့် မြန်မာမှုလက်ရာတွေကို ပြည်တွင်းကရော ပြည်ပကပါ အမြတ်တနိုး ၀ယ်ယူစုဆောင်းတာတွေရှိတယ်လို့ ပန်းချီရွှေရိုးရာက ပြောပါတယ်။ပန်းချီရွှေရိုးရာဟာ မြန်မာမှုပန်းချီကားပေါင်း(၃၀၀)ခန့်ဖန်တီးခဲ့ပြီး အရင်ရေးဆွဲခဲ့တဲ့ပန်းချီလက်ရာတွေနဲ့မတူတဲ့ မြန်မာမှုပန်းချီ လက်ရာတွေကို ဆက်လက်ဖန်တီးသွားဦးမယ်လို့ ပြောပါတယ်။

 

 

Related News