အမေရိကန်တက္ကသိုလ်ပညာရေးပြပွဲ ကို ဖေဖော်ဝါရီလ(၁၉)ရက်က မန္တလေးမြို့ ဂျက်ဖာဆန်စင်တာမှာပြုလုပ်ခဲ့ပါတယ်။အမေရိကန်တက္ကသိုလ်ပညာရေးပြပွဲမှာ အမေရိကန်နိုင်ငံကတက္ကသိုလ်နဲ့ ကောလိပ်(၃၀)ကျော် လာရောက်ဆွေးနွေးပေးတာ ဖြစ်တယ်လို့ သိရပါတယ်။ဒီပြပွဲမှာ အမေရိကန်က တက္ကသိုလ်တွေ ၊ ကောလိပ်တွေမှာ ပညာသင်ယူချင်တဲ့ မြန်မာနိုင်ငံက ကျောင်းသား၊ ကျောင်းသူတွေနဲ့ အမေရိကန်တက္ကသိုလ်၊ ကောလိပ်တွေက ကိုယ်စားလှယ်တွေနဲ့ တိုက်ရိုက်တွေ့ဆုံနိုင်ပြီး ကျောင်းတွေမှာရှိတဲ့ ပညာရေးအစီစဉ်တွေ၊ ပညာသင်ဆုအကြောင်းတွေကို လေ့လာနိုင်ဖို့ ပြုလုပ်ပေးတာဖြစ်တယ်လို့ သိရပါတယ်။ ဒါ့အပြင် ကျောင်းသားဗီဇာ လျှောက်ထားရတဲ့ လုပ်ငန်းစဉ်နဲ့ ပတ်သက်တဲ့ အကြောင်းအရာတွေကိုလည်း ရှင်းလင်းပြောကြားပေး သွားမယ်လို့ အမေရိကန်သံရုံး(ရန်ကုန်)မှ တာဝန်ရှိသူကပြောပါတယ်။

အမေရိကန်တက္ကသိုလ်၊ ကောလိပ်တွေမှာ ပညာသင်ယူချင်တဲ့ မြန်မာနိုင်ငံကကျောင်းသား၊ကျောင်းသူအနေနဲ့ အမေရိကန်က ကျောင်းတွေကို တိုက်ရိုက် လျှောက်ထားနိုင်ပြီး လိုအပ်တာတွေကို ရန်ကုန်မြို့ရှိ အမေရိကန်စင်တာနဲ့ မန္တလေးမှာရှိတဲ့ ဂျက်ဖာ ဆင်စင်တာတို့မှာ လာရောက်ဆွေးနွေးနိုင်တယ်လို့ သိရပါတယ်။ မိမိတက်ရောက်လိုတဲ့ တက္ကသိုလ်တွေနဲ့ ဘာသာရပ်ကို ရွေးချယ်သင်ယူနိုင်မှာဖြစ်ကာ(၄)နှစ်တက်ရောက်ရမှာဖြစ်ပြီး (၂နှစ်)သင်တန်းနဲ့ (၆)လသင်တန်းတွေကိုလည်း ရွေးချယ်တက် ရောက်နိုင်တယ်လို့ သိရပါတယ်။ ဒါ့အပြင် အမေရိကန်အစိုးရက ပံ့ပိုးပေးတဲ့ ပညာသင်ဆုအစီအစဉ်တွေကိုလည်း လျှောက်ထားနိုင်တယ်လို့ သိရပါတယ်။ အခုလက်ရှိ အမေရိကန်မှာ  မြန်မာနိုင်ငံက ကျောင်းလာတတ်တဲ့ ကျောင်းသား၊ ကျောင်းသူဦးရေ ၁၅၀၀ ကျော်ရှိတယ်လို့ သိရပါတယ်။အမေရိကန်တက္ကသိုလ်ပညာရေးပြပွဲကို စိတ်ပါဝင်စားတဲ့ ကျောင်းသားကျောင်းသူတွေ လာရောက်လေ့လာနိုင်ပြီး  ဖေဖော်ဝါရီလ (၂၁) ရက်မှာ ရန်ကုန်မြို့ အမေရိကန်စင်တာမှာ ပြုလုပ်သွားမယ်လို့ သိရပါတယ်။

 

Related News